Medicine mommy se bloginskrywing laat my sommer vandag ver terugdink, toe my eie kinders tweejariges was. Soos sy sê, hulle hou jou nederig. Jy kan ook nie anders as dat jou lewe verander danksy hulle nie. Alles verander. Ek sal nooit vergeet hoe verbaas ek en ‘n vriendin was oor een van ons ander vriendinne wat ons raakgeloop het ná baie jare nie, jy kon haar steeds deur ‘n ring trek, klein kindertjies en al. Ek weet steeds nie hoe sy dit reggekry het nie.
Ek het mos ‘n tweeling gehad en ons was op die plaas. ‘Pottietraining’ op die plaas was baie meer informeel as wat dit op die dorp sou wees. Sulke informaliteite bring natuurlik gevaarlike gevolge. Hulle het mos heeltyd buite gespeel en sou daar ‘n behoeftetjie ontstaan, kon dit sommer daar in die veld aangespreek word. Maklik! Dis natuurlik ‘n ander ding as die behoefte skielik op ‘n winkelstoep onstaan, of langs ‘n besige straat tydens spitstyd! Jongie! Julle wil nie weet nie! Wanneer die mamma dit agterkom, is dit reeds te laat!
Sy vertel ook van ‘nee’. ‘Ek wil nie daardie klere aantrek nie’. Die seuns was maklik, ek het ‘n rak gehad vir ‘dorpskleertjies’ en ‘n rak vir ‘plaaskleertjies’. Elke oggend het ek net gesê, ‘dorpskleertjies’, of, ‘plaaskleertjies’. Hulle het dan self gekies op die betrokke rak. Daardeur was baie tyd en moeite gespaar. Ek wou ook graag elke kind die voorreg gee om self te kies en nie ‘n replika van die tweelingboetie te wees nie.
Meisiekinders is egter anders. Ek het vroeg geleer om nie ‘n voorstel van ‘n rok te maak nie, selfs al was dit die gunstelingrok! ‘Ek wil nie daardie rok aantrek nie, ook nie daardie een nie.’ ‘Dis reg my kind, trek aan net wat jy wil. Ek is seker die dorps- en plaaskleertjiereël sou seker toe steeds gegeld het.
En voor jy jou oë uitvee, is hulle groot en verlang jy na die tye wat jy hulle in kombersies kon toedraai.
Mooi loop.
Toortsie
My dogtertjie het ook van klein-klein af self gekies- soms n strappierokkie in d middel vd winter- bo-oor n langmoufrokkie. Ma het geen sê in d saak gehad nie. En dit moes n draairokkie wees( as jy id rondte draai moet die rompie regopstaan van wydheid)
LikeLiked by 1 person
Draairompie. Ag hoe pragtig!
LikeLike
Dogtertjiesss. Toe hulle tieners was het ek geleer om niks te sê id klerewinkel nie. Jy kan virseker weet: as Ma dink dis mooi of oulik, is dit juis dit wat hulle NIE van hou nie.
LikeLiked by 1 person
Ag ek onthou nou nog ‘n blik van wedersydse simpatie en onmag wat ek en ‘n ander tienerma buite die aanpashokkies gewissel het…
LikeLiked by 2 people
😂
LikeLike
ja netso!
LikeLiked by 1 person
Oumas, dink ek, kry nog swaarder met daardie kombersie-toedraai-ding, want ons sien hoe gelukkig die tweejariges is – “master of all I survey” – en ons weet die lewe lê nog voor.
LikeLiked by 1 person
Ai.
LikeLike
Dankie dat jy my van nog ‘n Afrikaanse blogger bewus gemaak het!
LikeLiked by 1 person
Loer gerus daar in. 😊
LikeLike
Baie waar, maar baie keer dinge wat ek eers veel later geleer het. Soos om nie voorstelle van rokke te maak nie. Sondae kerk toe was nogal ‘n stoeiery. Vandag weet ek dit was sommer onnodig om te bekommer dat sy elke Sondag dieselfde prinses rok wou aantrek kerk toe. 😆
LikeLiked by 1 person
Ons is tog so bang vir wat die mense gaan sê. Of eerder, ek was. Die waarheid is dat hulle dit nie eers raaksien nie.
LikeLiked by 1 person
My skoonma het altyd gesê die beste tyd van ‘n mamma se lewe is wanneer sy al haar kinders onder een kombersie kan toegooi.
LikeLiked by 1 person
Ansoluut
LikeLiked by 1 person
Ek het nou ‘ tweejarige kleindogtertjie, met ‘n BAIE sterk willetjie. Vyf weke te vroeg gebore, so sy veg aanmekaar. Ek sien sy skuif die grense so met skoene. Moenie dink sy hou haar skoene langer as tien minute aan nie! En dan is sy nog fiemiesrig ook oor watse skoene! Ek lag maar waar haar Mamma my nie sien nie..
LikeLiked by 1 person
Oulik
LikeLiked by 1 person
Ek het nooit n dogtertjie gehad nie maar ek sien klein Bea hou klaar nie van mamma se voorstelle nie. Ek glimlag ook maar in my enigheid en geniet my gate uit.
LikeLiked by 1 person
Ek het ervaar dat selfs die gunstelingrok ‘n nee is as mamma daarmee in die hand staan.
LikeLike
Beste is net die dag tevore was dit die gunsteling en laat ma dit nou ophou! Aikona!
LikeLiked by 1 person
Net so 😁
LikeLike
❤
LikeLike
Daar kry ek sommer trane in my oë, Toortsie. Daar was werklik ń tyd toe ons hulle onder een kombersie kon toegooi.
LikeLiked by 1 person
Ai waar’s daardie dae. 😊
LikeLike
Jy laat my terugverlang na die tyd toe hulle almal onder een dak was.
LikeLiked by 1 person
Aan die een kant, ja, aan die ander kant is ek ook bly dat daardie fase van my lewe verby is. 🙂
LikeLiked by 1 person