Dit is ‘n herhalende proses, die omkeer van rolle. ‘n Proses wat baie spanning en ook skeuring in gesinne kan veroorsaak.
Want die mamma en die pappa is die mamma en die pappa. Wat die leiding neem in die huis. Wat ons kinders grootmaak en opvoed om verantwoordelike volwassenes te word.
En iewers raak ons kinders groot. En raak die verantwoordelike volwassenes, net soos ons gehoop het hulle sal wees.
En dan kan daar botsings kom. Want pappa en mamma moet begin terugstaan en weet dalk nog nie heeltemal hóé nie. En voel dalk gefrustreerd omdat die kinders nie in die ouer-kind verhouding al meer verantwoordelikheid neem nie. Sien die ouers dalk nog nie kans om heeltemal die bal in die kinders se hande te sit nie. Voel hulle dalk bedreig as die kinders sterker na vore kom. Voel hulle selfs of die kinders alles wat hulle doen, kritiseer.
En die kinders voel gefrustreerd. Want hulle raak ouer en voel gereed om leiding te neem, ook in die ouer-kindverhouding. Voel terselfdertyd dat hulle dalk nie hulle ouers genoeg respekteer nie. Voel hulle dalk dat hul ouers hulle nie vertrou nie. Of verstaan nie. Voel hulle of hulle ouers nog nie besef het dat hulle nou ook volwassenes is nie. Of hulle ouers inmeng.
En stadig, maar seker verander die rolle. Kan ouer en kind volwasse vriende raak. Begin ouer al hoe gemakliker terugstaan. Begin kind al hoe meer die leiding neem.
Raak die rolle omgekeer.
Tot op ‘n dag wat die kind die ouer raak en die ouer die kind. Waar die ouer op ‘n kleine hopie in ‘n hospitaalbed lê en die kind oor haar voorkop streel en haar troos.
Toortsie
toortsie.com 
Ag Toortsie, ek voel jou seer. Geniet die samesyn, ek is seker sy waardeer dit. En al voel mens groot en sterk, is sy steeds die ma. Die een wat self ook leiding kan neem – as sy wil.
LikeLiked by 1 person
Ja sy kan as sy wil. ❤️
LikeLiked by 1 person
Mooi gezegd.
Dat is niet alleen in Zuid-Afrika zo maar ook hier in Vlaanderen.
Groetjes uit Vlaanderen 😀
Theo
LikeLiked by 1 person
Dis seker maar oral in die wêreld so. 😁
LikeLiked by 1 person
Ek weet so goed waardeut jy gaan. Ek het my dogter gevra om wanneer ek op my oudag daar is, moet sy my net met menswaardigheid behandel.
LikeLiked by 1 person
Ja. Dis wat ek ook vra.
LikeLike
Ek dink aan julle. Sterkte, Toortsie, ek weet dit is nie altyd so maklik nie. Wees net daar vir jou ma en wys jou liefde vir haar.
LikeLiked by 1 person
Dankie Anne. 😊
LikeLike
Nou dat mens ouer word, besef jy dat hierdie rolle omruil gaan gebeur, met jou. Hoop net soos Appeltjie sê dat jy menswaardig behandel sal word en aanvaar, dzt dit is hoe dit is. Hoop ek dat ek dit met vrede szl aanvaar en nie opstandig word nie. Sterkte vir jou. Dit is swaar om mens se eens sterk ma, so klein en hulpeloos te sien.
LikeLiked by 1 person
Dankie. Ek broei al ‘n geruime tyd met hierdie bloginskrywing, want ek wou iets soortgelyks skryf. Wat my getref het terwyl ek dit skryf, is dat ek, en almal van ons, terselfdertyd in beide skoene staan.
LikeLiked by 1 person
Is nogal so, veral nou dat ons ouer word.
LikeLiked by 1 person
Dit is die verloop van die lewe. Kringloop oor en oor. Wees net dankbaar dat jy daar kan wees waar sy nou jou hand nodig het. Net daardie gerusstellende hand vashou doen wondere vir jou en vir haar. Sterkte verder en vrede vir beide van julle.
LikeLiked by 1 person
Dankie. Sy is vanoggend tweede op die lys.
LikeLike
Goed so. Het gelees als het toe goed afgeloop ook. Baie bly daaroor.
LikeLiked by 1 person
Verbeel ek my jy praat nie hier net jou ma nie….. dieper dinge. Jammer om te hoor oor haar val. Sien dit gaan beter. ❤
LikeLiked by 1 person
Ai ai dit moes lees “net van jou ma nie.”
LikeLiked by 1 person
Jajaaaa soms is ek die kind, soms is ek die ma. Hul vermoed net verbrokkeling van die heup, nie val nie. Dit gaan nou goed. Operasie het goed afgeloop. Hul het pen ingesit.
LikeLiked by 1 person