Een rooi kopdoek

Hierdie foto het blykbaar, van al my foto’s in 2017, die meeste aandag getrek, volgens Facebook. Ek dink die een op Facebook wys net my hele gesig.

Een lawwe foto van ‘n lawwe vrou met ‘n lawwe rooi kopdoek. Een rooi kopdoek. Kan ‘n kopdoek ‘n mens se lewe so verander? Sjoe!

Dit was ongeveer Oktober 2015 wat ek besef het dat ons die kos moet maak om foto’s te neem vir die boek wat ek beplan het om uit te gee. Ek was oorspanne. Dit was ‘n rowwe week waarin ek baie administratiewe werk moes doen en daar was net nie tyd om die kos reg te kry nie. Daardie middag het ‘n vriendin ook nog verjaar en ek het die geheim uitgelaat: Ek is besig om ‘n BOEK te skryf. Een van die dames het my baie duidelik laat verstaan dat dit nie sommer enige persoon is wat ‘n resepteboek skryf nie en dat daar ‘n kuns is aan die fotograveer van kos. Eintlik word die kos nie regtig gemaak nie en gebruik hulle nagemaakte kos vir die foto’s van resepteboeke. Die hare het regop gestaan. Ek was bang. Ek was reeds bang, hierdie was net olie op die vuur.

By die huis gekom, moes ek daardie aand in aller yl begin kosmaak vir die volgende dag se fotonemery. Vir Toortsie se boeke word regte kos gemaak! Die spanning was voelbaar, ‘n blinde sou dit met ‘n mes kon sny.

Ek sit my voorskoot aan en besef ek moet iets om my hare bind, netnou val daar ‘n haar in die kos! Ek het ook kleur nodig gehad vir energie.

Die volgende dag is ek met voorskoot, serp en stapels gaar kos gelaai in my kar Struisbaai toe vir die foto’s.

Die res is geskiedenis.

In een onbewaakte oomblik is die ‘Toortsie Look’ geskep en selfs al het ek probeer om dit te verander, is die rooi kopdoek steeds die ding wat mense laat glimlag as ek daarmee by ‘n Toortsiefunksie opdaag.

Groete

Toortsie

Advertisements

14 thoughts on “Een rooi kopdoek

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s