Waar is my boeke te koop?

~ Toortsie

Hierdie blog is in antwoord op ‘n vraag wat ek gereeld hoor.

My heel nuutste boek, My kinderjare met betrekking tot vandag, is tans nog by die drukkers en ek hoop dat dit eersdaags beskikbaar sal wees. Die boek sal R195 kos plus posgeld R45 of Postnet of Courier Guy R100. U sal die boek by my kan bestel, of wanneer dit beskikbaar is, by Bidorbuy.
Toortsie se Bantingresepteboeke

Daar is tans drie gedrukte resepteboeke, geskik vir die LCHF-leefstyl, vir Banting, Paleo en Keto en selfs diabete vind dit goed om te gebruik. Natuurlik is dit baie ryk en maklike resepte, so almal wat hou van lekker eet geniet dit ook. Die eerste boek, Toortsie se Bantingresepte, is ook in Engels, Toortsie’s Banting Bash! Hierdie twee boeke is dus dieselfde resepte, net in Afrikaans en in Engels. Daar het reeds meer as 2 700 van hierdie boeke verkoop in Afrikaans en Engels.

Die tweede boek is Hier’s die Toortsie weer! Van hierdie boek is daar reeds meer as 600 verkoop.

Beide hierdie boeke gee ook Bantingraad en hoe ek die leefstyl benader. Al hierdie boeke is baie kleurvol en die foto’s van die resepte is ook baie mooi. Hierdie boeke is almal by my of by Bidorbuy te koop, R175 per boek. Geregistreerde posgeld is ingesluit by hierdie bedrag, maar as u Postnet of Courier Guy verkies, kos dit R100 ekstra.

Toortsie se Soetighede is ‘n gratis e-boek wat by Smashwords afgelaai kan word. Dit bevat die soetighede wat in beide Toortsie se Bantingoerekos en Hier’s die Toortsie Weer gepubliseer is. Die e-boeke het wel geen foto’s van die resepte in nie. Hierdie boek kan in EPUB, KINDLE en JPG afgelaai word. Meer as 135 mense het reeds hierdie e-boek afgelaai.

Ek is tans besig om die derde Toortsieresepteboek te doen en hoop om volgende week die kosfoto’s te neem. Dit beteken dat hier ernstig kos gemaak word in die Toortsiekombuis! Ek twyfel egter of hierdie boek nog in 2020 die lig sal sien, tensy ek dag en nag werk hieraan, maar mens weet nooit!

Die Goue Vroue het ook ‘n boek saam geskryf, ‘n fanatasieverhaal en hierdie boek kan ook by Smashwords gratis afgelaai word.

Kontak my indien u in enige van hierdie boeke belangstel. My e-posadres is madeleburger@gmail.com

Groete

Toortsie

Alle eer aan God!

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

7 thoughts on “Waar is my boeke te koop?”

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s