Dis mos skoolvakansie en soos die skoolvakansies naderkom, raak ouma se verlang meer. Dan kom die oproep: Kan die kleinkinders maar kom kuier vir ‘n paar dae? Natuurlik! NaTUURlik! NATUURLIK! HOE DAN ANDERS?
Gelukkig het ouma ‘n week se voorsprong gehad wat die fietsie aanbetref. Ouma kon solank ouma se fietsie leer ken en ook watter paaie beter werk.
En toe kom hulle!
Die eerste dag moes ouma nog baie huiswerkies doen en die kos regkry vir die week. Daarná was dit net kleinkinders. Nikse ge-e-possery nie. Nikse kuier op blogs of Facebook of Instegram nie. Ook nie eintlik gewhattsapp nie, so amper het ouma nie eers agtergekom daar was ‘n staking van dienste nie.
En ons? Ons speel. En ry almal saam met oupa op die trekker. En lees stories, sommer van die Goue Vroue ook. En ry fiets.
Eers moet oupa help om hulle op die amper te groot fietse te laai, maar toe ons die slag agterkom, ry ons en ry en ry. Soms oupa ook, maar meestal die kleinkinders met ouma agterna op die driewiel. En die hond.
Ouma se hart is vol. Haar bene lam. Sitvlak seer, want ‘n driewiel mis nie gate nie. Maar lekker. Vol. Bly. Dankbaar.
Toortsie
toortsie.com 
Nou verlang ek na my kleinkinders! Julle plaas lyk mooi.
LikeLiked by 1 person
Dankie Anne, dit is geweldig droog daar. Ek hoop jy sien jou kleinkinders sommer gou. Woon julle ver van hulle af?
LikeLike
900km (Kaapstad) en 15 000km (Noorweë).
LikeLike
😢
LikeLike
Sulke bevoorregte kleinkinders om so in die oopte te kan rondry!
LikeLiked by 1 person
Dit gebeur maar net so min, maar ons waardeer elke sekond wanneer dit gebeur. 🙂
LikeLiked by 1 person
Soos my vriendin altyd sê, die kleinkinders se kuier het jou glasie weer volgemaak.
LikeLiked by 1 person
Ai, ek het dit so geniet! My glasie is nou weer behoorlik vol. 🙂
LikeLike
Dit was nou regtig n heerlike en rowwe tyd. Nou het ouma self n vakansie nodig. Baie bky jy kon nou met jou fietsie saam met kleingoed rondrits, slaggate of te not.
LikeLiked by 1 person
Daai fietsies (al drie) is ‘n wenner! Regtig waar. Ek hoop hulle onthou eendag as hulle self oud is van hulle lawwe ouma op die driewiel.
LikeLike
Hul gaan beslis onthou want jy het dit voluit saam gedoen.
LikeLiked by 1 person
Dit is lekker dat jy so ‘n wonderlike tyd saam met jou kleinkinders kon deurbring! Kosbare herinneringe!
LikeLike
O dit is regtig kosbaar.
LikeLike
😊
LikeLike
Nou kyk nou net hoe lekker kan dit raak met Fietsie en jou kleinkinders! Ek is seker hulle gaan hierdie avonture saam met Ouma en haar Fietsie onthou … dit sal eendag weer die mooiste herinneringe vir hulle wees om vir hulle kinders oor te vertel!
LikeLike
Ek is seker hulle sal dit onthou. Ouma ook! Skielik was die dag te kort en hoef ouma nie heeltyd gewonder het wat om nog te doen nie.
LikeLiked by 1 person