Op die plaas het ons nie televisie nie. Gistermiddag toe ons sit en eet en terselfdertyd uitkyk by die groot skuifdeur terwyl die honde voor die deur beweeg, sê boet dat ons televisie kyk. Ek vra hom dat hy moet vertel wat ons sien.
Hy begin die wonderlikste storie vertel na aanleiding van wat die honde buite doen, ‘n absolute fantasie van die koninginhond Willa wat gaan vakansie hou by die see en die werkershond, Milo wat moet werk. Milo werk in sy kombuis en maak ‘n ‘potion’. Dan is daat ‘n tjieng geluid, want ‘n nuwe storie begin. Sus speel saam en las by die storie. Die nuus word in ‘n ernstige stem vertel.
Al wat ouma moet doen, is haar een honderd persent inleef in die storie en die skitterende ogies te geniet, haar honderdpersent aandag en die beloning wat sy daarvoor kry, is verbeeldingstroompies wat net aanhou vloei, ver verby waar ouma gedink het.
Die nagereg? Dat daar twee tipes katte is: Rooi katte en blou katte. Die rooies loop in die nag en die bloues in die nag!
Skielik is my idee van gekleurde skapies glad nie so vergesog nie, ek moes net al lankal veldtelevisie saam met my kleinkinders gekyk het.
Toortsie
Ns Hoekom het ek nie geweet hoe om my eie kinders se verbeelding te stimuleer nie?
Inlinks skakel vir al die oupa- en oumastories: https://fresh.inlinkz.com/party/2808199db9894254b848ffd032d39e8c
Al is hulle baie besig, het oumas altyd meer tyd vir hulle klein kinders. Ek hou van hierdie tv-reeks wat jy so goed beskryf!
LikeLiked by 1 person
Ek het dit so geniet! Die absolute oorgawe waarmee dit vertel was, is prysloos.
LikeLike
Onthou om vir hulle de Groene kat op ons dorp te gaan wys!
LikeLike
Dit is ‘n baie goeie idee. Ek het gedink aan die skeepswraksmuseum, maar weet nie of dit nou oop is nie met Covid. En die tronk! Het jy nie ‘n sleutel nie?
LikeLike
Skeepswrakmuseum het ‘n gemmerkat! Ek dink hulle is toe. Ek het ‘n ou tronk sleutel.
LikeLiked by 1 person
Ek praat dalk met jou as ons terug is.
LikeLike
OK
LikeLike
So dan het ons ‘n rooi kat, ‘n bloue en ‘n groene!
LikeLike
Toe ons jonk was het ons gewerk en kinders grootgemaak en probeer kop bo water hou. Nou kan ons met die kleinkinders inhaal.
LikeLiked by 1 person
Absoluut.
LikeLike
Wat ń heerlikheid om saam in hul verbeeldings wereld te stap.
LikeLiked by 1 person
Te lekker.
LikeLike
Dis lekker om die kleintjies se stories te hoor.
LikeLiked by 1 person
Daar het jy dit nou, ouma het die geheim ontdek! En iemand het ouma se liefde vir rooi ‘opgetel.’
LikeLiked by 1 person
Met die rooi kat? 😁
LikeLike
Die verbeeldingtrippies is wonderlik. Ek geniet kan my daaraan verluister. So jammer ons verloor dit. Wanneer verloor ‘n mens dit?
LikeLiked by 1 person
Ek vermoed ons verloor dit omdat dit nie gestimuleer word nie. Dit is hoekom ek so baie van ons Goue Vroue avontuurstories hou, dit dwing jou om dit weer nader te hark.
LikeLike
Baie waar. Ons moet dit oefen. Ons is geseën met wonderlike kreatiwiteit om selfs die moeilikste probleme op te los.
LikeLiked by 1 person
👏🏻👏🏻👏🏻
LikeLike