Ja-nee, dis al weer Maandag en vandag moes my ou sonoondjie weer uithaal en wys. En ja, ek het beslis te veel van hom verwag, dit het ek van die eerste oomblik af geweet.
Vanoggend 9 uur het ek ‘n bevrore stukkie ‘pork belly’ in my sonoond gesit. Ek weet, ek weet, ‘n mens moet eerder ontdooide kos insit. Ag, en dit lyk toe of die sonnetjie lekker gaan skyn en oondjie sommer warm gaan word en toe sit ek sommer nog twee beessterte ook in. Bevrore, let wel. En skielik raak dit bewolk, sonnetjie bly wegkruip en die oond se temperatuur val tot by 40 grade Celcius. Wel, met ‘n wolk voor die son en 3 bevrore stukke kos, wat anders kan jy verwag? Dit, terwyl ‘n mens eintlik een ding op ‘n slag moet gaarmaak.
Maar Toortsie pendel mos en moet maar die son gebruik wanneer nodig.
Iewers het son weer sy kop uitgesteek en het hy die vark lieflik gaar gekry. Sag, sag, sag. Ek sou dit graag ‘n bietjie wou gebraai hê ook en ek is seker dat as dit al was in die oond en dit nie met ‘n beesstert of twee moes kompeteer nie, dit sou gebraai het ook. Die beesstert was al gaarderig, maar nog ver van sag af.
Die uitslag van my eksperiment? Ek dink dit was geslaag. Vir wat alles van die oondjie verwag is, beslis, want die vark was gaar en daar is baie ure se kooktyd by die beesstert verkort – kooktyd waarvoor die gas betaal moet word. En ek het weer heelwat kos vir die volgende paar dae. Wat meer kan ek vra?
Ek sal nie aanraai dat soveel kos op een slag gemaak wordnie. Mens oorlaai die oond onnodig.
Toortsie se reseppies werk sowaar in enige tipe oond – elektriese oond, gasoond, sonoond …
Toortsie
Sjoe, as ek dink hoe lank mens beesstert moet kook om dit sag te kry … dan het jou sonoondjie met sy min son glad nie sleg gedoen nie! Lekker eet Toortsie aan jou sonnige kos 😉.
LikeLiked by 1 person
Dankie. Ek het die beesstert tie verder in die kastrol gesit en stadig laat kook vir 2 ure en dit sowaar laat brand!
LikeLiked by 1 person
My genugtig 😳
LikeLike
Net effens gelukkig. Lieflik sag
LikeLiked by 1 person
Baie handig as daar genoeg son is. Arme oondjie kan ook nie wen met alles wat gelyk en gevries gaar moet kom. Tog dink ek is dit ideaal. Jy moet dit net kans gee om te werk. Ek hou van jou manier van beduie dit maak dit interessant.
LikeLiked by 1 person
Dankie. Ek dink iu oondjie het regtig sy kant gebring. Hy het mos die vark gaar gemaak én die beesstert halfoad gaar wat ek toe loop brand in die pot op die stoof. 🥸
LikeLiked by 1 person
Ek lees so. Tog het hy sy deel gedoen om te werk so met die min warmte van die son.
LikeLike
Net so. Ek glo dat hy in die somer sommer behoorlik sy kant gaan bring wanneer die dae warmer en langer is.
LikeLiked by 1 person
Nou net daardie beesttert bespring. Dit was mos nog 2 ure op ‘n stadige stoof. Man, vingerleklekker!
