Ek het vanoggend met ‘n vraag in my hart wakker geword. Dalk het ek ‘n punt beet? Dalk het ek eerder die kat aan die stert beet. Wie weet? Dalk kan jy vir my help dink!
My vraag is:
Sal ons nou vir die res van ons lewens in afsondering moet bly, bang dat ons die virus sal opdoen? Want ons het geen weerstand teen die virus nie. Selfs met die beste pogings in die wêreld sal hulle mos nie die virus heeltemal kan hokslaan nie, of sal hulle kan? Sal ons in afsondering moet bly totdat elke moontlike geval gediagnoseer is?
En wat van soveel mense wat nooit gediagnoseer raak nie, wat net liggies geraak word deur Corona en sonder dat hulle dit besef, die virus versprei? Of gaan ons op ‘n punt kom wat ons fatalisties begin dink, nou lewe ek en kom wat wou? Sal ons op ‘n punt kom wat ons sal sê, my saak met die Here is reg, kry ek die virus en gaan dood, is dit reg? Die probleem is dan weer die ander mense wat jy sal aansteek met so ‘n houding, wat dalk nie soos jy daaroor voel nie.
Want, gestel daar is net EEN persoon wat steeds die virus het wanneer die inperking opgeskort word, gaan dieselfde mos maar weer gebeur wat nou gebeur het toe net EEN persoon in die wêreld die siekte gekry het, wat ander aangesteek het, wat dit een vir een na die res van die wêreldlande oorgedra het, een vir een na verskillende provinsies, verskillende stede, verskillende dorpe oorgedra het. As elke liewe persoon wat ‘n draer van die siekte nie gevind word nie, wat dan?
Ek is dankbaar dat ek nie die mense is wat in die warm stoele moet sit en nou oplossings moet uitdink vir die hele land en ook sommer vir die hele wêreld nie, want ek dink nie daar ís oplossings nie. Ek dink nie íemand weet wat die antwoord is nie, want daar was nog nooit in die geskiedenis só ‘n vraag nie.
Wat dink jy? Het jy al daaroor gedink? Gaan ons vir die res van ons lewe in vrees lewe, of gaan ons dalk ‘n nuwe lewensuitkyk kry?
Wat mos wel waar is, is dat ons die verspreiding van die die virus verstadig deur die proses. Dat ons die hospitale kans gee om minder mense op ‘n slag te behandel.
Ek het nie die antwoord nie. Intussen is ek dankbaar dat ek nog nie die virus het nie. Dankbaar dat ek in ‘n ruim huis die inperking kan beleef. Dankbaar dat hier ‘n kleine stukkie oprit is waarin ek kan op en af en op en af en op en af stap. Dankbaar dat ek nie in ‘n kleine sinkhok sonder die heel basiese geriewe vasgedruk hoef te sit saam met ses of tien ander mense nie. Intussen vertrou ek dat die medici teen rekordspoed navorsing doen en antwoorde soek, dalk ‘n teenmiddel, dank ‘n entstof wat kan werk. Dankbaar vir elke mens wat die virus opdoen en gesond raak. Dankbaar vir my Hemelse Vader wat saam met my hier is.
Toortsie
Daar is baie vir ons om dankbaar te wees. Ek wonder ook oor party van hierdie probleme, maar glo dat as ons almal saam speel gaan ons van hierdie virus ontslae raak. Die groot probleem is dat 21 dae nie genoeg gaan wees nie. Sterkte vir jy en jou familie – ons moet almal versigtig wees gedurende hierdie moeilike dae.
LikeLiked by 1 person
Dankie. Sterkte ook vir julle. Ons is regtig baie versigtig.
LikeLiked by 1 person
Ek wonder ook oor die dinge. Ek werk nog elke 2de dag. Bly veilig
LikeLiked by 1 person
Sterkte! Bly jy asb ook veilig.
LikeLiked by 1 person
Die slim mense sê ons behoort ‘n goeie entstof te hê teen die corona virus binne die volgende 12 – 18 maande. Die virus gaan dus dieselfde pad stap as pokke. Dit wat eens op ‘n tyd ‘n reuse vrees en dodelike siekte was het amper verdwyn omdat kinders daarteen ingeënt word.
LikeLiked by 2 people
So sal ons tot dan in afsondering moet bly?
LikeLike
Môre kanselleer asb my inskrywing by toortsie dankie Doreen de wet
LikeLike
Hello Doreen. Jy moet dit self kanselleer. Kyk iewers moet unsubscribe wees.
LikeLike
Ek het ook al gewonder hoe lank hierdie isolasie nog gaan voortduur. Ek dink nie in my geval, persoonlik, kan ek eerlik sê dat self-isolasie my nie so vreeslik gaan pla in die winter nie. Ons is gewoond aan huisarres daardie tyd van die jaar – maar die somer is ‘n anderstorie.
LikeLike
Iewers wil ‘n mens darem uitkom. 🙂
LikeLiked by 1 person
Ek glo vas, wat gebeur moet gebeur… onverskillig is ek nie en deernis en empatie met ander.
LikeLiked by 1 person
Ons doen ook wat van ons verwag word. 😊
LikeLiked by 1 person
Ek probeer op hierdie tyd in my lewe letterlik net een dag op ń tyd leef, dankbaar vir elke stukkie genade. As ons begin te ver vooruit dink, gaan dit ons mal maak.
LikeLike
Dis uitstekende raad. Dankie!
LikeLiked by 1 person
Daar word nou ook beweer dat daar mense is wat virus het maar geen simtome wys nie. Ons het hier n ruk terug n uitbreek van masels gehad net omdat kinders nie almal ingeënt word hier nie. 21 dae kan genoeg wees as almal saamwerk wat onmoontlik is. Ons het 4 weke isolasie wat heel moontlik verleng gaan word. Dan gaan daar dele wees waar geen virus gevind is nie kan hul n stap terug werk na wel gaan werk. Dis maar alles oor hoe alles ontwikkel. Groetnis daar en bly tuis.
LikeLike
Jy moet ook veilig bly. Ons vog die reēls baie soet.
LikeLike
Goed om te hoor.
LikeLiked by 1 person
Ongeveer 35% van die mense wat positief is, is simptoom vry, soos met ander siektes. Dis juis daar waar die gevaar lê. Maar dat dit gaan ophou is verseker, dit moet ons glo met ons hele hart en siel
LikeLiked by 1 person
Beslis so. Daar sal n draaipunt kom. Baie goeie leerskool dat ons nie kan maak en brek soos ons wil nie.
LikeLiked by 1 person
Ek dink hulle glo dat ons mettertyd ‘n weerstand sal opbou en dan hoop hulle natuurlik vir intentingstowwe daarteen. My bekommernis is dat as hierdie eenmaal kon gebeur, kan dit weer gebeur. Volgende keer net ‘n ander virus. Ek dink die mensdom sal wel moet besin oor sy leefstyl en hoe ons omgaan met die natuur, veral met diere. Tevore was dit varkgriep en toe voëlgriep en wie weet wat nog kan kom?
LikeLiked by 1 person
Dis angswekkend, maar soos, was die Winnie the Poo?, gesê het, ons almal gaan eendag dood, maar tot dan gaan hy leef. Ek wil dit ook graag so doen. 😀
LikeLiked by 1 person
Ek verstaan jou gedagtes, dit dwaal maar in ons almal s’n.
LikeLiked by 1 person
Ek dink so aan julle daar ver.
LikeLiked by 1 person