Dis wie jy ken

Dit is mos ‘n ou feit dat dit nie is wie jy is nie, maar wie jy ken, nè.

Nou, ek ken vir Una. En Una het ‘n hond, Danie. En vir hierdie oomblik is Danie-hond my hero.

Want hy het ‘n oplossing gehad vir ‘n probleem wat ek nie eers besef het dat dit bestaan nie.

Sien, Una is gehok. Mooi opgedress en nêrens om te mag gaan nie.

Toe kom Danie, reg vir oorlog, haar haal Rebusfontein toe. (Kyk maar daar op haar blog hoe Danie lyk.) Danie voel soos ons almal voel: moeg en vaal na ‘n lang jaar. Hy het lus vir ‘n krismispartytjie, hy is klaar aangetrek en alles. Una sal sorg vir die Hertzoggies en Jan Smutsies. En soos ek Una ken, sal dit Bantingvriendelik wees sodat ek ook kan saameet.

En ek het mos darem nie verniet alles dubbeld gekook vir kersete nie … gammon … skaapboud … beestong … ag man, álles wat jy nodig het en nog wat.

So, dames, my karretjie is gepak vir Rebus se Kerstafel, selfs die nodig versterkinkies vir die trifle, ag ek bedoel koekstruif, maar ek is nou so opgewonde en haastig, ek kan nie nou aan al die regte woorde dink en watter woorde met hoofletters en watter met Kleinletters gespel moet word nie. Rebusfontein wag!

Ek wonder of my huisie nog staan? Una, loer tog. Ek wonder of ek dit nog sal kry, ons was so lank laas daar, nog vóór die Towerinne verander het in Goue Vroue daar in Alice se tonnel. Julle weet, ek is mos die Towerin met die goue neus, want … ag nee wag! Ek het mos eintlik goue oë, volgens Una.

Una, sê solank vir Danie dankie! Ek het spesiaal vir hom ‘n lekker boudbeen ingepak. En loer tog of my donkie nog daar is, wat is sy naam nou weer? Frannie sal weet, dink ek. O ja, Santie, as ek reg het. En Kameel se melkkoei en nog ‘n diertjie wat ek vir haar moes versorg, maar ek kan nou nie eers meer onthou wat dit is nie?

Ek hoop ek sien julle ander ook daar. Ek het my groen rok ingepak en die kersversiering vir my kop wat ek nog laas gebruik het by Capital Singers baie jare gelede. Dis rooi strikkies. 🙂

Wag vir my! Seegogga, is jy by?

Toortsie

62 thoughts on “Dis wie jy ken

    1. Jou karavaantjie staan baie trots vir jou en wag, Ineke. Ek sal solank inspring en grond omdolwe vir jou groentetuin. Ek wonder nou net of jy iets interessants uit NZ kan kom plant, of dit hier sal aard.

      Liked by 1 person

      1. Dankie solank. Hier is maar dieselfde groente as waaraan ek gewoond was in SA. Net die spinasie word hier “silverbeet” genoem, hul spinasie is sommer sulke klein blaartjies wat mens sommer rou in slaai opsny. Het rooi uie, capcicum/peppers, tamaties, beet, slaai en dan siverbeet/spinasie reeds geplant. Afrikanertjies tussen die rye om goggas weg te hou! Sal ook eers my houssitting moet doen oor kersfees voordat ek hier kan wegkom.

        Liked by 1 person

  1. Toortsie, ons is hier. Alles staan nog, ons tuintjies ruk net hande uit. Santie is behoorlik uit haar vel toe sy lewe gewaar. Nes jy het ek ook al die diere vriende se name vergeet. Danie doen sy deel, bring sy kant. Indien iemand kan onthou, sit tog weer die dierename vir ons uiteen, sommer net hier by Toortsie. My kat is Kieter, en dan Danie. Die donkie is Santie. Wie nog?

    Liked by 1 person

  2. Toortsie, ek stel voor ons trek almal ń groen uitrustingkie aan vir ons Kerspartytjie. Danie het syne reg, hy wil ń kersboom wees. Santie vra net dat jy vir haar ń strooihoed met ń groen strik op sal saambring.

    Liked by 1 person

    1. Dit sallie werkie. Ek het n ROOI rok. Rooi vir die mooi . n Oulap se rooi maak mooi, hoe rooier hoe mooier. Wat kan ek nog sê? Kersvader dra ook mos rooi. Rooi en groen is komlimentêre kleure. Die een laat die ander een mooier lyk. So ek sal pas!

      Liked by 1 person

      1. Ek stem in, Seegogga, want Danie het reeds weer ń nuwe partytjie outfit, als rooi. So, groen en rooi is ons kleure. Bekkie stuur ń boodskap, hy/sy soek ń elfie pop met rooi klere aan…

        Liked by 2 people

  3. O gaats! Ek missie graag paartiesie. Ek bring my mooi rooi rok.( hier’s ek weer, hier’s ek weer met my rooi rok voor jou deur…)
    Ek glo dit sal lekker warm wees daar. Onthou om julle kozzies en lilo’s ook in te pak. Daar’s ‘n dam voor my huisie!
    Dankuw vir d uitnodiging, Toorts!

    Liked by 2 people

  4. Appeltjie het die volgende saamgebring: Faye – feetjie; Lemmie – lemur van Madagaskar tydens een van die toere met die VVVTT. en nou kom Dawie hond saam – ons klein yorkie van 31/2 maande. Hy sal nie sonder sy mamma oorleef nie. Ons sal moet sorg dat ons partytjie kleinhondjie vriendelik is. Hy byt en hang aan en ondersoek nog alles.
    My swemgoed kom saam en my tuinvurkie. Die res is alles opsioneel.

    Liked by 1 person

  5. Ha ha. Miskien moet ons n veearts ook nooi- vir d wis en onwis. Aan d anderkant: Rebus is n plek waar voëls en katte en honde en uile en donkies en lemurs en spinnekoppe,(🙊. Nee delete delete) almal in vrede saam kuier!

    Liked by 2 people

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s