Soms het ons TPM nodig

~ Toortsie

Soms het ons almal TPM (Transformation Prayer Ministry – Transformasie Gebedsbediening) nodig. Soms het ons nodig om te kyk wat ons ontstel. Nie net wat nie, maar ook sommer hoekom dit ons so ontstel. Soms het ons sommer net die ‘tender loving care’ van die Here nodig. Soms het ons sommer net nodig om ons hart uit te huil voor Hom.

Soms het ons nodig om te waag en dieper in ons eie lewens in te kyk, na daardie dinge wat ons al lankal ‘verwerk’ het en ver en diep weggepak het in laaitjies waar niemand anders ooit sal kyk nie. Soms kom ons af op onbenullige gebeurlikheidjies in ons kinderdae wat regtig niks beteken nie, maar wat vir ons as kinders, in ons kindergemoedjies, leuens oor onsself gefluister het wat ons ons hele lewe lank glo.

Soms het ons nodig om die kwaadwees te laat gaan. Kwaadwees vir God, kwaadwees vir ander mense, kwaadwees vir onsself. Soms het ons nodig om te besef dat ons kwaadwees nie ons beskerm of regop hou nie, maar dat dit God is wat ons beskerm. Soms het ons nodig om dit by Homself te hoor dat Hy ons beskerm en dat Hy veg vir ons.

Soms het ons sommer net nodig om by Hom self te hoor dat Hy lief is vir ons, net soos ons is omdat Hy ons juis so gemaak het, of dat Hy ‘n doel met ons het, ‘n plan, of wat Hy ookal vir ons wil sê. Dat ons kosbaar is vir Hom, dat Hy ons uitgesoek het as Sy kinders. Soms het ons sommer net nodig om by Sy voete sit en gekoester te word.

Ons almal het dit soms nodig. Waag dit!

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

18 thoughts on “Soms het ons TPM nodig”

  5. Ware woorde wat jy hier praat. Ek het hierdie week n stuk oor “dislike/ nearly hate” vir my skryfgroep geskryf. Wou dit toe as stuk vir Maandag gebruik maar daarteen besluit omdat my kleinsus nie daarvan hou dat ek my belewenis so in die openbaar hang nie. Noudat ek jou stuk gelees het dink ek ek gaan dit tog wel opsit. Sal nog vannag daaroor slaap.

    Liked by 1 person

    Antwoord

Gesels saam, asseblief!