Terugspieël

Terugspieël. Is dit die Afrikaanse woord vir ‘Backtracking’? Om, in ‘n gesprek ‘n woord of twee uit die ander persoon se gesprek te herhaal?

In huweliksverrykinskursusse wat ons al bygewoon het, het ek daarmee te doen gekry, maar dis elke keer net terloops in die lesing genoem. Ek kan nie onthou of ons dit regtig toegepas het nie. Ek het ook daarmee te doen gekry in boeke wat ek gelees het oor verhoudings, ens. Ek weet daarvan, maar moet erken dat ek dit nog nooit regtig toegepas het in my lewe nie. Dalk doen ons dit in TPM. Ja! Ons doen dit in TPM! Ons vra die baie spesifieke vrae volgens die prosesgids, maar gebruik altyd van die persoon se presiese woorde in ons vraag. Hoe voel jy daar waar … Hoekom is jy kwaad/vies/hartseer/watter-woord-die-persoon-ookal-gebruik.

In my Banting Coach kursus by Nutrition Network is ons nou klaar met die wetenskaplike gedeelte waar dokters, spesialiste, wetenskaplikes, dieetkundiges ons geleer het van diabetes, obesiteit en natuurlik die voordele van die Ketogeniese leefstyl. Nou is ons by die coaching gedeelte. Dis mos maklik, ek is mos ‘n juffrou? Toe nie heeltemal so maklik nie.

Colleen-Joy Page lei ons op in gesprekvoering. Om ware ‘coaches’ te word. En sy laat ons die vaardighede oefen. Vyf dae lank aan elkeen. Die eerste vaardigheid wat ons moet leer is Terugspieëling. Op dag een moet ons op ‘n positiewe manier terugspieël op minstens vyf verskillende plekke. Ons moet leer om behoorlik te luister wanneer die ander persoon praat. Watter woorde word beklemtoon, is deel van die oplossing? Maar ons moet ook ons natuurlike self wees. Én opreg geinteresseerd en aandag gee aan die persoon. Net 1-2 woorde op ‘n slag wat ons terugreflekteer na die persoon. Elke dag raak die opdrag ‘n bietjie ingewikkelder vir vyf dae. Wraggies interessant, hoor!

Nou ja, waar ek op die plaas sit, voer ek nie eintlik gesprekke nie. Dan onthou ek: Blogs!

So, dames, as ek dalk vreemde antwoorde gegee het die laaste paar dae op julle blogs of kommentare, onthou, ek het my ‘backtracking’ geoefen. Jammer as ek julle misbruik het, maar waar anders moes ek dit doen? Gelukkig kon ek dag 2 reageer op RSG, die nuus, op liedjies.

Toortsie

Oeps. Op dag vyf is die uitdaging toe dat jy moet reageer op whattsapp, Facebook, e-posse. Ek het nog die hele tyd dáár geskuil terwyl ek dit nie in regte gesprekke gewaag het nie. Of onthou het nie!

29 thoughts on “Terugspieël

    1. Ja! En my kreatiwiteit! Ons is tans besig met ‘spiral up’ vrae.
      Amway het my geleer: Ask yes questions.
      TPM leer my: Vra vrae om by die wortel van die probleem te kom. Hoe voel jy daar waar Pietie met jou lelik was? Ons soek juis die krap in die seer.
      Die onderwys het my leer vrae vra om antwoorde te kry, veral om positiwiteit te bevorder.
      Nou is dit weer vrae wat in ‘n positiewe rigting gaan. Hoekom? Hoe? Vandag is dit wat? Maar dit moet sagte rande hê. Wat, dink jy,kan jy doen om jou droom te bereik? Sulke vrae. 5 van hulle.

      Like

        1. Scrapy, dit is geweldig interessant. Jy doen die kursus op jou eie tyd, maar jy moet dit in drie maande voltooi. Die een helfte is die wetenskaplike deel rondom die Laekoolhidraathoëvetleefstyl, diabetes en vetsugtigheid en die tweede deel is die coaching deel. Daar is ‘n hele klomp kundiges wat lesings gee. Hierdie deel oor die kommunikasie word gedoen deur Colleen-Joy Page en jy kan direk by haar kursusse in kommunikasie doen, wat dan nou nie al die Bantingdinge insluit nie. Hier is Nutrition Network se kursusse: https://courses.nutrition-network.org/courses/. Ek het nou by Colleen-Joy gaan loer. Sy bied Inner Life skills aan. Hier is haar gratis kursusse: https://www.innerlifeskills.com/resources/. Ek hou nogal van haar manier van doen.

          Like

  1. Snaaks, ek het nog nooit gedink wat die Afrikaanse woord vir “backtracking” kan wees nie 🤔.
    En jou opmerking oor wanneer ons die persoon se presiese woorde in ons vraag gebruik … og, ek het dit baie in my laaste werk gedoen en spesifiek om plofbare situasies te ontlont en raai, dit het nogal gewerk 😉.
    Sterkte met die kursus – klink vir my jy gaan ons nog baie waarhede leer (soos bv. om mooi te luister wanneer iemand anders praat)!

    Liked by 1 person

  2. Reflekteer. Refleksie. Dit is die wiird wat gebruik word. Jy reflekteer die persoon se gevoelens en uitlatings deur sy eie woorde te herhaal sodat hy daarna kan luister en besluit of dit reg is soos hy dit bedoel het. Dan gaan jy verder en wend dit aan deur struktuur te gee “maw jy voel….. of deur positiewe vrae net daardie woorde te stel.

    Liked by 1 person

    1. En toe raak my reaksie weg. Ja, refleksie. Interessant – ons is geleer om te vra: verstaan ek reg? Hoor ek reg? Die vrou sê dit moenie nou meer so aanmekaar gebra word nie. Net een of twee woorde word gereflekteer sodat die ander persoon hoor dat hy gehoor het, maar daar moet meer vloei in die gesprek wees. Jy mag so een keer in die hele gesorek dit vra of opsom.

      Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s