Jammer, maar eet is ‘n redelike prioriteit in my lewe. Of nie eet nie. Jajaa, ek dink nie meer heeldag aan kos nie. Om die waarheid te sê kom ek nou al heeltemal goed reg met die Banting saam met die Intermittent Fasting. My maag sal my so een keer in die loop van die oggend en een keer in die middag herinner aan kos, maar dan verstaan hy as ek nee sê.
Net gister wat ek toe skeeftrap toe ek moeg by die huis aankom en van die heerlike nuwe maalvleisgereg eet. En nog eet. En dit was nog nie aandetetyd nie.
Om die waarheid te sê was ons gisteraand genooi vir ete. Lieflike braaivleis. En die gasvrou het moeite gedoen met heerlike slaai en fyn blomkoolballetjies met gesmelte kaas oor.
Ek vertel haar dat ek tans die skroewe ‘n bietjie stywer draai, net 2 keer per dag eet en vrugte totaal uitsny. ‘Ag nee’, sê sy. ‘Ek wou dan ‘n bessiesmoothie maak vir jou vir nagereg.’ Ek verseker haar dit sal reg wees.
Maar nadat ek my knippeldik geëet het aan koningskos vra sy wie wil wortelkoek eet en wie wil smoothie hê en ek val net daar van die bus af, trap in die slaggat en sit die pot heeltemal mis.
Ja, ek eet toe sowaar wortelkoek. Soetttttt. En dít nadat ek baie lank laas suiker ingeneem het. Wel mos droëvrugte tydens ons vakansie ‘n maand gelede, maar sedertdien niks.
Mens moet hou by wat jy weet is reg. Dis al wat ek hieroor te sê het. En dit was my eie, dom besluit. Wanneer leer ek dan? Ek het dan al gedink my bantingkop is al deeglik vasgeskroewe? Regtig? Ná 7 jaar?
Toortsie
toortsie.com 
Ek moet liewer net stilbly. Vir ń week lank eet ek in Mosambiek die minimuum, my eetlus is skoonveld. Kom by die huis aan en siedaar, ek maak dubbel op. Sug en sug.
LikeLiked by 1 person
Aaaaag wat!
LikeLike
Ai, so ‘n dessitse wortelkoek! Ek moes ‘n hele nuwe paadjie in ons plaaslike winkel uitwerk om daai koektafel mis te loop …
LikeLiked by 2 people
Ja. Gewoonlik pla dit nie meer nie. 😁 maar soms …
LikeLiked by 1 person
Ai Toortsie dit is maar ‘n stryd.
LikeLiked by 1 person
Ja. Behoorlik. Vandag was ek so soet, botter kon nie in my mond smelt nie. 😘
LikeLike
Dis wonderlik. 😅
LikeLiked by 1 person
Haha lag ek nou vir jou so soet botter kannie in jou mond smelt nie. Tamatie is my dood( nie rerig nie) as ek tamatie geeet het spring die rumatiek die nag saam met my in die bed. Ongelooflik hoe mens se liggaam werk.
LikeLiked by 1 person
Ai tog. My man kan ook nie tamatie eet nie.
LikeLike
‘n Vars rooi tamatie proe vir my soos aarbeie met n bietjie suiker op, yummy.
LikeLiked by 1 person
Ek eet tamaties sommer soos ‘n mens ‘n vrug eet.
LikeLiked by 1 person
Dit laat my dink: daardie pediater het gesê mense sal nie sommer ‘n tamatie in die mond druk soos ‘n bessie nie. Hy ken my nie!
LikeLike
Dis egter lekker om hom so vars te pluk en dan in die loop te eet. Dit eeue gelede wat ek dit gedoen het. ‘n lekker tamatie bly maar lekker. Vandag se tamaties is maar smaakloos.
LikeLiked by 1 person
Vandag se tamaties word groen gepluk.
LikeLike
Eintlik word alles groen gepluk en dan koud gehou om langer te hou.
LikeLiked by 1 person
Presies net so.
LikeLiked by 1 person
Jy sal weer reg eet, dit os soms nodig om so bietjie af te klim van roetine. En jou maag te verras.
LikeLiked by 1 person
Dankie vir jou positiwiteit. Ja, ek is weer ernstig op die spoor. 😁
LikeLiked by 1 person
Ag so nou en dan sal seker nie die kind van die bed af gooi nie 🤣 my liggaam sal in skok gaan as hy 1dag sonder sweeties moet wees🤫
LikeLiked by 1 person
In die begin gaan ‘n mens se liggaam reggig in skok as jy die koolhidrate los. Nou leer ek ‘n makliker manier en dat jy dalk nie so vinnifg alles los nie.
LikeLike