Misterie in die biblioteek – Hoofstuk 8

~ Toortsie

Die Towerinne is mos na ‘n ou herehuis daar naby Rebusfontein om die ou, vervalle biblioteek te gaan restoureer, maar hulle maak lankal nie meer biblioteek skoon nie. Nee, soos wat enige een wat die Towerinne ken, sou verwag, het dit ontaard in heeltemal iets anders. Die Towerinne is besig om ‘n groot misterie uit te rafel! En, voorspelbaar soos sy is, het Broodina ook al weer haar opwagting kom maak en is sy al weer hard besig om onder die radar moeilikheid te maak.

Bang staan die Towerinne in die kelder rond. Stukke geraamte lê oral rond. “Mense, ons moet begin beweeg, sommer nou-nou kom Broodina en die polisie ook nog hier aan”, sê Vuurvliegie. “Scrapydo, neem jy en Una die juwele wat julle gevind het en gaan versteek dit asseblief in die tuin. Ek dink dis nodig dat Una ‘n bietjie vars lug kry en dis net makliker as twee van julle weet waar dit versteek is. Julle moet gou speel, voor Broodina en haar gevolg hier opdaag.” Kameel vra dadelik of sy ook kan saamgaan, die noutevrees vang haar kwaai.

Voor jy kan sê ‘mes’, is die drie daar weg.

“Julle wil nie hoor as ek vertel van my ouma nie”, sê Toortsie. “Julle moet nou luister, dis regtig belangrik.”

“Ja, Toortsie, vertel vir ons,” sê Trommeltjies.

“Ek kan ook maar nou nie meer lekker onthou nie, onthou, my ouma is al oorlede toe ek nog in die laerskool was. Sy het vertel van tannie Kokkie wat met ‘n Engelsman getroud is en toe as kok by mense gewerk het. Ek kan nie name so lekker onthou nie, maar toe Lekkervurig vertel van Joseph Angelwood, toe lui daar ‘n klokkie.”

“Wat vertel jy ons nou?” vra Perdebytjie baie belangstellend.

“Dis regtig nou baie deurmekaar en die goed maak nie sin nie, maar sy het vertel hoe sy haar maar ontferm het oor die dogter van die huis, haar ma het haar blykbaar maar geïgnoreer en baie swak behandel. Die kinders was glo aangeneem, dink ek.”

“Ja, dit klop met ons storie”, sê Woordnoot, “dink julle dit kan hierdie Mev Marks wees van wie Toortsie praat? Toortsie, nou moet jy mooi dink, is daar nóg iets wat jou ouma vertel het?”

“Julle moet onthou, ouma Ellie was self ‘n dogtertjie toe sy hierdie tannie Kokkie geken het. Tannie Kokkie was al stokoud en het deurmekaar gepraat. Sy het blykbaar oor en oor iets gesê van twee fonteine en van ‘n portret. Verder kan ek nie veel onthou nie.”

“Portret? Twee fonteine?”, vra Positief, “mense ons moet soek. Lig ‘n bietjie met die koplampe dat ons kyk of hier nie iewers so ‘n portret is nie.”

“Wraggies! Julle, kom kyk!” Christa staan opgewonde met haar kopliggie en wys na ‘n skildery wat op die vloer lê. Dit het van die muur afgeval, die raam gekraak en die glas stukkend. Dis ‘n landskap, maar daar is duidelik twee fonteine.

Dadelik is die Towerinne almal by en bekyk die skildery van nader. Nee, daar is niks vreemds aan nie. Bondelsgedagtes En Seegogga ken natuurlik skilderye en bekyk dit baie mooi. Dan draai hulle dit om en sowaar, hier staan dit geskryf!

Soek dagboek. Onsigbare ink. Spat nat.

Verlig dat hulle uit die muwwe kelder kan kom, gaan die Towerinne soos een man biblioteek toe. Tannie Frannie begin die boek natspat, lees so vinnig soos sy kan en vertel hier en daar wat sy lees. “Dit lyk my Charlotte en Joseph se verhouding het aangehou nadat Klara gebore is. Thomas is ook hulle kind, wat die Angelwoods toe aangeneem het. Die Hardy’s was eers vermoënde mense, maar het hul grond verloor, wat Mnr Hardy gedwing het om ‘n Butler by die Angelwoods te word. Haar pa het haar nooit vergewe dat sy hul gesin so in die skande gesteek het met die swangerskappe nie. En dan lyk dit my of Mnr Hardy en Isabelle kop in een mus was en te doen gehad het met Charlotte se wegstekery in die kelder.”

“Sulke duiwels!”, sê VirgoC kwaad. “Haar eie pa! Hy moes ‘n sielsieke man gewees het, kwaad vir almal omdat hy sy grond verloor het, toe moes arme Charlotte sommer boet vir al die sondes wat sy gedoen het en nie gedoen het nie! Ek verwurg hom sommer as ek hom net in die hande kan kry!”

