Terwyl ek nou oor eende praat en probeer om nie die dam onder die eend uit te ruk nie, voel ek wel om so te doen. ‘n Mens kan praat en praat en praat, maar vir party ouens is jou gepratery net soos water op ‘n eend se rug, maar na die tyd sal hulle hulle skouers in onskuld ophaal en die skuld op iemand anders plaas. Plaas dat hulle besin eer hulle begin, maar luister sal hulle nie.
Dis soos om jou geboortereg vir ‘n pot lensiesop te verkoop, sinneloos, as ek my opinie mag gee, maar soms het jy eenvoudig nie ‘n keuse nie en moet jy eerder tevrede wees met ‘n halwe eier as ‘n hele dop. Dit is natuurlik so dat erfgeld swerfgeld is, en as jy nou nog die elmboog lig so saam met die swerwery, mag dit gou wees dat Jy net mooi met niks sit nie en begin terughunker na die vleispotte van Egipte, maar soos almal maar baie goed weet, is dit dan heeltemal te laat.
Die probleem is, skoonheid vergaan, maar deug bly staan en al is jy nou ‘n lelike eentjie, maar jou verstand gebruik, kan jy baie ver in die lewe kom as jy wil, want sukses het niks met skoonheid te doen nie. Natuurlik kan die mooies onder ons ook suksesvol wees, veral as hulle hulle verstand gebruik.
Maar so van die os op die jas, in hierdie eeu van korrupsie en moeilike ekonomie, moet ‘n mens wakker wees en jou talente behoorlik benut, mooi werk met jou geld, en soms selfs die eierdans uitvoer, en as jy jou kant gebring het, goeie besluite geneem het, na goeie raad geluister het en as die natuur en die genade met jou was, kan jy dalk tog heelhuids anderkant uitkom.
Terloops, as jy dalk net wonder hoekom die Toortsie nou weer sulke nonsens babbel wat glad nie sin maak nie, dit was deel van haar poging om idiome met ‘n E te gebruik. Genadiglik was Mieliestronk byderhand om haar te help. Persoonlik dink ek dit sal tog dalk maar goed wees as Toortsie wel besluit om haar kop te laat lees.
Groete
Toortsie
toortsie.com 
Mmm dalk het Toorts n skroef los, of is sy met d maan gepla. Of dalk het sy n klap van die windmeul weg. Maar ek dink sy is dood dollies – ‘n super vrou en ‘n slimjan!
LikeLiked by 1 person
Al daai dinge wat jy opnoem, behalwe dalk die laaste twee, oor hulle wonder ek. 😁
LikeLike
Maar jy jan kom help siek na die los skroewe as jy wil. 😂
LikeLike
Nee man. Ek soek te hard na my eie.
LikeLike
Dalk moet ons ‘n week afvat en loop varkies soek, skroewe vasdraai, en wat nog alles. 🙂 Dalk kan van die ander Towerinne kom help.
LikeLike
Dit klink mos goed.
LikeLike
Toortsie toor met woorde…welgedaan!
LikeLike
O, né? 🙂
LikeLiked by 1 person
Ek wonder of die kinders nog idiome geleer word. Ek het dit geniet.
LikeLiked by 1 person
Ek dink net ‘n paarjies.
LikeLike
Ons het altyd gesê iemand is op die bol wanneer hulle hulself goed van ‘n taak kwyt. Ek wonder of dit ‘n erkende spreekwoord is? Maar jy is inderdaad op die bol Toortsie.
LikeLiked by 1 person
Ek weet nie of dit ék is en of die mieliestronk is nie! 😳
LikeLiked by 1 person
Laat daar nooit gesê word dat Toortsie skrik vir ‘n uitdaging nie! 🙂
LikeLiked by 1 person
En dan kom F 😳. Sien ek jou vanjaar by Capital Singers? Dít is ‘n uitdaging op sy eie vir ‘n boervroutjie uit die verre Overberg. Ek sal moet kaalvoet oor die Drakensberge om daar uit te kom.
LikeLiked by 1 person
Ek seg mos nou net jy skrik nie sommer nie 🥰. Inderdaad, ek hoop om hierdie keer te gaan en die nuwe venue te beleef. Desember is baba mos gebore, later as wat ons gedink het. Ek was nog in die Kaap toe daar gesing is
LikeLiked by 1 person
Ag maar geluk met die baba!
LikeLiked by 1 person
Dit was die opoffering werd 🥰
LikeLike
O, ek glo regtig so. 🙂
LikeLike