Leesuitdaging 2020

~ Toortsie

Die leesuitdaging vir 2020 by die Lekkerleesboekrak is as volg. Dit is deur Dewet Theron gegee:

Lees 20 uit 25 om die uitdaging te voltooi.

  1. ‘n Boek deur ‘n skrywer wat jy nog nooit voorheen gelees het nie.
  2. ‘n Boek wat jy in 2019 wou lees.
  3. ‘n Boek deur ‘n Rakker geskryf.
  4. ‘n Boek met meer as 500 bladsye.
  5. ‘n Boek gepubliseer in 2020.
  6. ‘n Debuut.
  7. Outobiografie/Biografie/Memoir.
  8. Boek 2 van ‘n reeks/trilogie.
  9. Boek waaroor daar kontroversie is/was.
  10. Historiese fiksie.
  11. ‘n Boek wat in die Noordelike halfrond afspeel.
  12. ‘n Boek waarvan jy al die film of tv-verwerking gesien het, maar nog moet lees.
  13. Fantasie/magiese realisme/wetenskapfiksie.
  14. ‘n Boek wat jou nostalgies maak.
  15. ‘n Boek met ‘n dier as karakter of in die titel of op die voorblad.
  16. ‘n Boek aanbeveel deur ‘n persoon jonger as 18.
  17. ‘n Omnibus of ‘n bundel
  18. ‘n Boek waaroor jy ‘n lesersindruk op die Rak plaas.
  19. ‘n Boek met iets wat mens kan eet of drink in die titel
  20. Kortverhaalbundel
  21. ‘n Boek met ‘n bonatuurlike element.
  22. ‘n Boek met ‘n eenwoord titel
  23. ‘n Boek aanbeveel deur ‘n persoon ouer as 60.
  24. ‘n Boek wat voor jou geboorte gepubliseer is.
  25. ‘n Boek wat se voorblad jou laat ril/gril.

Of ek heeltemal by die reëls sal hou, betwyfel ek. Blykbaar maak dit ook nie heeltemal so saak nie, solank ons dit net geniet. En omdat ek lief is vir koek, veral Banting kaaskoek, mag ek die koek maar sny, dit beteken, dieselfde boek by verskillende afdelings noem. 🙂 Maar eintlik mag jy ‘n boek net by een afdeling noem.

Blogmaats ouer as sestig jaar oud, hier het ek julle nodig.

  1. Watter boek sal julle vir my wil aanbeveel? Sommer net ‘n lekker storieboek, niks ingewikkelds nie?
  2. Watter boek wat voor 1962 gepubliseer is, sal julle aanbeveel?

Groete

Toortsie

Vir my boekbesprekings, kliek HIER, of volg my by Pinterest.

Intussen het ek al een boek klaar, Kammaland, van Annelie Botes. Dit pas in by nrs 3, 7, 11, 14, 18. Ek sal nog deur die jaar besluit watter een ek gaan kies.

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

36 thoughts on “Leesuitdaging 2020”

  1. Sjoe dis baie boeke en party sal ek nie juis in my leeftyd lees nie. My leesspoed is te stadig om 20 boeke te lees. Ek het probeer om 25 boeke op Good reads te doen verlede jaar en het darem op einde 24 gedoen. Hierdie jaar het ek dit na 20 verminder en Januarie is halfpad en nog nie n boek klaar gelees nie. Kammaland is halfpad. Ek kla nie. Ek sou regtig graag wou saamlees.

    Liked by 1 person

    Antwoord

    2. Ek lees ook geweldig stadig en omdat ek vir CUM boeke lees, sal ek dalk nie op die ou end by 20 verskillende punte ‘n merkie kon maak nie. Ek gee nie om nie, dis mos ‘n speletjie. Ek het ook nie altyd sobeel tyd vir lees nie.

      Liked by 1 person

      Antwoord

  2. Sestig plusser tot u diens!!! Vir lekker lees is Kristel Loots altyd byderhand, soos bv Foxtrot van die liefde of die meer onlangse Eendag is nou. En natuurlik Santie van der Merwe se boeke, lekker verhoudingsromans.

    Ek gaan dalk vir Bart Nel deur J. Van Melle aandurf. As dit my onder kry, gaan ek ‘n Agatha Christie nadertrek. Ek het verlede jaar een van hare gelees wat in my geboortejaar gepubliseer is vir die uitdaging.

    As jy eers lostrek, gaan jy dalk nie die koek wil sny nie. Dit raak nogal erg lekker om die boksies te tiek. Geniet dit!

    Liked by 1 person

    Antwoord

    1. Dankie! Ek het gewéét hier is sommer baie 60-plussers wat sal help, want ek is dan self al amper daar! 😁
      Ek dink ons het Bart Nel iewers as ‘n voorgeskrewe boek gedoen op skool. Ek gaan uitkyk vir jou boeke. My ding is dat ek mos vir Cum boeke lees en dan het ek nie soveel tyd vir ekstras nie. Ek gaan kyk hoe ek vorder.

      Like

      Antwoord

  3. Interessant dat n boek in so n uitdaging baie boksies kan tiek, soos Die kind uit die Wingerd van Helene se Kock. Ek kon hom by omtrent 4 of 5 gebruik, voorlopig gegaan met historiese fiksie. As dit nodig word, kan ek altyd later verskuif. Weet jy van die File op die Boekrak wat jy kan byhou?

    Like

    Antwoord

      1. Mens kan dit net vanaf n rekenaar of laptop opgedateer word. Kyk op LB onder Files aan die linkerkant. Copy/paste vir jou die 25 items en vul hulle in soos jy hulle kafdraf, of maak soos De Wet en lys net dié wat jy lees. Jy kan ook die aparte Lekkerleeslys 2020 byhou. Sy instruksies is bo-aan die lys

        Liked by 1 person

        Antwoord

        2. Ek het op my selfoon gaan kyk. As jy in die groep se blad is en jy kliek op jouself, wys dit alles wat jy al geskryf het. So ek het gedink om ‘n post te begin en dit net elke keer op te dateer.

          Like

          Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s