Ons blogmaat, Christa, het mos ‘n baie slim kleinseun wat graag lees en dan is hy so oulik om resensies oor die boeke te skryf sodat ander oumas en mammas ook kennis neem van oulike boeke wat hy lees. Ek het toe sy raad gevolg en die eerste Kwaaikofski Omnibus op my Kindle gekoop wat ek vir my kleinseun gelees het toe ons kort gelede in die Kruger Wildtuin was.
Ek en hy was mal daaroor. Ons het saans gelees voor ons gaan slaap het, maar soms ook in die bus en dis dan wat ek stilweg gegelimlag het, want wanneer ons van Kwaaikofski se stories gelees het, was almal in die bus tjoepstil en al sou hulle dit nie erken nie, het hulle almal geluister! Ja, almal in die bus weet van Kwaaikofski, die privaatspeurder wat die beste privaatspeurder in die stad is, al is hy net nege jaar oud.
Kwaaikofski los allerhande moeilike sake op, soos wie die kougom gesteel het, die spook in die skool, ens. En elke keer is sy betaling ‘n paar pakkies van sy gunsteling kougom.
Intussen het ouma sommer die tweede en derde omnibus ook bestel, in gedrukte formaat hierdie keer en toe die kleinkinders weer by oupa en ouma kom kuier het, het ons natuurlik saans daaruit gelees. En soms was die versoek in die oggend ook: “Ouma, lees asseblief vir ons van Kwaaikofski.”
Ja, Kwaaikofski het nie net my kleinseun se hart gesteel nie, maar ook my kleindogter s’n. Selfs al is dit eerder ‘n seuntjieboek, geniet dogters dit net so baie. Dis lieflike boeke vir voorlees, maar dit is in ‘n formaat gedruk dat kinders wat graag self lees, dit met gemak sal lees. Ons leer dat Kwaaikofski slim is, planne maak, en ook lojaal is, selfs teenoor sy ou vriend wat sy rug op hom gedraai het.
Ek hoop dat Christa se kleinseun nog baie boeke gaan voorstel, want hierdie ouma sit die ene oë en ore om te sien watter oulike boeke sy nog kan aanskaf om dit lekker te maak wanneer haar kleinkinders by haar kuier. Want saamlees is lekker.
Toortsie
toortsie.com 
Voorlees is baie belangrik vir jong leerders. Hul is oop vir luister en inneem alles wat gelees word. Dis gaaf van Christa se kleinseun om die boeke te bespreek.
LikeLiked by 2 people
O ek stem so saam met jou.
LikeLiked by 2 people
Dis nou oulik, Toortsie.
LikeLiked by 2 people
Dankie Toortsie. Sal vir hom vertel.
LikeLiked by 1 person
Ons lees nou nie so vinnig soos hy nie, né. 😁
LikeLiked by 1 person
Ek het vir hom Uile gekoop vir sy verjaarsdag Sondag – 10 nou. Onrhou jy die Uile?
LikeLiked by 1 person
Ek onthou die Uile, maar ek dink nie dat ek dit self ooit gelees het nie. Onthou, die ouma geniet die stories net so baie.
LikeLiked by 1 person
Ekke ook, het Uile gelees as kind.
LikeLiked by 1 person
Dis so so so waar. My skoon kleinkinders vra ook gereeld, ouma lees n storie asb
LikeLiked by 1 person
En ek weet dat jy dit baie sal geniet om dit te doen. 🙂
LikeLike
Beslis.
LikeLiked by 1 person
Baie dankie, ek het die aanbeveling vir my Duitse skoonseun gestuur 🙂
LikeLiked by 1 person
Christa se kleinseun wat so oulik is. 😁
LikeLike
Dankie Toortsie en Christa se kleinseun, gaan hon ASAP aanskaf
LikeLiked by 1 person
Onthou jou boekies lê nog by my.
LikeLike
Lise bly vergeet om dit te gaan optel. Los dit asb by Seegogga, lyk my die twee sien mekaar meer.
LikeLiked by 1 person
Ja ek het haar nou die dag by Seegogga raakgeloop.
LikeLike
Sy het vertel.
LikeLiked by 1 person
Dis nou oulik. EK moet begin soek vir boeke vir n 14jarige seun en ‘n 13jarige dogter…vir Kersfees…laat weet asb as julle van iets weet. My stiefkleindogter is ook 14 maar sy lees nie kinder verhale nie. Sy lees grootmens spioenasie stories…..daai klink asof dit ek was. Het mos ook op so jong ouderdom Heinz Konsalik gelees!….Ja, jul kan maar na jul asem snak….Haha
LikeLiked by 1 person
Ja ons het Ena Murry en Ela Spence gelees.
LikeLike
Ek was ook mal oor die uile. Ek sal graag kwaikovski onder oë wil kry.
LikeLiked by 1 person
Kan by my kom loer. 😁
LikeLike
Dankie Toorts
LikeLiked by 1 person