Ek het vandag ‘n dringendheid in my hart. Oor gesinsfoto’s.
Jy weet, almal het vandag selfone met goeie kameras in hulle hande. Soveel so dat ons gewone mik-en-drukkers nie eers meer ‘n mik-en-druk kamera het nie, want ons selfoonkamera is heeltemal goed genoeg.
Waar ons gaan, mik en druk ons. Alles word afgeneem. Dis selfies. Ekkies. Onsies. Me, myself, I. Ons hele lewe word gedokumenteer deur middel van foto’s. Tot in die ergste graad.
Maar familiefoto’s? Gesinsfoto’s? Is ons net so opgewonde om sulke foto’s te neem?
Baie jare gelede het ek by tannie Dina Crafford gekom op De Rust. Hulle een seun is dood aan kanker. Een aand het sy vir my gewys dat hulle elke jaar met kersfees ‘n gesinsfoto geneem het. Wat ‘n wonderlike les. Wat ‘n wonderlike herinnering vir haar.
Sedertdien het ek probeer om van ons gesin ‘n foto geneem te kry. Van ons hele familie. Ek kon dit eers sewe jaar later regkry en was dit vir jou ‘n storie met al die kindertjies wat toe klein was en rondgehardloop het. Sodra jy die een spannetjie reg het, hardloop die volgende klomp rond. Maar ons het dit reggekry en daarvandaan het ons dit gereeld gedoen.
Gesinsfoto’s. Of jy van jou gesin hou of nie, dis nie waaroor dit gaan nie. Dit gaan daaroor: Neem daardie foto. Neem daardie foto van pappa en mamma en die kinders. Dan een van pappa en mamma en al die nasate en sommer die kuiergaste ook en wie jy nog wil. Maar sorg dat daar foto’s is van julle gesin ALLEEN.
Hoekom is ek vandag so dringend hieroor? Want ek skryf ‘n boek oor my kinderjare. Ek wil graag ‘n foto van ons gesin daarin sit. Raai hoeveel foto’s kon ek kry nadat ek vandag ‘n kas vol albums deurgeblaai het? Een van net ons gesin alleen? Sonder die aanhangsels of kleinkinders of gaste en wie nog? ‘n Volle EEN foto. Een. Ja, net een. Daar is blykbaar wel iewers nog ‘n foto wat ‘n fotograaf een keer geneem het.
Ek gee regtig nie om dat daar foto’s is met die hele familie en al die ander by nie, ek is iemand wat maklik ander mense insluit. Maar asseblief, net nog een maal, neem daardie foto, selfs al is jou broer of suster daarop wat jy glad nie kan verdra nie. Neem dit. Want daar kom ‘n dag wat jy so ‘n foto soek en jy dit nie meer kan neem nie. Ek sou dit bitter graag vandag wou neem, maar my pa is al 21 jaar oorlede, my ma is baie swak en my een broer is ook dood. Daar is geen manier wat ek dit nou sal rekry nie, al wil ek so graag.
So, asseblief. Luister na my. Loop doen dit. Sommer vandag nog. En elke keer in die toekoms wat julle as gesin saam is.
Toortsie
toortsie.com 
Ja je hebt gelijk, gezinsfoto’s zijn belangrijk.
Daarom heeft het mij zo’n pijn gedaan toen ik eind 2010 in omstandigheden die ik hier niet ga vertellen al mijn foto’s ben kwijtgeraakt.
Daarom heb ik me ook zo gelukkig gevoeld toen ik een tijd geleden in een oude doos toch nog enkele foto’s heb teruggevonden.
Ik heb ze ingescand en er meteen een verhaal over gemaakt.
Het is misschien niet zo geslaagd maar ik heb mijn best gedaan.
Groetjes uit België
Theo
https://groetenuittienen.blog/theo-herbots-zwart-wit-fotos-uit-mijn-verleden-black-and-white-photos-from-my-past/
LikeLike
Dit is so waar. Gesinsfoto’s raak eers belangrik as iemand weg is. En kry iemand wat nie in die gesin is nie om die foto te neem.
LikeLiked by 1 person
Ja kry iemand sodat almal op die foto is.
LikeLike
Ons doen dit gereeld, ek dring daarop aan.
LikeLiked by 1 person
Ek is so bly. Ook ons gesin, maar van my kinderjaregesin is daat nie soveel foto’s nie.
LikeLiked by 1 person
Desember se see-vakansies. DAN neem ons familiefoto’s, maar selde indien ooit een van net die kerngesin. Dis ‘n goeie idee, Toortsie.
LikeLiked by 1 person
Sien dis wat ons ook maar dien. Nou het ek ‘n foto nodig.
LikeLike
Jy is so reg: nou woon my oudste en sy familie oorsee … ek kan nie eers raai wanneer ons weer almal saam sal wees nie.
LikeLiked by 1 person
Ai ek hoop dis gou.
LikeLike
Baie goeie raad, Toortsie. Ek is glad nie een vir fotos nie, maar jou dringende aanmoeding laat my dink.
LikeLiked by 1 person
Doen dit asb. Regtig.
LikeLike
Ek is dit met jou eens, Toortsie. Dit hoort so. Spyt kom te laat. Mooi geskryf💐
LikeLiked by 1 person
Dankie
LikeLike
Gelukkig het ek redelik bygehou met die gesinfotos. Net die laaste paar jaar vandag Bea gekom het neem ek die fotos en daar is nie n kans dat ek saam geneem word nie. Dis jammer maar nou ja dis maar omstandighede wat dit veroorsaak.
LikeLiked by 1 person
Sien, dis wat gebeur. Iemand neem die foto’s. En daai iemand is aan die verkeerde kant van die kamera.
LikeLike
Netso. Ek het gelukkig n foto van 1951 waar ons almal op is. Oupa en ouma van vaderskant, tante en haar man en dogtertjie en dan ons drie kinders met Pappa en Mamma. Dit moes n fotograaf gewees het wat foto geneem het. Dis net voor ons SA toe gekom het. Ons het nie n foto van my ander grootouers saam met ons nie.
LikeLike
Ja ons neem gereeld foto’s van ons almal saam en die aanhangsels. Ek wou hierdie keer slegs een van my kinderjaregesin he. Darem een kon kry.
LikeLike
Dis gelukkig.
LikeLiked by 1 person
Dit is belangrik. Ons het verlede die bure se hulp ingeroep om ons gesin af te neem toe al die kinders hier was. Hierdie jaar sal ons nie weer almal tegelykertyd bymekaar wees nie.
LikeLiked by 1 person
Baie keer dis dit hulle wat kla as jy die foto wil neem, wat dit die graagste vir ander wys ook. 😁 ek hoop julle gesin is sommer gou weer almal bymekaar.
LikeLiked by 1 person
Ek het geen foto van my ouers en ons vier kinders saam nie. My ma het eenkeer ‘n gesinsfoto by ‘n fotograaf laat neem… toe daag my ousus net nie op nie.
LikeLiked by 1 person
Dit gebeur so maklik. ‘n Mens dink net nie daaraan nie.
LikeLiked by 1 person