Ons kuier aan die langtafel. Sarie se Kerstafel hierdie keer, nie die Towerinne se langtafel by Rhebusfontein nie.
Van die eerste sekond af word ons oorweldig met vriendelikheid en gasvryheid. Die redaktrise van die Sarie, asook die kosredakteur kom van mens tot mens en gesels baie lekker. Sy, Michélle van Breda, is ‘n Overberger en ons vind sommer dadelik aanklank. Herman Lensing, kosredakteur, haal die een bederf na die ander uit sy koskas uit.
Die gebeurenis het plaasgevind in die Kokkedoorstoor en wat ‘n belewenis was dit nie! Elke nuwe gereg is in die verskillende Kokkedoorkombuise voorberei en voorgesit deur die studente van ‘n top sjefskool.
Nou die biegslag. Ek het van alles geëet. Ek het al my kos opgeëet. Daar was baie suiker betrokke. Dit was heerlik, so lekker dat ek amper besluit het om weer soetgoed deel van my dieet te maak. Dit was ‘n geval van lekker, lekkerder, nog lekkerder, ekstra lekker, verruklik lekker, alles in trappe van vergelyking en met byvoeglike name wat ek nog nie ken nie.
Die heel laaste was ‘n somerkoffie, wat ek oorgeslaan het.
Ons is ook bederf deur Pedro Kruger. Joe, hy is darem net talentvol!
Asof dit nog nie genoeg was nie, is ons met die huistoegaan elkeen bederf met ‘n lieflike geskenksak wat so swaar gelaai was, ons moes die sakke onder vashou om te verhoed dat dit nie skeur nie.
Dankie Sarie, dit was ‘n belewenis.
Soos almal mos maar weet, kan ‘n mens my mooi aantrek, maar nie eintlik iewers heen neem nie. Wel, sommer aan die begin probeer ek my serp regtrek met die hand wat die drankie vashou. Dit was ‘n goeie ysbreker, veral toe die drank oor my skouer gegooi word en die ys in stukkies op die vloer val. Red nou ‘n nasie met sulke mense! Blykbaar was dit nog aanvaarbaar dat ek my drank mors, maar nie dat ek toe afsak vloer toe en die gemors op die vloer met my tissue opvee nie. 😳😜 En die nat tissue mooi in my silwer handsakkie terugsit nie.
Toortsie
Ns. Die gevolge van die oordosering van suiker … ja wel …
toortsie.com 
Dit klink heerlik en ek is bly jy het uit jou kassie geklim en jouself so geniet!!!
Wat die morsery aan betref gaan ek maar soos my Portuguese dogter sê wanneer sy “aanvang,” “Mamma wou mos die verkeerde dogter afrondingskool toe stuur.” 😂😂😂
LikeLiked by 1 person
Die dag daarná was geen grap nie, ek belowe. Hangover se moses. Sjoe!
LikeLiked by 1 person
Is dit alweer jy en die kroeg???
LikeLiked by 1 person
Nie eers kroeg nie! Ek is sommer laf sonder ‘n kroeg! 🙈
LikeLiked by 1 person
Die ding is, as ek begin glipsies maak, raak ek selfbewus en gespanne en dit vererger die situasie. Gelukkig kon ek myself regruk. Sulke tye is my Martjie so ‘n gemaklike maat en tree sy normaal op. My manlief ook. Dit help as hulle nie ‘n bohaai maak nie.
LikeLiked by 1 person
Die mooiste is dat ek regtig al daai reëls ken! 🙈
LikeLiked by 1 person
Die glopsies maak sulke geleenthede net meer spesiaal – “Dit maak ‘n goeie blog, Ma” sê Karen altyd. Nee hoor hier – daai suiker. Ek hoop jy voel beter.
LikeLike
Ja dankie, dit gaan nou al beter. Vrydag was geen grap nie. Ek het liters water gedrink net in ‘n poging om dit uit my gestel te kry. Behalwe die hoofpyn en naarheid, het dit gevoel of ek sweef. Sjoe.
LikeLiked by 1 person
Ek kry gewoonlik die hart wat begin galop. Dis erg.
LikeLiked by 1 person
Ja, dis baie erg.
LikeLiked by 1 person
Die aand self was een lekkerte.
LikeLiked by 1 person
Suiker is soet, suiker is lekker
Soms te veel, los my met ‘n hoofpyn skeel
Maar volgende keer
Doen ek dit weer
En dit maak my nòg gekker!
Dis nou wanneer jy die wyn oor jou skouer gooi, Toortsie.
LikeLiked by 1 person
Dit was nog vóór die suikeroordosis wat ek al die wyn gegooi het! 😳🤣
LikeLiked by 1 person
Dit was dalk die angstige vooruitsig op al die suiker, wat jou so seniweestig ( ons ou huishulp het altyd so gesê☺️) gemaak het
LikeLiked by 1 person
Moet wees dat my onderbewussyn iets vermoed het! 😂
LikeLiked by 1 person
I am a poet and I didn’t know it
LikeLiked by 1 person
Goed en mooi! 🙂
LikeLiked by 1 person
Baie dankie
LikeLiked by 1 person
ai, nou waar was ek dan? al daardie lekker goed! Ek het alvoorheen Sarie byeenkomste bygewoon – altyd heerlik
LikeLiked by 1 person