Stroomop

Ek en manlief het gisteraand die fliek, Stroomop, gekyk. Wat ‘n inspirasie! Verlede jaar was ‘n paar van die Stroomopspan hier in ons dorp en ek was bevoorreg om ook die aand die funksie te kon bywoon. Toe reeds was ek geïnspireer.

Die vyf vroue beland saam op ‘n rubberbootjie as deel van ‘n terapie-avontuur. Elkeen van hulle worstel met hulle eie probleme en deur met mekaar te deel, is die veronderstelling dat hulle dit sal uitsorteer. Met die eerste stroomversnelling werk hulle nie saam nie, probeer hulle hulle geskille terselfdertyd uitsorteer, is die aandag nie waar dit moet wees nie en tref die probleme hulle vol in die gesig.

Hulle leer om saam te werk, mekaar te vertrou, op mekaar staat te maak. In moeilike situasies help hulle mekaar uit. Soveel so dat hulle die volgende stroomversnelling as span aanpak, elkeen met ‘n doel waarom sy heel aan die ander kant wil uitkom.

Hulle inspireer my om die stroomversnellings in my lewe te sien vir wat dit is: stroomversnellings. Dat ons gefokus deur dit moet gaan, dat ons moet saamstaan met hulle wat saam met ons is, in plaas van mekaar dan wil konfronteer. Dat ons mekaar moet vertrou en ondersteun en elkeen sy bes moet doen sodat ons heel aan die anderkant kan uitkom. En sou die krisis ons wel ongemaklik tref en dinge nie heeltemal uitwerk soos ons graag wil nie, ons steeds ons bes moet doen en as span mekaar ondersteun. Dat ons ons vertroue in Hom moet plaas omdat Hy regtig die beste weet.

Toortsie

Advertisements

22 thoughts on “Stroomop

  1. Dit is ‘n wonderlike fliek. Dit laat my altyd dink aan iets wat ek eenkeer gelees het “…. in a difficult situation, you may find that once you let go of the wheel, you will end up right where you belong ….”

    Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s