En daar stap ek toe in my huisie in. My Rebusfonteinhuisie. My plek van rus. My geskenkhuisie.
En ek besef: Dis hier waar ek hoort. Hier is my geluk. Dis hier waar ek wil wees.
Kameel skryf hoe sy en Una op die gras lê en lag, sommer net van lekkerkry om op Rebusfontein te wees en terwyl ek dit lees, voel ek dit, hoor ek dit, ervaar ek dit. Want dit is presies hoe ek juis nou voel. Om sommer ook net op die gras te loop lê en lag.
Ek maak die blindings oop en kyk en kyk na my bekende omgewing. My uitsig. Ek is omring deur my goetertjies. Dit wat vir my saakmaak.
En ek sê dankie, dankie dankie vir hierdie geskenkhuisie. Dankie vir my veilige plek. Dankie dat ek hier kan wees.
Ons Towerinne is weer almal op pad na Rebusfontein. Onder kwarantyn. Vrywillige kwarantyn. Ek en Seegogga het ook dadelik in die pad gespring toe ons hoor die Towerinne is almal besig om op te trek soontoe. Ons Rebusfontein waar ons in ons verbeelding saamkuier. Saamlag. Saam lawwe goed uitdink. Mekaar inspireer. Mekaar ophelp as ons val. Mekaar dra as ons knieë lam is.
Una is aan die tuinmaak. Woordnoot het interessante lekkernye in die yskas. Een vir een daag die Towerinne op en is hulle besig om hulle huisies reg te skud. Almal is bly om mekaar te sien.
En, soos almal nou al weet, sal dit nie lank wees voor hier weer allerhande pret uitbroei nie. Hier is ‘n avontuur op pad. Verseker.
Toortsie
Suiwer verbeelding van die Toortsie.
Of dalk nie.
Juis nie suiwer verbeelding nie! Dis so of Rebus al werkliker raak. Dis moeilik om te beskryf. Ek weet jet: dis heerlik hier!
LikeLiked by 2 people
Man, ek mis dit vir niks in die wêreld nie. 😁
LikeLike
50% verbeelding en 50% verlange na ontvlugting…dis hoekom Rebusfontein beter is as enige pil,pleister of probleme💚💙
LikeLiked by 1 person
Net so! 😁
LikeLike
Mooi man. Ek sit in my eie kwarentyn op die oomblik. Daars nie n kat se kans vir enige beweging uit of in nie. Kuier solank vir my onthalwe ook op die gras asb.
LikeLiked by 1 person
Nee man! Kom dadelik na Rebus se kwarantyn. Jy weet mos dit kan net lekker wees.
LikeLike
Sug, wens dit was so maklik. My leestyd is te beperk op oomblik.
LikeLiked by 1 person
Ek het ook die laaste tyd baie min gelees. Sal nou weer begin.
LikeLike
Het darem Deon Meyer se boek klaar gelees wat n wonderwerk is want ek is totaal af van fiksie.
LikeLiked by 1 person
Ek is so bly jy is nou hier, Toorts, jy en Seegogga albei. Knus en veilig in ons eie, eie hoekie van die aarde.
LikeLiked by 1 person
Bly jou te terugkoms is vol blydskap, en behoort 😊 Welkom terug in Rebusfontein.
LikeLiked by 1 person
Geniet dit. Ek sal weldra ook opdaag. Leer net eers gou die beste manier om hande te was.
LikeLiked by 3 people
Oppas, jy het reeds gehoor dat sommige van ons al soveel hande gewas het, hulle kripnotes van toentertyd wys al! 😂
LikeLiked by 2 people
Ek het die meme gesien!
LikeLiked by 1 person
🤔😉😅
LikeLike
Maar moenie worry nie, ons sal vir jou wys hoe as jy hier aankom.
LikeLiked by 1 person
Dankie.
LikeLiked by 1 person
Jinne dit raak al hoe lekkerder, wag maar ek kom ook
LikeLiked by 1 person
Ons hou die pad dop.
LikeLike
Mooi vriendin, ek dink ek moet ook kom.
LikeLiked by 1 person
Jajaaa ons wag vir jou hier.
LikeLiked by 1 person
Ek wil ook daar wees, lekker kwarantyn partiekie
LikeLike
Jaja. Kom!
LikeLiked by 1 person