LikeLike
Nou lek ek sommer my lippe ook af. Mens kry nie sommer beesstert en beestong te koop hier nie. Jy kan bestel maar dit vat so lank dat jou lus weer oor is teen die tyd wat jy dit kan kry.(Ek oordryf darem ook bietjie hoor)
LikeLike
Ja, ek verstaan! My inkopies werk nog op die boeremanier – so, wanneer ek die slag ‘n beesstert of beestong sien, koop ek sommer twee en sit dit in die vrieskas tot wanneer ek dit dan nou weer dáár ontdek en dan maak ek gewoonlik sommer 2 op ‘n slag gaar, dis een keer se moeite. En dan is ek klaar vir baie lank voor ek dit weer eendag raakloop. 🙂
LikeLike
Ek kan vir jou n paar ja mare … gee Dis egter die moete werd om dit te koop as jy dit teenkom. (Ek het bv nie n vrieskas dus koop eek nie goed wat lank kan vries nie.)
LikeLike
Dit kan ek heeltemal verstaan. Ek vermoed dat groot vrieskaste ‘n boereding is. Daarom dat dit nie vir almal moontlik is om dit so te doen nie.
LikeLike
Ek het darem altyd ‘n vrieskas gehad maar noudat ek hier bly het ek nie meer een nie. Ek sit maar my oorskiet in die vriesdeel van yskas en dan gebruik ek dit nooit nie want ek eets meestal drie dae en dan is daar geen oorskiet nie. Ekonomies moet ek bysê.
LikeLiked by 1 person
Absoluut ekonomies.
LikeLiked by 1 person
Vertel bietjie meer van die oond, of het jy al? Skakel dan asb.
LikeLike
https://sungenius.co.za/patio-solar-oven/
Christa, kan jy glo? Terwyl almal nou vir hulle air fryers koop, koop ek ‘n sonoond, presies die teenoorgestelde!
Die rede hoekom ek ‘n sonoond gekoop het, is omdat ek hou van kos wat lank en stadig gaar word. Dit veroorsaak natuurlik baie elektrisiteitsverbruik. En met Eskom wat nie aldag ewe betroubaar is nie … kyk met die son weet ek mos dat dit sekere dae skyn en ander nie. 🙂
Die elektriese oond is beslis makliker, die sonoond staan buite en ek moet hom maar deur die dag draai agter die son aan. En ek dink ek oorlaai hom maar, maar tot dusver is ek baie tevrede met hom.
LikeLiked by 1 person
Klink na iets wat ek op die plaas sal wil doen.
LikeLike
Ek geniet my oondjie regtig baie.
LikeLike
Ek het net die gewone patio oond, nie die een wat nog ‘n bietjie batterykrag ook gebruik nie.
LikeLiked by 1 person
Ek skat ek sal ook sonder die battery koop.
LikeLike
In die winter sal die battery dalk lekker wees, maar ek het dit tot nou toe nog nie gemis nie. Mens kan kos warm hou ook daarin.
LikeLike
Hoe groot is hy? Lyk nogal groot met al die potte daarin
LikeLike
Christa, hy is nogal groot. En diep. So, ek sit onder in sy vloer met gemak een van daardie swart oondplate waarin ons altyd die plaatkoek gebak het. Mens kry dit gewoonlik saam met ‘n nuwe oond. Dan sit ek een onderstebo bo-op om as deksel te dien, want daar moet altyd ‘n deksel op wees. Dan bo-op dit het ek ‘n medium swart kasserol met die ander kos. Die ding is, die son moet op die bak self skyn, so sodra ek twee goed insit, kry die onderste bak nie soveel son nie.
LikeLiked by 1 person
Daai is waar, klink groot genoeg. Ek is nou baie lus om dit te probeer op die plaas. Ons sukkel as daar load shedding is, hier kan ons gaan uiteet.
LikeLiked by 1 person
😁
LikeLike
Die lekkerte van hom is dat jy dit vanoggend kan uitsit met ‘n bredie daarin en eintlik van hom kan vergeet. Al wat gaan gebeur is dat die kos lekker sag gaan word.
LikeLiked by 1 person
Lyk beslis na iets wat ek nodig het.
LikeLike
As jy een is wat stadig en geduldig kook, beslis!
LikeLiked by 1 person
Ek is …
LikeLike