Hoe koop die boere gooi-gooi so, gooi-gooi so, gooi-gooi so, hoe koop die boere gooi-gooi so, gooi-gooi so hoera! Die Kaapse nooi gooi tingelingeling, tingelingeling hoera! Die Kaapse nooi gooi tingelingeling, tingelingeling hoera!
Blykbaar, om die nodige afstand te behou tydens die tye van isolasie wat ons tans beleef, moet ‘n mens blykbaar nou by sekere winkels omtrent ‘n myl van die kassier af staan en dan jou kruideniersware vir die kassier gooi. Ai, jai, jai! Kameel is mos ‘n baasgooier, so sy sal met vlieënde vaandels deur hierdie kopery gaan.
Toortsie, en Seegogga is egter ‘n ander verhaal. Húlle sal met vlieënde kruideniersware die ding doen. Kruideniersware wat in enige rigting vlieg, behalwe na die regte kassier. Wel, ek kan nou nie heeltemal namens Seegogga praat nie, maar ek weet vir ‘n feit my kruideniersware sal op énige plek beland, behalwe die regte toonbank! Ander kassiere en klante sal moet koes vir al wat hulle het.
Dit laat my dink aan die keer wat ons by vriende gekuier het en hulle so ‘n balspeletjie gehad wat jy ‘n ander bal moet raakgooi terwyl jy agter ‘n lyn staan. Jy moes die bal ook so van onder af gooi. Wat die speletjie se naam is, weet ek nie, name is mos nie my sterkpunt nie. En gooi mos nou ook nie.
Wanneer dit my beurt is, gooi ek sommer net. Ek weet nie wanneer om die bal te los nie. Ook nie waar om te kyk nie. As dit hoe is, staan ek sommer met die ander en gesels terwyl ek gooi terwyl ek glad nie konsentreer nie. Asof konsentreer enigsins ‘n faktor is as Toortsie gooi!
Wel, van almal het Toortsie en haar vriendin daardie dag die heel meeste balle raakgegooi! Hoe, weet sy self nie! Gelukkig het ‘n bal in die regte rigting gerol. Of dalk het die engele gehelp bal skuif. Geen vaardigheid teenwoordig nie. En dan wil ek byvoeg: Dit was slegs een keer. Dit sal nie weer so werk nie.
Mag julle veilig en gesond bly.
Toortsie
Ek is in jou span, kan glad nie raakgooi nie!
LikeLike
Ons moet dalk almalsaam gaan koop, dan kan ons ná die tyd die inkopies uitsorteer.
LikeLiked by 1 person
‘n Towerinne inkopietog sal baie prettig wees!!!
LikeLiked by 1 person
Jy moet asb net saamgaan. Kan ek daai dag maar jou maatjie wees? Sal jy my goed vir my gooi asb?
LikeLiked by 1 person
Dis reg so… ek wil nie hê jy moet iemand “lights out” gooi met ‘n blik of iets nie. 😂😂😂
LikeLiked by 1 person
Ek kan baie goed vang. Het dit as klein dogtertjie by my pa se bricklayers geleer. Die baksteen word daar van die grond af opgegegooi (soos in opgewerp) en jy wat bo-op die halfklaar muur staan, moet jou vang ken. My gooi is egter nie so akkuraat nie.
LikeLiked by 1 person
Ek kan ook nie vang nie.
LikeLiked by 1 person
Grinnik… jy kan darem lekker lieg… ❤
LikeLiked by 1 person
Elke woord in hierdie verhaal is waar. Ek wou altyd saam met die broers krieket speel. Dan sê my een broer ek mag saamspeel vir soek en boontjies.
LikeLiked by 1 person
Maar in die winkel gedra jy jou altyd soos ‘n dame! ❤
LikeLiked by 1 person
Dame? Mooi man!
LikeLiked by 1 person
Ballsense het ek ook nie. Daai inkopietog gaan heerlik wees.
Ek wonder of mens by die bottelstoor ook die drank moet gooi? En wie betaal vir al die gebreekte bottels? (Vra namens ‘n vriend) Papsak gaan weer mode raak
LikeLiked by 1 person
Ek sal maar iemand moet huur om my gooiwerk te doen, veral by die bottelstoor! Kameel het belowe sy sal my help.
LikeLiked by 1 person