Soos wat baie mense wat al op my blog of my boek oor my kinderjare gelees het, is/was ek sensitief oor my hare. Want ek het krulhare en dit het soms vir my gevoel dat almal beter as ek weet hoe ek my hare moet hanteer en dat dit wat hulle sê, nie noodwendig die beste raad vir my is nie. Omdat ek nie vaardig met my hare is nie, het dit my lewenslank die beste gewerk as hulle my hare sommer net so kort as moontlik knip. Kort, kort, kort. Pennetjiekort. Want dan kon ek dit was en die borsel vinnig deurdruk en klaar. G’n gesukkel met ‘n haardroër nie. Soms het ek net ook lus gehad vir iets anders, soos enige ander mens. Ek bedoel, om 58 jaar met dieselfde haarstyl te loop … en dan laat groei ek dit en ek SUKKEL daarmee, veral as ek in die noorde van die land gaan vakansie hou, want dan doen die ander tipe klimaat as hier by die see nare goed met my hare en as ek terugkom by die huis is die eerste wat ek doen om dit weer so kort as moontlik te laat afknip.
Plaas dat ek al dáárdie jare na my krulkopdogtertjie geluister het wat gesê het: “Mamma, ‘n mens borsel nie krulhare nie.”
In hierdie jaar het ‘n paar interessante goed gebeur: 1) Ek het ‘n nuwe haarkapster gekry. En dít is een van die grootste krulhaargeheime – die haarkapster wat weet hoe om jou hare te knip, maar jou ook oplei om dit op ‘n maklike manier te hanteer. 2) Ek het iewers op die TV ‘n akteur gesien, gehou van haar hare en gedink dat dit my sal pas en ‘n foto geneem en vir my haarkapster gewys. Dit was die begin van die transformasie. 3) Ek het die volgende gegoogle: ‘grey curley hairstyles’. Grys, want my hare is grys, dus oulike haarstyle vir ouer dames. Foto’s afgelaai en neem dit saam haarkapster toe. Sy knip dit daarvolgens.
Nog krulhaarwenke wat ek uit my eie ondervinding kan gee? Goeie haarprodukte. 1) Goeie shampoo en ‘n treatment om mee te begin. Salonshampoo as jy dit kan bekostig. 2) Argan Oil om op jou hare te spuit nadat jy dit gewas het. 3) Gel vir KRULHARE! Vra by Clicks vir die persoon wat daar werk met die krulste hare, sy wéét watter produk om aan te beveel. Aunt Jackie’s don’t shrink flaxseed enlongating curling gel.
Nadat jy jou hare gewas het: 1) Moenie dit te vreeslik droogvryf met die handdoek nie. 2) Spuit Argan oli op hare. 3) MOENIE JOU HARE BORSEL of KAM en te veel hanteer nie. 4) Smeer jel aan. 5) Gebruik jou haardroër met ‘diffuser’ (die een met die punte in sy bek). Op sy WARMSTE en STADIGSTE stelling. Druk die diffuser letterlik in jou hare in en maak dit behoorlik droog. Moenie vreeslik hanteer nie.
En dit is dit.
Nou is my hare oral in almal se gesig en in my eie. Baie. Krullerig. Lekker. Lig.
Toortsie
Dis nou n goeie paar aanbevelings vir krul hare. Wens daar was iemand wat oor steil fyn hare aanbevelings kan maak. Nie dat dit veel gaan help vir my nie want my jare het al aangestap.
LikeLiked by 2 people
Google! 😁 vra vir google, het ek by my dogter geleer.
LikeLike
Haha, ek weet dit. Wou net bietjie jou uitdaag. Ek leef nou al vir 75 jaar saam met hare en as ek nou nog nie weet wat beste is nie sal ek nooit weet nie.
LikeLiked by 1 person
Stouter
LikeLiked by 1 person
https://www.realsimple.com/beauty-fashion/hair/hair-care/fine-hair-care
LikeLike
En jy lyk boonop pragtig sag en natuurlik!
LikeLiked by 1 person
Dankie liewe Aalsie
LikeLike
Daardie diffuser werk selfs met styl hare, vra my dogter!! Ek is mal oor jou haarstyl, pas by jou!
LikeLiked by 2 people
Baie dankie
LikeLike
Krul jou dogter haar gare met die diffuser? Of gee dit dit net ‘lug’?
LikeLiked by 1 person
Dis nou lekker dat jy dit deel. Dit gaan baie mense help. Ek het weer die dikste, stylste hare wat platval teen my kop. Verg ook ‘n baie goeie haarkapster (wat ek gelukkig het) My probleem is watter gel vir sulke hare. Sal moet google…😀
LikeLiked by 2 people
O ek bewonder dik, styl hare.
LikeLike
Ek wou altyd krulhare gehad het. Het geperm vir ‘n vale. Tot ‘n lang spiral perm. Laasgenoemde het my genees. 😀
LikeLiked by 2 people
En ek wou reguit hare hê. Ai toggie
LikeLike
Ek het ook daardie geleer, geen kam of borsel nie. Was nogal snaaks met my kleindogters, ek moes ń borsel gaan koop want hierdie ouma besit nie ń kam of borsel nie. Ek gebruik glad en geheel en al nie ń haardroeër nie, nie eers met ń diffuser nie. Goedkoop geheim is Palmers se olive oil conditioning spray. Dan natuurlik gel, sommer Flex se gel, goedkoop en maak nie jou hare hard en taai nie, want ek was net 2x per week hare. Die grootste geheim is die regte haarkapster wat krulhare verstaan en dit reg kan sny.
LikeLiked by 2 people
Dankie vir jou raad. My hare is geneig om te swaar te wees en dan plat te lê op my kop en soos ‘n strooidakkie op my kop te staan. Daarom dat die diffuser so fantasties werk.
LikeLiked by 1 person
Al wat ek sê is dat jy alte pragtig lyk met jou krulkop!!!
LikeLiked by 2 people
Dankiedankie! ❤️
LikeLike
Ek is malllll oor jou grys krulle, dink pas so goed by jou. Trommetjies jou hare is net so stunning🌻🌻
LikeLiked by 1 person
❤️
LikeLike
Toortsie, weet jy wat? As ek net gedink het, sou ek dieselfde raad kon gee. Het my hare jare lank geperm …
LikeLike
O ek het een keer my hare geperm. Toe was kroes nog kroeser. Dit was toe mode. 🙂
LikeLiked by 1 person
Dit was, maar ons het ons hare so met defuser drooggemaak.
LikeLiked by 1 person
Ek het nooit geweet nie. 🙈
LikeLiked by 1 person
My suster is ‘n haarkapster en leer mens ook hoe om jou styl te hanteer. Dus moes ek die difuser koop en leer gebruik.
LikeLiked by 1 person
Wonderlik!
LikeLiked by 1 person
Nogals, is dit nie.
LikeLiked by 1 person
Ja, ek sou ook bly wees as iemand my wou leer. 😁
LikeLiked by 1 person