Net toe kom Kameel, Scrapy en Una van buite af in. “Sjoe! Ons was nou net betyds om die juwele te versteek. Broodina en haar gevolg is in aantog, Hoor net hoe loei die sirenes. Ons moet ons nou net dom hou. Steek vinnig weg wat waardevol is, laat hulle maar die geraamte vind, ek dink nie hulle sal die res ontrafel kry nie. Ons is onskuldig, ons maak mos maar net huis skoon.”

Nou wonder ek:

  1. As dit wel Klara is wat Charlotte se dagboek weggesteek het, het sy dalk tog die waarheid uitgevind?
  2. Sou Klara en Charlotte soms mekaar gesien het?
  3. Was Leonard ook dalk op ‘n manier kop in een mus met sy suster en Mnr Hardy? Ek dink Leonard en Isabelle was jaloers op Joseph omdat hy die familieskatte geërf het.
  4. Ek wonder steeds wat het gebeur dat hulle die huis net so agtergelaat het.

Christa, sal jy asb die raaisel verder ontrafel?

Toortsie

Stel jy belang om hierdie hele storie te lees? Kliek HIER om al die hoofstukke te lees: https://fresh.inlinkz.com/p/3f26291088494dc99c7aa4554a66a313

Suiwer verbeelding van Toortsie, en die hele lot Towerinne daarmee saam.

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

62 thoughts on “Misterie in die biblioteek – Hoofstuk 8”

  1. Dan is dit nie Charlotte se geraamte wat daar in die kelder lê nie. 🤔 Liewe net as ons dink nou verstaan ons kom daar weer ‘n twist. Nou weet ons darem hoe pas mnr Hardy in die legkaart. Slim gewees om skatte te laat wegsteek!!! Welgedaan Toorts… bly om te sien jou kop het toe rigting gekry. 😊

    Like

    Antwoord

        1. Sy het mos by haar ouers gewoon terwyl die verhouding aan die gang was en sy twee keer swanger geraak het.
          Intussen het die Hardy’s hulle grond verloor, Mnr Hardy by hulle begin werk in in daardie tyd het hy en Issabelle toe vir Charlotte onder in die kelder versteek. Dalk wou sy uitkom met die waarheid?

          Liked by 1 person

          Antwoord

                  1. Nee jy het ontknoop… dit net meer grillerig gemaak. Charlotte was dus vir al daardie jare in die kelder toegesluit en Joseph het met sy verhouding daar met haar voortgegaan. Die skurk!!! Isabella was natuurlik in op die saak…. dink ek. Welgedaan Toorts… dis nog erger as wat ons eers vermoed het.

                    Like

                    Antwoord

  5. O toggie, toggie wat n storie. Is dit regtig Charlotte se geraamte? Wie het dan gedooi in die hotel? Isabella klink vir my n moedswillige vrou en dan die mal Sophia? Sy kon nie kinders he nie weesns die ooreenkoms nie. Is dit sy wat die moord gepleeg het of is dit haar geraamte? Waar is Joseph en Leonard. Ai daar is nog baie wat moet uitgerafel word voordat Broodina weer haar eier gaan lê. Jy het n lekker uitleg gegee Toorts. Gelukkig is die towerspieël veilig en dan daardie leë dagboek wat met water besprinkel moet word sodat daar gelees kan word. Spannend suster, baie spannend,

    Liked by 2 people

    Antwoord

        2. Vuurvliegie!!! Het jy ‘n idee hoe die mite ons kop laat krap het. Bly wonder hoe mens die prostituutstorie met ons s’n kan link. Isabella wou ook nie vir my na ‘n prostituut klink nie. Scrapy se spieël was ook geflous.

          Like

          Antwoord

      2. Dink nie Leonard, Sophia of kinders het geweet nie. Mev Marks dink ek het net vermoed alles is nie pluis nie. Ai, ai arme Charlotte wat so lank daar toegesluit gelewe het. Wat help al haar juwele en goue spieël, en pêrels haar as sy so in afsondering moes leef. Joseph was omtrent ‘n tweegesig. Kamtige liefdevolle man en pa vir sy familie (Klara se brief,) en ‘n monster agteraf.

        Like

        Antwoord

            1. Want sy kon haar werk verloor. Want sy was ‘n Afrikaanse persoon in Engelse milieu. Die Engelse sou haar nie geglo het nie, hulle het haar in elk geval nie vertrou nie. Die Afrikaanses was vies vir haar omdat sy met ‘n Engelsman getrou het. Hul kon in elk geval niks doen aan die situasie nie. Die mense met wie sy georaat het, het gedink sy maak sommer stories op.

              Liked by 1 person

              Antwoord

  8. Ek wonder of daar nie iewers ń voorwaarde op ń erflating was en daarom het hulle Charlotte weg gesteek. Sy was dalk veronderstel om nooit kinders te he nie🤔🤔🤔
    Baie goed geskryf Toortsie. Dankie tog jou blitsbrein het gewerk en ons kon die skatte weg steek voor ou Broodina haar haakneus daarin kom steek het.

    Liked by 1 person

    Antwoord
  11. Terug pieng: Hoofstuk 9: ‘n Geheime tonnel – Dr. Christa van Staden

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s