Is ‘n lae koolhidraat dieet gevaarlik?

~ Toortsie

O, nee, ek weet glad nie! Ek is mos nie ‘n dokter nie! Hierdie foto het Ditchthecarbs op Instagram gesit en na aanleiding van dit skryf ek hierdie bloginskrywing.

Genadiglik is daardie debatte verby, of Banting volhoubaar is, of dit gesond is, ens. Of dalkies kry ek net nie meer met dit te doen nie. Ek sien ook nie meer vreeslik artikels om die gesondheid daarvan te bewys nie, ek het dit nie meer nodig nie.

Toe ek destyds op my blog aangekondig het dat ek die Bantingleefstyl volg, het iemand vir my gesê: ‘Jy is seker nie ernstig nie.’

Ek het baie dinge aangehoor, dat, as jy Banting doen, jy nie eintlik moet oefen nie, of, dat jy juis baie moet oefen en jy nie die dieet kan volg as jy min oefening kry nie. Banting sou jou na ses maande inhaal, dis ook in my gesig gesê deur ‘n kenner, eerstens dat jou cholesterol jou iewers gaan inhaal, en aan die anderkant, deur dieselfde kenner, met ekstra groot oë, dat as jy Banting begin, jy dit nooit weer sal kan stop nie, want dán gaan jou cholesterol jou probleme gee. Ag, daar was nog doemstories. Party het gesê, probeer dit maar vir ‘n rukkie. ‘n Goedbedoelende het vir my ‘n e-pos gestuur van ‘n tweeling wat die toets gedoen het, een het gebant, die ander een nie. Al verskil aan die einde was dat die Banter ‘n slegte asem gehad het.

Wel, ná vyf jaar van Banting moet ek bieg: Ek het nie na die doemprofete geluister nie. Ouch! Ek was sowaar ernstig toe ek gesê het ek doen dit nou. Ek het sowaar aangehou en dit nie na ‘n rukkie gelos nie. Soms het ek, terwyl ek die leefstyl volg, minder geoefen en ander kere meer. My cholesterol het my sowaar nie na ses maande ingehaal nie. Ag, die metaboliese sindroom wat ek gehad het, het ook saggies die wyk geneem. My bloedsuiker word deesdae nie eers meer getoets nie! Ek kry komplimente vir my vel wat mooi is, my hare groei teen ‘n spoed, ag, daar is te veel om op te noem.

Maar die lekkerste lekker was hierdie week toe die narkotiseur opgewonde vir my gesê het hoe lekker dit is om vir ‘n ‘gesonde’ mens narkose te gee, en weer, toe ek so aan die slaap raak, was die laaste wat ek hoor toe hy dit in die teater herhaal. Ek het sommer met ‘n glimlag weggesweef.

Banting, jou lekker ding!

Of dit gesond is vir jou wat hier lees, weet ek nie, dis iets wat net jy en jou dokter oor kan besluit, maar vir my het dit beslis gewerk, werk dit steeds. Ek stap lag-lag apteek toe, want my voorskrif is aansienlik ligter as wat dit voorheen was.

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

31 thoughts on “Is ‘n lae koolhidraat dieet gevaarlik?”

  1. Dis baie goed om te hoor dat dit al 5 jaar is wat jy dit so doen. Dit is ook soos jy vertel: elkeen is uniek en reageer op n ander manier. Ek kyk telkens na jou resepteboek om tog ook te begin. Ek gaan dit nog met my dr bespreek. Ek moet bloedtoetse laat doen en gaan kyk wat die uitslag is. As my kolesterolvlak weer te hoog is as wat moet wees gaan ek dit met dr bespreek. Njanies koepela!

    Liked by 2 people

    Antwoord

    1. Ja ek volg dit baie streng by my huis. As ek egter uiteet of by mense kuier, maak ek die beste van wat vir my voorgesit word. Ek verwag nie dat mense spesiaal vir my moet kosmaak nie en probeer hulle nie omhaal om die regte olies, ens te gebruik nie.

      Liked by 1 person

      Antwoord

        1. By Banting glo ons dat ons nie graanolies – en groenteolies moet gebruik nie. Dit bevat te veel omega 6, dink ek, as ek reg onthou.
          Ek gebruik hoofsaaklik botter vir al my kos. Net hier en daar ‘n bietjie olyfolie in ‘n slaaisous.

          Liked by 2 people

          Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s