Ek kom nou sommer al goed reg met die Onderbroke Vas, of Intermittent Fasting, soos dit beter bekend is. Ek eet my middagete wanneer manlief by die huis kom en vanaand aandete. Soms sal ek nog lus kry vir iets om te eet, maar dit is eintlik glad nie meer ‘n probleem nie. Ek dink nie meer heeldag aan kos nie en daar is sekere goed wat ek eintlik glad nie meer eet nie, bloot omdat daar nie meer tyd is nie. Soos neute, want dis iets waaraan ek heeldag gepeusel het. Joghurt – deesdae sal ek nog ná ete ‘n skeppie ongegeurde joghurt eet, maar as ek ‘n kwart van die joghurt eet wat ek voorheen geëet het, is dit baie. Ek kry regtig nie meer behoefte aan soetgoed nie en maak nie meer Bantingterte nie, want wanneer moet ek dit eet? Ek kan regtig sê dat ek in die ritme daarvan gekom het.
Gistermiddag nooi my man my om gou saam te ry na vriende toe dan drink ek gou ‘n koppie tee saam met vriendin terwyl hy en vriend ‘n bietjie boer. Toe ek daar stop, vertel vriend vir my van ‘n groep mense wat daar was en noem dat sy vrou ‘n vlakoek gebak het en dat daar nog ‘n stukkie oor is. En toe tref die lus vir vlakoek my soos baie jare laas. Soos beslis meer as sewe jaar gelede voor ek begin bant het. Dit oorheers my hele denke! Ek het so lus, ek kan my amper nie inhou nie! Vriendin vra of ek gaan oortree en ‘n stukkie koek eet en dadelik sê ek ja. Sy sit ‘n massiewe stuk in my bord, waarvan ek die helfte terugsit, net om myne só vinnig op te eet, ‘n mens sou sweer ek het jare laas kos gehad en die helfte wat ek teruggesit het, weer in te skep en net so vinnig te eet. Genade!
Ja, dis hoe verlawing werk. Geen oomblik mag jy dink dat jy jou verslawing finaal oorwin het nie. Nooit nie. Dis juis wanneer jy dink dat jy stewig staan, wat jy behoorlik op jou agterent val. Ek ervaar regtig die laaste tyd dat, terwyl dit eintlik met my hantering van kos beter as ooit gaan, dat my weerstand swakker is wanneer die lokaas voor my neus beland. Iewers het ek my waaksaamheid laat verslap. Ek sal my grensdrade moet nagaan en kyk waar die vyand plek het om sy kloue in te steek.
Toortsie
toortsie.com 
Ai, daardie vlakoek … en is dit nie ironies dat jy nie eens aan dit gedink het tot dit fisies voor jou kom staan het nie! My grensdrade is tans heeltemal plat getrap deur groot olifante 😄 … ek sal ‘n span moet huur om te kom help met die herstelwerk!
LikeLiked by 2 people
Sjoe! Maar toe buurman daardie vlakoekwoord sê was ek totaal oorrompel!
Ek is een wat vollyf inspring in ‘n ding in, dit werk vir my, maar dit is die een ding wat ek nou in die kursus leer, dat vir party mense dit stapsgewys moet gebeur. So … watter van daai grensdrade is wel op hierdie stadium binne jou bereik om te doen? Dalk net eers om geen vloeistof in te neem wat koolhidrate bevat nie? Dan weer die volgende stukkie grensdraad, soos om niks kos OP stysel te sit nie, soos die pasta of die brood of die rys te los maar net die kos wat bo-op dit is te eet, ens.
LikeLiked by 2 people
Stapsgewys … ja, dis hoe ek dit sal moet doen. En om die vloeistowwe te vermy wat koolhidrate bevat, is beslis ‘n goeie plek om te begin – dankie Toortsie!
LikeLiked by 1 person
❤️
LikeLiked by 1 person
Ek kom ook reg met die vas…..my enigste probleem is dat ek saans half elf ONBEDAARLIK lus raak om te eet!!!! Nee, ek is eerlik…ek gee nie toe nie maar as daar iets soets is……o my word….ekkke sêkkel!!!
LikeLiked by 1 person
Wat daai vrou sê is dat jy minstens 3 ure voor slaaptyd jou laaste kos (of melk in tee) moet inneem omdat dit jou liggaam 3 ure neem voor die ‘kombuis toemaak’ in jou brein en voor jy in diep slaap verval. En dat jy diep slaap nodig het, want goeie slaap help jou om nie jou selfbeheersing te verloor nie.
Ek glo natuurlik daaraan om, as jy ‘n geweldige soetlus het, vir jou ‘n ‘toelaatbare soetigheid’ te maak. Kyk, ek raak so dat as ek in die winkel stap, die koeke voor my inspring. Dis sulke tye wat ek dan vir my ‘n Banting tert of iets maak. Maklik: 500 ml room, 500 ml roomkaas en 20 g dieetjellie (dis ‘n hele boksie). Maak dieetjellie met 500 ml kookwater aan. Klits roomkaas en room tot glad en voeg gesmelte jellie by. Laat stol. Dit kan dalk help as jy dan jou happie ‘soetigheid’ net ná jou aandete neem sodat jou verstand weet dat jy jou soetigheid reeds gekry het? Ek wonder sommer.
