Dit was in Junie 2019 wat ek vir Lira deur Chanette Paul gelees het. Lira is deel van ‘n reeks van vier boeke oor die vier Vywervroue van Vywerbaai. Voor ek nou vir Mirre begin lees het, het ek eers weer vir Lira ook gelees. Dis wonderlik hoeveel ander detail ek nou daarin raakgelees het.
Wat ek natuurlik baie van Chanette Paul se boeke geniet, en veral ook van die Vywervroue is dat dit in my bekende omgewing afspeel. Selfs al is dit ‘n geskepte strandplekkie, is dit vir my bekend en kan ek dit vir my voorstel in my geestesoog.
Mirre is die Vywervrou wat vir haar lewe moet vlug. Wat die hele tyd in vrees leef vir haar vervreemde man en nie weet wanneer hy weer sy opwagting gaan maak nie. Dis heerlik om die susterskap van die vier Vywervroue te ervaar, hoe hulle mekaar ondersteun, mekaar oplig. Vroue wat elkeen haar eie storie het wat mekaar in liefde tot hoër hoogtes aanspoor.
Mirre speel in redelik dieselfde tyd af as wat Lira afspeel en baie van die gebeure oorvleuel, maar ‘n mens sien dit nou uit die ander persone se oë. In hierdie boek is die klem meestal op Mirre en Boeta, haar jeugliefde.
Die spanningslyn is end-uit uitstekend en Chanette Paul kry dit reg om ‘n mens se aandag tot aan die einde te behou. Die leser kry ‘n kykie in die lewe saam met ‘n psigopaat (of iemand met een of ander geestesiekte), en beleef ook manipulasie en onsekerheid wat ‘n ongelukkige huwelik bring, nie net by Mirre en haar man nie, maar ook by van die ander sleutelspelers in die boek.
Natuurlik het die boek ‘n mooi einde, en is daar nie nog oop gate in die storie wat opgelos moes word nie. Ek sou natuurlik baie daarvan gehou het as Mirre op die end ‘n klomp geld erf of so iets.
Ek het die boek baie geniet en gaan sommer nou dadelik met die derde een in die reeks, nl Corali begin.
Toortsie
toortsie.com 
Ej herken ook die plekke waar die stories afspeel en dit maak dit maak dit nog meer spesiaal.
LikeLiked by 3 people
Ja, dit maak dit regtig lekker.
LikeLike
Chanette Paul skryf uitstekende boeke.Ek het al ‘n geweldig interessante radio onderhoud met haar gevoer. Slim!
LikeLiked by 2 people
Jy weet mos al ek het elke enkele van haar boeke.😉
LikeLiked by 2 people
Jaja en oor my opmerking oor ek en Corali. Ek moet weer oor die saak dink. Dalk Marilyn … 😉
LikeLiked by 1 person
Eish, ek dink nie Marilyn nie, Toortsie. Lees maar eers dan besluit jy.🥰
LikeLiked by 1 person
Vir al wat jy weet nie een nie. Sal nou Corali lees en mooi besluit. Ja ek weet te min van Marilyn af.
LikeLike
Baie dankie vir die bekendstelling!
LikeLiked by 1 person
😁
LikeLike
Klink na goeie leesstof. Dis soos Irma Joubert se oorlog tiologie wat in my geliefde Bosveld afspeel. Daardie gevoel van jy ken mos die plek maak dat dit lekker lees ook.
LikeLiked by 1 person
Ek is baie lief vir Chanette Paul se boeke.
LikeLiked by 2 people
Ek geniet ook Chanette Paul se boeke. En Sophia Kapp.
LikeLiked by 2 people
Nog nooit Sophia Kapp gelees nie. My man het al. Ek sal bietjie loer.
LikeLike
Ek het al ‘n paar van Chanette Paul se boeke gelees (en baie geniet) … maar was nog nie by die Vywervroue nie … dalk moet ek so ‘n plan maak. Sal ek by Lira moet begin om die res te verstaan?
LikeLike
Begin beslis by Lira. 😁
LikeLiked by 1 person