Vanoggend, toe ek die tert wat ek wil saamneem op die pendelpad toedraai met gladwrap, toe dink ek oor hoe ek minder hiervan kan gebruik. Wat het ons in die tye voor gladwrap gedoen?
Onthou julle in die ou dae was ‘n deksel oor ‘n bord gesit en met ‘n skoon afdroogdoek vasgebind? Hoekom kan ons dit nie weer so doen nie?
Ek probeer, waar moontlik, eerder ‘n gereg wat gevries moet word, in ‘n pyrex bak wat ‘n plastiekdeksel het, gebruik om sodoende dit nie met gladwrap toe te draai nie, maar helaas, ek vergeet steeds!
As jy ‘n bakkie slaai saamneem wanneer jy by iemand gaan braai, is dit regtig altyd nodig om dit toe te draai? Veral as jy letterlik ‘n kilometer gaan ry tot daar? Hoekom dit nie sommer net so op jou skoot hou nie? Wat kan dit oorkom? Of hoekom nie weer die skoon doek om bind nie?
Ek hou joghurthouers vir wanneer ek ‘n bietjie sop vir iemand wil gee. Wanneer ek onthou, maak ek my eie geurlose joghurt en gebruik sodoende minder plastiek.
Maar gladwrap? Moet ons weer meer konsentreer op sterk foelie wat ons herhaaldelik kan gebruik?
Wat doen julle om gladwrapgebruik te verminder?
Toortsie
Gebruik minder plastiek. Word plastiekvry.
toortsie.com 
Sjoe, Toortsie, dit is waar. Maar gladwrap gaan ek nie prysgee nie. Dit hou my kos varser as wat foelie kan doen, hou die slaai mooi en ek kan sien as ek dit per ongeluk gekantel het. Ek gebruik dit egter baie min. Slegs in noodgevalle wanneer my kos klaar is en die gaste nog nie hier is nie. Dit voel ook skoner as ek kos so na ander mense vat as ek moet saamneem.
LikeLike
By prysgee is ek nog glad nie. Ek probeer sommer net dink hoe ek dit wel minder kan gebruik. O nee, soms is daar geen beter ding as juis dit nie.
LikeLiked by 1 person
Dit is darem dun lagie plastiek, dalk moet ons begin dink oor hoe ons dit kan herwin?
LikeLiked by 1 person
Die plastiekvegters veg juis teen plastiek wat eenmalig gebruik word. Ja, dit is ‘n dun lagie.
LikeLiked by 1 person
So wat kan mens daarmee maak? Bakstene se gate vul om huise teen koue te beskerm?
LikeLiked by 1 person
In die drom gooi. 🙈
LikeLiked by 1 person
Nee gits, ons moet planne daarmee maak. Ek dink huise kort iets om dit warmer te maak. Ons het mos nou ‘n termometer. Ons huis is 10 grade warmer as buite. Ek dink my huis in SA was selfs 10 grade kouer as buite in die son.
LikeLike
Ek kan onthou hoe verontwaardig was my dogtertjie kleintyd toe ek ‘n lang stuk gladwrap netjies weer skoongemaak het om later weer te gebruik. Was baie arm destyds. Vandag het ek materiaalsakke wat ek maak en verkoop as inkopiesakke. Maar plastiek in ‘n mate het seker maar gekom om te bly.
LikeLike
O Appeltjie, ons het ook plastieksakkies gewas en swaar gekry. Plastiek is regtig hier om te bly. Tog het ek my gebruik al oor die afgelope jare aansienlik verminder en kyk ek maar altyd uit vir nog maniere om dit minder te maak. 😊
LikeLiked by 1 person
Onthou julle daai drie plestieksakkies met die rekkies wat soos shower caps gelyk het? Gelukkig kon mens dit oor en oor gebruik 😂😂
LikeLiked by 1 person
Ja, dit het eintlik heerlik gewerk.
LikeLike
Ons het waspapier wat jy oor en oor kan gebruik. Dit is papier wat in byewas geweek is. Jy kan dit steeds buig of vou om jou toebroodjie in toe te draai of om jou bak met slaai te beskerm. Gladwrap is baie sleg vir die natuur.
LikeLiked by 1 person
Ja, ‘n sterker waspapier sal beslis goed werk.
LikeLike
Die echo friendly winkel maak die velle en mens koop dit in pakke van 5 en ook verskillende groottes.
LikeLiked by 1 person
Dis bitter oulik.
LikeLike
Dit is beslis. Ek het nog nie self dit gekry nie want ek gebruik nie regtig gladwrap meer nie. Skoondogter het dit en dit werk goed.
LikeLiked by 1 person
Toortsie, vir my werk ‘n bak met ‘n deksel…verkieslik ‘n glasbak sodat ek kan sien wat ek in my yskas bêre.
LikeLiked by 1 person
Dankie
LikeLike