LikeLike
Dit klink na n wenresep. Gaan als koop en dit maak voor die naweek. Ek gee selde in vir die honger gevoel. Weerstaan dit. Maar ai…die soetlus pla….
LikeLiked by 1 person
Jy mag genoeg eet wanneer jy eet. Hoe nie honger te ly nie ❤️
LikeLiked by 1 person
En dit help natuurlik as jy kosse eet wat jou langer vol hou, soos kos met vet aan, eerder as koolhidrate, wat ‘n mens gou weer laat honger word. 😉
LikeLiked by 1 person
Jip…ek kom agter die koolhidrate laat my suiker val
LikeLiked by 1 person
Skielik besef ek dat dit dalk die rede vir my vergrype is. Ek maak nie meer vir myself tert nie, want wanneer moet ek dit eet met my intermittent fasting. Ek het ook koekbakwerk die naweek, lyk dit my. Ek kan dit in porsies vries en uithaal wanneer ek lus het.
LikeLike
Dit klink na n beter idee. Vries en eet net wanneer jy lus het. Ek het nie altyd lus vir soetgoed maar as dit kom….dan is n sny brood en stroop my uitweg….en dit neuk als weer deurmrkaar!!
LikeLike
Ja, brood is die makliker uitweg. 🙂 Sal beslis iets bak en vries vir wanneer die nood druk.
LikeLike
Ek het nou gelag, al is jy ernstig. Ek is seker die een keer se oortree gaan gou oorkom word. Mens se lyf weet soms wat sy nodig het.
LikeLike
Ja, jy is reg. Een keer se oortree sal nie die appelkar omgooi nie. Wat my wel onstel is dat ek letterlik al van die spoor af was toe ek nog net gehoor het van die koek. Genade!
LikeLiked by 1 person
Ek sou ook, dit klink beslis hemels. Ek mag dit nie eet nie, is nou al so gewoond daaraan dat dit my nie meer pla nie. Soms, net soms, proe ek wel. En dan is ek twee weke lank siek, met maag wat swanger lyk. Goeie rede om nie gou weer te eet nie.
LikeLiked by 1 person
As ons net wil HOOR! 🙂
LikeLiked by 1 person
Dit doen niks slegs aan jou nie, doen dit? Ek eet gereeld chips wat ek nie moet nie, maar ai dit is so lekker. Die volgende weke doen ek dan nie om die gewig in beheer te hou. Jy?
LikeLike
Ek moet mos maar oppas vir suiker. Ek was pre-diabetes. Ek meet nie my suiker nie, maar moenie met vuur speel nie.
LikeLiked by 1 person
Inderdaad
LikeLiked by 1 person
Jy het dalk ‘n goeie idee met beplanning
LikeLiked by 1 person
Jy is so reg. As ek eers begin met suiker goed stop ek nie. En dan is ek so teleurgesteld in myself
LikeLiked by 1 person
Ek moes nou weer keer om nie sommer net ‘n bakkue joghurt te eet nie. Waarvoor? Ek het goed geëet. En as ek weer begin daarmee is dit teen môre ‘n gewoonte.
LikeLike
Jy weet dit dan. Ek hou niks aan wat my kan versoek nie, maar dan is daar onweerstaanbare Lekkernye by die werk. Elke dag🙈
LikeLiked by 1 person
Ek het ook nie eintlik meer versoekings in die huis nie en ek nag die joghurt eet, maar het dit nie nodig nie. Het groot aandete gehad. Dit was sommer net lawwigheid. Gelukkig is dit nou oor.
LikeLiked by 1 person
Bly tog maar mens wat soms n versorking nie verby kan laat gaan nie. Dis baie waar oor verslawing, mens moet altyd op uitkyk bly vir die versoekings om nie weer terug te val nie.
LikeLiked by 1 person
O ja. Ek is 100 persent mens. Ek oortree maar soms. Wat hierdie keer vir my vreemd was, was my reaksie, dat selfs die gedagte aan die koek my totaal gekaap het.
LikeLike
Wys tog ook hoe jou liggaam reageer. Hy was sekker regtig behoeftig vir die soetigheid. Het dit vir jou ekstra lekker gesmaak of het dit jou soort van afgesit toe jy die eerste hap gee?
LikeLiked by 1 person
Dit was lekker, maar my brein was gekaap. Dis mos wat verslawing doen. Dit kaap jou brein. Ek is terug op die spoor. ❤️
LikeLike
En hoe, as daardie kaping gebeur kan mens nie help nie. Dis ook die lekkerte dat mens weer terug op die spoor kan klim ook. Maak mens trots omdat jy oorwin het weer.
LikeLiked by 1 person
❤️
LikeLike
Ek het giter vir my ‘n lekker Bantingkoek gebak en nou is my sieletjie weer gelukkig.
LikeLike
Mooi man, dis hoe dit werk.
LikeLike
Absoluut
LikeLiked by 1 person
Ek is saam met jou in hierdie verslawing. Myne is ‘n soet tee verslawing. As die lewe druk of ek wil net ontspan drink ek soet tee. Ek sou ook nie kon nee sê vir die vlakoek nie.
LikeLiked by 1 person
Aaaaaahhhhh jy verstaan! 😁👏🏻👏🏻👏🏻🥂
LikeLike