Julle! Help! HELP!
Ek weet nie waar ek is nie.
Ek weet ook nie watter kant toe nie.
Toe daai gorillamamma op ons afstorm … weet julle hoe vinnig het my beentjies my weggevat daar? Daar lê blykbaar ‘n klomp Goue Vroue uitgepass.
Maar nou is hier net bome om my. Die eerste wat ek my gevind het, was hoog in ‘n boom. Ek weet nie hoe ek daar gekom het nie. Dis oerwoud hier, hoor. Una sê ek moet oos loop, Tanzanië is blykbaar oos. Watter kant is dit? Mos regs, nê.
Una sit op die maan om te kyk of sy my dalk sien beweeg, maar sy sien net Amerika raak. Ek kan nie eers die maan sien nie. Sy sê ek moet kyk vir luislange. Luislange. Luislange? 😳
Is Rwanda dan nie oorloggebied nie? AK47?
Hier is ‘n paadjie wat lyk of dit ‘n paadjie kan wees, of is dit. Dit gaan so op. Noord is mos op. So dan moet ek nie dit vat nie, want oos is regs.
Weet iemand waar Trommeltjies is? Sy moet ons hier uithaal.
Toortsie
Liewe leser, hierdie hoofstuk vorm deel van ‘n bloguitdaging waarin die Goue Vroue van Rebusfontein uitgedaag word om ‘n vervolgverhaal te skryf waarin ons items op mekaar se emmerskoplysies uitleef. Soos gewoonlik, is een of meer van die res van ons karakters in die vervolgverhaal. Elke hoofstuk word afgesluit met ‘n emmerskoplysie en ‘n spesifieke vrou word uitgedaag om die verhaal verder te vertel …
Jy kan dus ten minste 13 hoofstukke verwag. Die res van die verhale kan hier gelees word, onthou om gereeld terug te kom om nuwes te lees. Dit is ‘n werk in wording …
https://fresh.inlinkz.com/p/901334e664234152a8107aad817a73bb.
Baie bly jy sit darem in n boom weg van die gorillas. Ek het op my bors geslaan en die Mamma het teerug op haar bors geslaan. Gelukkig het ek nie gewag om te kyk wat sy volgende doen maar ook so hoog as moontlik in n boom geklim. Sit hier en swiep heen en weer omdat die tak uiters dun is want ek sit baie baie hoog. TRommeltjie beter vinnig plan maak.
LikeLiked by 4 people
Op die bors slaan. Hoekom het ek nie daaraan gedink nie?
LikeLike
Kan iemand jou nomineer om te skryf?
LikeLike
Sommer gedink om die virus in die Aap se mond te jaag!
LikeLiked by 1 person
Jajaa
LikeLiked by 1 person
Ek het ook al gewonder hoe lank jy nog in darie boom gaan sit. Ek meen- dis nou nie of dit n rusbank is nie, ne. En dis tyd dat Una afkom aarde toe. . Stap solank regs en roep! Dit sal dalk help as jy so n drommetjie ding kan prakseer en dan so daarop Trommel-Trommel.
LikeLiked by 3 people
Seegogga, ek is nou vas op die aarde, klaar met die maan, vir eers. Met Toortsie se sin vir rigting, dink jy nie sy moet maar net bly sit nie???
LikeLiked by 1 person
Ek sal probeer.
LikeLike
Ja boomsit is later ook nie meer snaaks nie, né
LikeLiked by 1 person
😆
LikeLike
Trommeltjies het met migraine in die regte lewe geveg. Vandag is haar kop helder en sy is terug in die bos
LikeLiked by 1 person
Ag ek is jammer oor die megrainegeveg. ❤️
LikeLiked by 1 person
Nou weer flink
LikeLiked by 1 person
Hierdie is n emmerskoplys novella. Net so n tussenspel tot die reeks kan voortgaan. Nou weet ons minstens wat met Toortsie gebeur het. Toorts, bly sit asb net daar waar jy is. Het eendag gelees dat ongelukoorlewendes net daar by die wrak moet wag. Kans op redding is groter
LikeLiked by 3 people
Maar hier is nie ‘n wrak nie.
LikeLike
Moenie n vreemde rigting inslaan en wegraak nie. Kruip net weg naby. As jy nog nie te ver is nie, draai om en gaan terug en kruip daar weg
LikeLiked by 1 person
Sal probeer, maar ek stap nou al ‘n hele rukkie.
LikeLike
Oe Toortsie, skree, jou lomge is seker al weer reg vir vol volume?
LikeLiked by 1 person
Ampertjies
LikeLiked by 1 person
Hmmm, ek wonder hoe Trommeltjies jou gered gaan kry…
LikeLiked by 1 person
Sy sal kan …
LikeLiked by 1 person
Ja, ek sien nou sy het jou en Scrapy uit die bome gered en vir ‘n paar van ons gemmerbrandewyn laat suie!
LikeLiked by 1 person
Sy is darem slim!
LikeLiked by 1 person