So ‘n paar weke gelede het Hester ons uitgedaag om ons ware haarkleur te wys, na aanleiding van ‘n opmerking dat, binne die volgende drie weke, almal se ware haarkleur sigbaar sal word. Ek het geskryf van al die verskillende kleure wat my hare al was en dat ek al menige kere ‘n papegaai jaloers sou kon kry.
Daar is egter ‘n ánder waarheid wat nou sy kop uitsteek. ‘n Nare waarheid, as jy my vra. Die waarheid is dat my hare baie vinnig groei, van nature, maar ook vandat ek die Banting leefstyl volg, groei my hare net nóg vinniger. Dis regtig so. Seker omdat ek genoeg van die nodige voeding inkry om hare en naels vinniger te laat groei.
Ek moet my hare elke vier weke laat knip. Die vier weke was om net mooi toe ons president die eerste beperkende maatreëls aangekondig het. Nog nie die ware lockdown nie, maar wel dat ons eintlik nie met ander mense in aanraking moes kom as dit nie regtig nodig was nie. Ek het gevoel om maar ‘n bietjie te wag met my haarsny.
‘n Week of twee later praat ons president weer met die nasie en sê, jammer maatjies, nou is ons almal gehok. Vir drie weke. Maar toe die drie weke om was, toe praat ons president weer. Nee, nee, hierdie hokbesigheid hou nóg ‘n ekstra twee weke aan.
Ek kan nie eers meer die somme doen vandat ek laas my hare laat knip het nie. En onthou, al krul my hare nie meer so erg soos in my jongdae nie het dit ‘body’. Dis my hare se beste eienskap, dit het ‘body’. En ek het BAIE hare. En behalwe dat my hare lyf het en daar baie van hulle is, is hulle dik en het hulle ‘n wil van hulle eie en is hulle grys, grys, grys, want daar is lank laas ‘n bietjie donker strepies ingesit.
Al wat ek vir julle kan sê, is, die waarheid is uit, en hoe langer hierdie gehokkery aanhou, hoe meer gaan die waarheid uitkom en julle wil dit nie weet nie! My haarkapster het al gesê sy dink ek moet my kop oor haar muur gooi sodat sy dit net ‘n bietjie kan regruk.
Maar nou ja.
Toortsie
Nou sien ek in my verbeelding: hare en nog hare, wat groei en nog groei! Gelukkig het ek net voor ons insluiting my hare stomp af gesny(nie regtig stomp nie ) My hare groei staaaadig Eenkeer in drie maande moet dit gesny word. Wanneer kan jul weer bietjie kontak maak?
LikeLiked by 1 person
Vir eers is dit tot 30 April, maar dit gaan blykbaar nie alles onmiddellik oopgemaak word nie.
LikeLike
Daar gaan nog baie water in die see loop voordat daar weer vooruitgang gaan kom. Sterkte maar daar.
LikeLiked by 1 person
Toortsie sal haar kopdoek moet uithaal!
LikeLike
Wou dit nogal voorstel. Wat van vleg?
LikeLike
Dis nog te kort vir vleg. nee wat, hoed of kopdoek sal moet doen as ek die dorp aandurf.
LikeLiked by 1 person
Toortsie, ek lag liewer net, want as ek moet begin weeklaag … My hare is ook nou hopeloos te lank vir die styl waarin hulle gesny is (so ‘n baster-outydse pageboy styl) en hang van bo en van die kante af in my oë. My hare is swaar en as ek dit nie ten minste elke tweede dag was nie, voel dit soos ‘n valhelm op my kop. Boonop is hierdie die seisoen waarin oortollige hare uitval – I’m shedding like a dog. Ek gaan hierdie aanhaak by InLinkz as jy nie omgee nie.
LikeLiked by 3 people
Ek gee nie om nie jy kan bylas. Sterkte met jou kapsel.
LikeLiked by 1 person
Maklik. Menskleur.
LikeLiked by 2 people
Grys
LikeLiked by 1 person
Grys? Dis Heavenly Highlights daai.
LikeLiked by 1 person
Netso
LikeLike
Onthou julle ek het ń ruk terug vertel dat youtube my geleer het om my eie hare te sny? Dit kom nou handig te pas!
LikeLiked by 2 people
Ek sal dit eerder nie waag nie.
LikeLike
Ek sny ook self, as dit gelyk is. Nou het ek twee punte en ek wil hulle graag hou.
LikeLiked by 1 person
Ek kan glad nie self sny nie. Sal maar my rooi kopdoek moet uithaal.
LikeLiked by 1 person
Ek is SO baie dat my hare die middag voor lockdown gesny was, anders …
LikeLiked by 1 person
Ja, Anne, helaas …
LikeLike
baie bly
LikeLiked by 1 person
😂 Wel, ek het maar nou die dag my hare net so effentjies self bygedam met ‘n naelskêrtjie van alle dinge. Dit lyk darem nog heel aanvaarbaar, maar iewers sal ek ‘n kenner se hande in my hare nodig hê. Ek is nie grys nie, maar my sonstrepies is uit en die silversjampoo beteken ook nie juis iets nie. Sterkte vir die volgende ruk van ‘inhokkering’! 👍🏻🤣
LikeLiked by 2 people
Ek dink ek moet die silwersjampoe lekker lank ophou, dan raak my hare blou! 🥳
LikeLiked by 1 person
Ek het so oor myne gekla en hulle val nou mooi in plek so in die grendeltyd. Dink ek moet meer kla …
LikeLiked by 1 person
Ek is bly joune val in plek.
LikeLiked by 1 person
Nie in plek nie, ek moet vreeslik platstryk, maar lyk goed.
LikeLike
EK is bly jy kan joune hanteer. Ek is dom met hare.
LikeLiked by 1 person
Liewe vriendin, jy lyk pragtig op daardie foto. Dus dink ek jy kan …
LikeLiked by 1 person
🤣jy is ‘n vriendin duisend.
LikeLike
Het nou lekker gelag vir jou. Glo natuurlik nie dat sleg lyk nie, dus sal jy met foto moet staaf …
LikeLiked by 1 person
Jong, as ek dit die dag gewas het, lê hulle reg. Die res van die tyd staan hulle net waar hulle wil.
LikeLiked by 1 person
Wees dankbaar vir daardie baie hare… al staan hulle woes!!!
LikeLiked by 1 person
Reg so. 🙂
LikeLike
Ek voel so bitter jammer vir mense wat bloot hulle besighede moes sluit en nie eers van die huis af kan werk om ‘n geldjie te maak nie! Soos skoonheids terapeute en haarkappers. Die wereld se vroue gaan met kopdoeke en lang hemde en lang broeke tou staan wanneer daardie besighede weer oopmaak!
LikeLiked by 1 person
Hulle gaan dan dag en nag werk!
LikeLike
lekker hare sny.
LikeLike
Eendag …
LikeLike