Vir ‘n hele jaar was ek besig met my borduurstuk. Eers het ek vir weke lank prentjies gesoek, dit blokkie vir blokkie getrek op grafiekpapier, aantekeninge gemaak, gesoek op die internet, geleer van verskillende borduursoorte, hulp gesoek, geborduur, uitgetrek, weer geborduur, weer uitgetrek. Ek het ‘n kenner geraak van borduurwerk uittrek. My ore gespits vir elke persoon wat ‘n bietjie raad wou gee en dit gevolg.
Uiteindelik is dit klaar en moes dit gespan word op ‘n groot bord wat met filt oorgetrek is. Saterdagnag 11 nm maak ek dit klaar, draai dit toe in ‘n kontinentale kussingsloop, daarna in ‘n groen plastieksak. Ek reël met die koerier dat dit by my opgetel word om vanoggend betyds by die beoordeling afgelewer te kan word. Vandag, half twaalf begin die beoordeling.
Maar …
Gister, wat die pakkie by my opgetel moes word, was ek byna nooit tuis nie. Hulle sou dit ná half drie kom optel, maar kwart voor vier moes ons al weer ry vir nog ‘n afspraak. Voor die koerier die pakkie kon optel.
Ons sit die groen pakkie uit in die straat. Teen die muurtjie. Want binne wag twee vriendelike honde vir hulle. En daardie honde is nuuskierig ook, hulle sou dalk die pakkie wou oopmaak. Wou help borduur. Die finale afronding doen. 🙂
Toe ons gisteraand daar aankom, is die pakkie weg. Was dit die koerier wat dit gevat het? Dalk een van die bouers wat langsaan werk? Wel, bekommernis daaroor sal nou nie help nie. Dalk is dit dan die uiteinde van die prentjie, dat dit iewers in ‘n vreemde huis sal hang, die storie van een of ander vreemde gesin.
Vanoggend kom die nuus van die koerier af: Dit het sy eindbestemming bereik! Die koerier sal dit betyds by die betrokke lokaal gaan aflewer. 🙂
Genade kom op verskillende maniere.
Eind goed, als goed.
Toortsie
Maggies man, jy kan mens darem in spanning hou tot die einde veral met jou honde en buurman wat moontlik… Eind goed als goed! Sjoe, eks bly dit het aangeland.
LikeLiked by 1 person
Ek het gedink, wel, as dit die einde van die verhaal is, is dit. Wat my meer bekommer het is dat die verduideliking van die prentjie agterop is vir enige persoon om te lees.
LikeLike
Ja, dit was n waagstuk. Gelukkig was dit nie nodig om dit per pos te stuur nie want dan sou hul beslis dit oopgemaak het en op ashoop gegooi het want wat wil hul nou met n borduurstuk maak. (My verbeelding hol met my weg)
LikeLiked by 1 person
😜
LikeLike
En daar het ons dit weer: geloof, hoop, liefde … dit is al wat nodig is.
LikeLiked by 1 person
Absoluut
LikeLiked by 1 person
Soms, werk dinge reg uit. End goed alles goed. Maar….. asof jy noy nie genieg stres het nie, moes die borduurstukkie ook nou nog bykom! Jou ander goed is veil8g afgelewer by vlv lid wat dit voor 12 op die regte plek sal hê.
LikeLiked by 1 person
Dankie. ‘n Mooi storie bly ‘n mooi storie. 😁
LikeLiked by 1 person
Hoe het jou senuwees dit gehou??? Ek is vreeslik bly als het goed uitgedraai!
LikeLike
Ek het regtig gedink: Oh well … what will be, will be. ❤️
LikeLiked by 1 person
Dit is ‘n BAIE goeie storie wat my laat sug het van verligting op die einde.
LikeLiked by 1 person
😁👏🏻👏🏻
LikeLike
Bly jou pakkie is veilig, ek stoei met shipping company oor een van my pakkies. Baie stressvol
LikeLiked by 1 person
Dit mag stresvol wees veral as dit regtig ‘n belangrike pakkie is. Ek is ook bly dis veilg en sou teleurgestel wees as dit iets oorgekom het.
LikeLike
Ek het nou asem opgehou! Sjoe, gelukkig het dit sy bestemming bereik!
LikeLike
Ek is baie bly. 🙂
LikeLiked by 1 person
Jy moet ‘n skrywer van spanningsboeke word! Daar dog ek toe tot op die einde dat die pakkie nog rondswerf.
LikeLike
Lekker lag ek nou vir jou!
LikeLiked by 1 person
Gedorie! Ek sou my siek bekommer het. Baie bly die pakkie is veilig. Hou duime vas vir goeie punte. 🤗
LikeLiked by 1 person
Dankie. Die punte maak nie regtig saak nie. Dit was ‘n wonderlike reis waatin ek geweldig baie geleer het.
LikeLiked by 1 person
Sjoe, dit sou ‘n ramp gewees het as daardie pakkie weggeraak het!
LikeLiked by 1 person
🕶
LikeLiked by 1 person
Lekker waaghalsig jy!!! Praat ons nou hier van die familie borduurstuk… die + en × en ÷ een. 😊
LikeLiked by 1 person
Ha! Ampertjies was hy gone with the wind! Maar nee, hy het sy bestemming bereik.
LikeLiked by 1 person
Na jy ons almal se harte so angstig laat klop het sien ek uit om te hoor hoe dit toe gegaan het in die kompetisie!
LikeLiked by 1 person
Man, dit was ‘n GROOT kompetisie met BAIE deelnemers. Tweede uit DRIE. Maar dit was nie vir my belangrik waar hulle my geplaas het nie, dit was die wonderlikste reis due hele jaar lank. Ek sal nog daaroor blog, maar dit moet nou eers wag. Die artikels gaan nou deur na die VLV kongres waar dit teen die verskillende takke van die Overberg-sirkel deelneem. Ons kyk eers wat daar gebeur. As ek gelukkig is, is daar nog die Wes-Kaapse kongres ook. Ek is maar ‘nnbeginnertjie wat speel saam met groot menere, so ek voel baie gelukkig met my plek. 😁
LikeLiked by 1 person
Fantasties, Toortsie, en wonderlik dat jy soveel plesier daaruit put. Het jy nie n fototjie daarvan om ment ons te deel nie?
LikeLiked by 1 person
Ek sal nog, maar eers as hy deur AL die draaie is wat hy moes stap. 😁
LikeLiked by 1 person
Ek sien baie uit daarna!
LikeLiked by 1 person
Moenie te veel verwag nie! 🤣
LikeLiked by 1 person
Teen hierdie tyd ken ek jou al goed genoeg om te weet jy is heeltemal te beskeie!
LikeLiked by 1 person
Jong, wag maar en sien! 😁
LikeLiked by 1 person
Ek wag net hier op my stoel 😉
LikeLike
Jy gaan biltong wees teen die tyd wat dit op my blog kom!
LikeLiked by 1 person
Wouw, dis nou geloof en vertroue, daardie pakkie buite die hekkie. Dankbaar saam met jou dat dit ń goeie uiteinde was. Mag jou “travelling borduurstukkie” groot hoogtes bereik. Laat my nou aan die fliek, “the travelling pants” dink.
LikeLiked by 1 person
Jong, ek wás benoud, maar het my regtig berus. Op daardie oomblik kon ek niks anders doen nie. Intussen hét ek aan ‘n ander plan gedink, maar dit was reeds te laat. Gelukkig het Iemand gekyk dat dit veilig is.
LikeLike
Ond dierbare Vader
LikeLike