Bloginskrywing in handboek

Ek is die mamma van ‘n tweeling. Van ‘n identiese tweeling. Alhoewel hulle deesdae op die oog af glad nie na mekaar lyk of aard nie, kan hierdie mamma sê dat daar baie meer ooreenkomste tussen hulle is as wat die oog kan sien. Omdat soveel mense oor jare met my daaroor verskil het, selfs al het ek probeer verduidelik dat hulle medies gesproke identies is, het ek op ‘n stadium self begin twyfel en begin oplees daaroor. Dit het aanleiding gegee tot hierdie bloginskrywing oor tweelinge.

Vandag kry ek hierdie wonderlike e-pos:

Toestemming benodig om blogplasing te publiseer in die Best Books Eksamenhulp Graad 11 Eerste Addisionele Taal se Taal- en leesoefenboek

Hallo Madele

Ek hoop dit gaan met jou goed.

Ek wil graag toestemming verleen vir die gebruik van die blog “Oor tweelinge” (https://toortsie.com/2015/12/10/oor-tweelinge/), wat op jou webwerf verskyn het. Ons wil hierdie teks in die Best Books Eksamenhulp Graad 11 Eerste Addisionel Taal se Taal- en leesoefenboek, saamgestel deur Marelize Swanepoel, publiseer. Leerders gaan na aanleiding van dié teks vrae beantwoord wat hulle sal voorberei op toetse en eksamens. Ons publikasie sal in Maart 2020 verskyn.

Sal jy asb. deur my versoek lees en vir my terugvoer gee?

Vriendelike groete

Tik my met ‘n veer om! Hulle wil MY bloginskrywing in ‘n handboek plaas! WOW! In nederigheid het ek onmiddellik JA gesê, hoe dan anders?

Oor die boek skryf sy die volgende:

Die Best Books Taal- en leesoefenboek vir Graad 11 Eerste Addisionele Taal is ’n gebruikersvriendelike werkboek wat ’n wye verskeidenheid tweetalige opsommings en taaloefeninge bevat om leerders met eksamenvoorbereiding te help. Hierdie taaloefeninge sal die worstelende én die vooruitstrewende addisionele taal-leerder help om beter te vaar in die eksamen. 

Ag, ek wou sommer net vir julle hiervan vertel. Ek voel nogal nederig opgewonde hieroor. Dit oortref my stoutste verwagtinge.

Toortsie

22 thoughts on “Bloginskrywing in handboek

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s