Herinneringe lê oral opgesluit

~ Toortsie

Ek is besig om al die kosfoto’s in lêers te sit, een vir elke dis. Want al die foto’s is deurmekaar in Google Drive en al het ek elkeen van die baie foto’s se naam en bladsynommers bygesit, is dit steeds nie georden volgens naam nie. Dit maak die werk vir die grafiese kunstenaar onnodig moeilik, want hoe moet sy nou kies wátter een van die vyf of ses foto’s van elke dis die mooiste een is?

Dit maak my natuurlik honger en lus vir kosse wat nie hier in die huis is nie, maar behalwe dit, sluit dit ander herinneringe oop.

Kyk, ek wys vir jou:

Sjinese bakkies uit my ma se goed. Sy het ‘n volledige stel aangeskaf toe Sjinese kos in die mode was. Ek weet nie wat van die stokkies geword het nie.
Die glasbakkie waarin die patatskywe gepak is, is deur my neef en sy vrou vir my as trougeskenk gegee. Dit is deel van die pragtigste stelletjie met ‘n kleine kristal suikerpotjie en melkbekertjie. Sy lewe lankal nie meer nie, is sommer skielik oordag dood aan ‘n asma-aanval.
Hierdie twee wit bakkies was ‘n kombuisteegeskenk van ‘n meisie wat saam met my skoolgehou het.
‘n Bord uit my ma se mooi blou versameling en een van haar pragtige wit porseleinborde waarmee sy die bloues vervang het.
Pragtige teestel van my ma.
Blou eetstel – Trougeskenk van my oorlede broer en sy vrou.

Wag! Laat ek dadelik ophou met foto’s wys! Netnou is julle net so honger soos ek en dit net van foto’tjies kyk! Toortsie 3 is hopelik binnekort klaar. Teen Vrydag as alles goed gaan, ontmoet ek en die grafiese ontwerper om net die finale verstellinkies te doen voor dit na die drukkers gaan, hopelik teen einde volgende week.

Mooi loop!

Toortsie

Ns. Jajaaa, al hierdie kossies kom uit Toortsie se kombuis!

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

19 thoughts on “Herinneringe lê oral opgesluit”

      1. Daai blou borde van my ma … daar was die mooiste sop opskepbak en ‘n klomp blou goed uitgestal in my ma se kamer. Ek het nogal gedink dat ek dit darem nie moet laat verlore gaan toe sy dood is nie, maar waarheen met die goed. Gelukkig was die kleindogters daar en elkeen het toe van dit geneem om in hulle eie huise uit te stal, wat ek vir hulle gegun het. 🙂

        Like

        Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s