Net ‘n dankie

~ Toortsie

Ek lees verskillende mense se ervarings van covid, maar ook hoe hulle deur ander mense hanteer is. Ek? Ek kan net dankie sê.

Ek wil graag getuig dat die gemeenskap my regtig ondersteun het, gedra het, vir my gebid het toe ek en my man nou so siek was. Hulle het vir my kruideniersware gebring, aangemoedig. Die whattsappgroepe waarvan ek deel is, het moeite gedoen om my te bemoedig. Die VLV se Amigo’s, die Goue Vroue, ons bybelstudiegroepe, familiegroepe. Ds Braam. Ons bure was fantasties. Bredasdorp, ek is dankbaar en trots. Blogmaats.

Gister stap ek die eerste keer versigtig die groentewinkel binne. Steeds bang ek maak dalk iemand siek selfs al is dit al amper drie weke sedert ek geinfekteer is en regtig nie meer aansteeklik moet wees nie. Dadelik kom ‘n vrou na my en vra vriendelik of ek gesond is en hoe dit gaan, nie bang dat die kiem na haar oorspring nie. My bure whattsapp en gesels met my oor die heining. Mense wat verbyry en my in die kombuis sien staan, stop, hoet, val omtrent uit die voertuig uit om vir my te waai en te wys: ‘So bly jy is weer op die been!’

As ek stap sal iemand ook stop en vra hoe dit gaan.

Ek woon in ‘n wonderlike gemeenskap. Ek woon in ‘n wonderlike wêreld met wonderlike mense. In utopia, as jy my vra, met wonderlike mense wat lief en goed is vir my en ‘n God wat my dra. Wat meer het ek nodig?

Toortsie

https://soundcloud.app.goo.gl/q95DFhcwVc7o24gH6

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

18 thoughts on “Net ‘n dankie”

  4. So kry ek op 13 Januarie ‘n ‘happy birthday’ liedjie gesing deur die uwe Toortsie, waarvan net die laaste 2 woorde duidelik bewys lewer, díe vrou is eintlik siek. Baie dankie dat jy siek siek nog kon sing. Dankie dat jy vir ons ‘n voorbeeld is. Dankie dat jy vir ons gespaar is. Dankie!!🙏

    Liked by 1 person

    Antwoord

  7. Mens oes wat jy saai en omdat jy liefde, ondersteuning en aanvaardaing gesaai het oral waar jy gaan, liewe Toortsie, het jy al hierdie dinge ge-oes in hierdie tyd.

    Net weer bewys dat God se wette waar en vas is.

    So bly jy is beter en weer goed op dreef.

    Liked by 1 person

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s