Ons was by Pretoriuskop se kamp toe my man oudergewoonte hout begin pak om vuur te maak en te braai. Kom daar toe ‘n Hollandse man en vra wat manlief dan nou aan die doen is?
Manlief sê hy pak hout om vuur te naak, ons gaan nou braai.
Hoekom braai ons dan met hout?
Want ons is boere en hou daarvan om met hout te braai. Daar is iets lekkers aan om ‘n vuur aan te steek. Die vlamme, die rook, die atmosfeer.
Maar nou moet ons dan eers wag dat die kole uitbrand? Dit vat mos tyd?
Ja, maar ons gee glad nie om nie, dis vir ons lekker om by die vuur te sit met ‘n drankie in die hand.
Hy het nog nooit gesien dat iemand ‘n braaivleisvuur met hout maak nie.
Hy kuier. Vra uit oor Suid-Afrika. Vra watter diere by ons voorkom. Hoe is ons klimaat? Waarheen kan ‘n mens nog gaan? Kenia? Namibië?
Hy sê dat vleis in SA net soveel geuriger is as by hulle.
Natuurlik kan hy na die Wes-Kaap ook kom. Hy hét al gehoor van die Tuinroete.
Later wys ons vir mekaar foto’s van waar ons vandaan kom. Ons deel telefoonnommers uit.
En dit alles het begin met ‘n sakkie hout.
Toortsie
Dis amazing hoe die reuk van brandende hout in die aandlug mense nader na mekaar toe trek….het ook so iets in Skukuza beleef!
LikeLiked by 2 people
Tipies ons Suid-Afrikaanse mense, altyd reg met ń hout vuur en gesels.
LikeLiked by 2 people
Dis nou lekker kuier en ‘n maklike manier om nuwe vriende te maak.
LikeLiked by 1 person
Absoluut. Hy sê hulle us soggens 5 vm uit in die bis. Ek sê, nee, ons vat dit rustig. Vanoggend 8 vm kom groet hy, hulle het toe ook bietjie later geslaap.
LikeLiked by 2 people
Sulke skuldige genietinge is aansteeklik 😀
LikeLiked by 2 people
Skuldig? Hoe bedoel mevrou dan nou?
LikeLiked by 2 people
O jy is seker al verby skuldig voel – vir my is dit nog ‘n mindset change. Na soveel jare in die tuig, voel jy mos skuldig as jy nie 5-uur aangetrek en gegrimeer in jou motor sit op pad werk toe nie.
LikeLiked by 2 people
Ek voel maklik skuldig, maar het mos meestal in my eie huis gewerk op my eie ire. Soggens het ek gewoonlik my huiswerk klaargemaak en bietjie later in die kantoor gekom en laat gewerk. Skiktyd op sy beste. 😁
LikeLiked by 2 people
Dis nou lekker gesellig 😊
LikeLike
Toe ons eet, hou ons hande en bid. Hy sê hul bid langer in Holland. Vra of ons Christene is. Sy meisie is ‘n Christen, hy nie.
LikeLiked by 2 people
Miskien doen jy sommer sendingwerk daar in die wildtuin.
LikeLiked by 1 person
Nee, ons het toe sommer net oor verskillende gelowe gepraat. Hulle is reeds terug.
LikeLiked by 1 person
Ai Toortsie, hoe lekker klink dit, glo steeds is een van die hekke vir die Hemel daar in die wildtuin🙏🌻
LikeLiked by 1 person
Dit jan beslis so wees, jy is nie verkeerd nie.
LikeLike
Daar is niks soos ń houtvuur nie, dit ruik, klink en lyk na bymekaarwees.
LikeLiked by 1 person
Netso. Houtskool doen dit net nie. Wanneer gaan jy slaap? 😁
LikeLike