Sonell het hierdie op haar Facebook gesit:
Dalk het my geskriffie vandag nie regtig met hierdie pragtige woorde van Sonell te doen nie, maar dit maak nie regtig saak nie. Sy skryf ‘n baie waar ding.
Ek moet julle iets vertel: So verskriklik lief ek vir mense is, trap ek tog soms klei in verhoudings. Dalk trap ek nie meer klei as ander nie, maar ek is geweldig sensitief daarvoor as daar iets skeefloop en ek kan my vir jare daaroor kasty. Ernstig kasty en dít is juis ‘n kenmerk van my persoonlikheidstipe. Dalk is dit omdat ek so eerlik en reguit is en dus op tone trap?
Maar opregte vriendelikheid en sommer met enige persoon gesels, is nét so natuurlik vir my. Dis my wens om lig uit te straal. Hoe toevallig dat ek juis ‘n liggie gekies het as my skuilnaam!
As ek in die dorp stap, maak ek ‘n punt daarvan om almal vriendelik te groet. Goeiemôre. Soveel keer is die reaksie baie meer as wat ek terugverwag.
‘n (Vreemde) tannie werk in haar tuin. ‘Goeiemôre’, sê ek sommer in die verbyloop. ‘Goeiemôre, hoe gaan dit?’ ‘Dit gaan goed dankie. Met tannie? Tannie is darem fluks” Skaambly sê sy, ‘ag, ek probeer maar.’ ‘Tannie se tuin is pragtig.’
Ek stap verby ‘n kleurlingdame. Sy lyk besonder mooi en ek sê dit vir haar. Sy vertel my dis haar verjaarsdag en ek en sy omhels mekaar net daar in die straat. Die hele ou gesiggie straal, skamerig, maar so liefdevol.
In my vinnigloop stap ek verby ‘n swartman, hy lyk redelik ingedagte. ‘Good morning’. Vriendelik kom die antwoord, ‘Good morning, how are you?’ Ons praat nog ‘n paar woorde en hy gee my die oopste, vriendelikste glimlag.
‘n Tannie wat ek redelik goed ken, staan met ‘n snoeisker in die hand voor haar huis. Ons praat ‘n paar woorde en sy vertel my hoe mooi haar man gesterf het en dat dit vir haar so kosbaar was.
Iemand stop by my en wil net seker maak of ek vir die oefening stap en of ek dalk hulp nodig het.
Hierdie dinge gee vir my energie. Dit vra niks van my nie, behalwe ‘n vriendelike goeiemôre. Niks meer nie, maar ek kry soveel meer terug.
My pa het altyd gesê, ‘groet die mense, dit kos jou niks’, maar hoe sal ek ooit weet of daardie groet nie dalk juis die ding is wat die ander persoon op daardie oomblik broodnodig het nie?
Toortsie
Kyk watter aanhaling staan net mooi vanoggend in my dagboek: ‘Do not wait for leaders; do it alone, person to person. ‘ -Mother Teresa. En dan wil ek hierby voeg: ‘Wees jy die leier, maak jy die verskil. ‘ – Toortsie 😊
toortsie.com 
Wat ń pragtige getuienis is hierdie skrywe van jou nie, Toortsie.🌺
LikeLiked by 2 people
Dankie 😊
LikeLike
Ek beny mense soos jy Toortsie! Ek wens ek kon so wees. Mense dink (verkeerdelik) dat ek ‘n snob is, maar dis so ver van die waarheid af. Ek kan net (ongelukkig) nie geselsies maak met mense nie. Ek voel te ongemaklik-vreemd-skaam om dit te doen. 😆
LikeLiked by 2 people
Ag, onthou ons is almal uniek. Ek is seker jy het pragtige eiensakappe. Jy hoef nie geselsies te maak nie. Glimlag sommer net vriendelik vir mense wie se oog jy vang. Ag, ek is seker jy doen dit. 😊
LikeLiked by 2 people
Daasy!! Dis nou ‘n heerlike positiewe skrywe! GOEIE môre vir jou ook.
LikeLiked by 2 people
Goeiemôre! 😁 Hoe gaan dit vandag met jou?
LikeLike
Wat jy hier skryf, is so mooi en so waar. Om te beleef hoe iemand se gesig ophelder, is ‘n groot vreugde!
LikeLiked by 2 people
Dis soos ‘n groot geskenk wat jy oopmaak en dis altyd onverwags. Party mense reageer glad nie, ander grom net ligweg, ander kyk jou vreemd aan, en ander reageer op die pragtigste maniere.
LikeLiked by 2 people
Goeiemore Toorts! Kyk hoe mooi stap jy ons almal uit in die sonlig. Sonneblom mooi! Lekker dag.
LikeLiked by 2 people
Mooi dag vir jou ook.
LikeLike
Pragtige skrywe Toorstie, alles so waar. Mense wil net weet iemand gee om, iemand sien raak. Jy is spesiaal
LikeLiked by 2 people
Dankie Bondels, jy is ook spesiaal. 😊
LikeLike
Dit is vir my ook die lekkerste lekker om met vreemdes omgang te hê. My kinders kon dit nooit verstaan dat ek sommer so met vreemdes praat nie. Ek is dankbaar dis my tipe persoonlikheid.
LikeLiked by 2 people
Lekker is dit beslis. 😁 En as kinders reageer teenoor my, nog beter.
LikeLiked by 1 person
Dit kos niks om vir n ander persoon te glimlag of te groet nie….en dit bring seën vir albei. Ek staan verlede Sondag en wag dat die stroom mense wat in die eerste diens was uitkom. ‘n Vrou pragtig aangetrek is tussen die klomp. Ek glimlag vir haar en sê sy moet tog onthou om my klere volgende Sondag vir my terug te bring. Sy slaan haar arms om my nek en fluister die klere het sy in Switzerland gekoop. Ek vertel haar hoe mooi sy lyk en haar gesig straal. Een minuut van jou tyd en jy laat ‘n ander persoon straal.
LikeLiked by 2 people
‘n Groet en ‘n glimlag maak ‘n groot verskil in enigiemand se dag. Die lekkerste van alles is wanneer die mense langs die pad wat jy elke dag loop, begin om eerste te groet.
LikeLiked by 2 people
Ja. 😊
LikeLiked by 1 person
Ek groet ook sommer net, of glimlag. Maar kom agter dat ek bietjie van daai hartlikheid verloor het. Moet dit weer gaan soek….
LikeLiked by 2 people
Soek dit. Dit kruip net iewers weg.
LikeLiked by 1 person
Soms gaan ons mos maar deur stiller tye,en dan skielik, kom dit weer terug. 🙂
LikeLiked by 1 person
Jou liggi8e skyn ook hier helder! ❤
LikeLiked by 1 person
❤️
LikeLiked by 1 person
Dankie vir die deel Toortsie, en ek kan jou eintlik sien dit doen, dis ‘n wonderlike gawe om ‘n glimlag op iemand se gesig te kan sit of dood eenvoudig mense te erken,🌻🌻
LikeLiked by 1 person
En hier sit jy nou ‘n glimlag op my gesig.
LikeLike
🌻
LikeLike
Ek stem so erg baie saam jou! Soms sonder dat ons weet maak ons iemand geliefd voel deur net vriendelik te glimlag of te groet.
LikeLiked by 1 person
Dis een ding van die platteland, mense groet en gesels. Ek het dit nou weer in Montague besef en beleef. Ek groet ook maklik vreemdes en bekendes. Ek gesels nie altyd so maklik nie.
LikeLiked by 1 person
Groet is al heeltemal genoeg. 😊
LikeLiked by 1 person