Ek was hierdie naweek weer eens bevoorreg om deel te kan wees van die omgeespan by #Imagine.
Dit het my die geleentheid gebied om die sessies by te woon. Hulle werk nie net met die 1800 tieners se koppe nie, hulle werk ook sommer met my as ou tannie s’n. Timoteus, die jong seun in die Nuwe Testament, is as tema gebruik, met die boodskap dat ons almal ons eie unieke storie het en dat God betrokke is by ons storie.
Ons het pragtige jongmense in ons land, hulle maak my opgewonde. Hulle lewe vir die Here en is nie bang of skaam om hulle Christenskap uit te leef nie. Hulle is bereid om mekaar te ondersteun en doen dit sonder skroom.
Aan die swaarkrykant, waar ek gewerk het, het ek ervaar:
- Hier is baie tieners wat seer het.
- Ek is dankbaar dat soveel van hulle die moed het om hulle seer aan te spreek.
- Ons besige lewe as volwassenes, eis sy tol.
- Kinders word op ‘n jong ouderdom aan ontstellende goed blootgestel waarvoor hulle geestelik nog nie ryp genoeg is nie.
- Kinders verlang na hulle ouers se teenwoordigheid, geselskap, kameraadskap.
- Dit is vir kinders sleg as die verhouding met ‘n ouer nie goed is nie, hulle wil soms ook hulleself daarvoor blameer. Hulle wil ook graag raad hê hoe om stukkende verhoudings met hulle ouers reg te stel.
- Soos ons as volwassenes, het ons kinders sommer net ‘n liefdevolle oor nodig wat luister sonder om te kritiseer, sommer net ‘n afpakplek waar hulle ook vryelik kan huil.
- Met die egskeidingsyfer wat so hoog is, met almal wat rondom hulle skei, raak kinders angstig wanneer hulle ouers stry. Hulle vrees dit dat hulle ouers sal skei.
- Kinders smag na erkenning, maar ook die gerusstelling en versekering dat hulle ouers mekaar liefhet.
Dis vir my verblydend dat die kinders uit hulle eie kom vir hulp en ek is dankbaar dat #Imagine so ‘n diens aanbied. Vir baie is dit die eerste tree op ‘n heelwordpad.
Intussen, vir almal, die vrolikes, die hartseer ouens, die met min sorge en die met baie, bied #Imagine iets en as ouer sou ek my tienerkind met gerusstelling soontoe stuur. Dis regtig ‘n beweging wat ‘n goeie uitkoms ten doel het, wat ons kinders positief verander.Ons kinders is ons toekoms. Kom ons belê daarin.
Tieners lê my baie ná aan die hart. Ek is regtig lief vir hulle.
Toortsie
Dis lekker om te weet dat daar sulke kampe vir die jongmense is. Dis so belangrik om as jongmens dinge te hoor en te beleef wat hul ouderdomsgroepe daagliks belewe.
LikeLiked by 1 person
Ek was as kind lief om na sulke kampe te gaan. Dit het my beslis op ‘n abder baan geplaas alreeds op ‘n jong ouderdom. Dieselfde verandering het ek ook in my eie kinders gesien. Ek is sooo bly vir elke kind wat hier was. Die meerderheid van hulle gaan as ‘ander kinders’, ‘nuwe kinders’ terug huis toe.
LikeLiked by 1 person
Weet jy, as onderwyseres het ek baie kere die verandering in die jong mense se optredes gesien as hul n kamp bygewoon het. Hul het meestal ouens om hul ook beinvloed.
LikeLiked by 1 person
Ek dink vir sommiges is die omstandighede terug by huis moeilik. Daar was meisies wat jaar na jaar tot bekering gekom het, net om hulle by die huis in moeilike omstandighede vas te loop en nie ‘n ondersteuningsnetwerk te hê nie en dan maar terugval.
As tiener was dit vir my vreemd as verlede jaar se nuwe bekeerling vanjaar weer daar is as bekeerling. Nou verstaan ek dit beter.
LikeLike
Dis baie moeilik vir sulke jong mense as hul in n aggresiewe ongelowige huis bly. Dit word uit hul uit gemoker. Ek het self my eie geloof opgebou omdat my pa n aties was en net nie gevoel gehad het nie(dis hoe ek dit belewe het as kind) Later jare het hy darem meer oop geraak vir “geloof”. Dis so jammer dat godsdiens uit skole gehaal is. Baie kinders het eers in die skool daarmee in aanraking gekom.
LikeLiked by 1 person
Dis vir my ook hartseer dat dit uit skole gehaal is. Dit het my geweldig gehelp omdat my kinders in die koshuis was. Ek was verseker dat hulle ook geestelike opvoeding sou kry by die skool en koshuis.
LikeLiked by 1 person
Kinders is ons toekoms en dis goed om hulle sekuiteit te gee.
LikeLiked by 2 people
Absoluut. Dink net, as ons onseker is oor alles wat hier rondom ons gebeur, hoe moet hulle nie voel nie?
LikeLiked by 2 people
Wanneer mens vir die Here werk, is dit mos altyd tot jou eie groot seën ook. Jy maak my hart so bly met hierdie inskrywing.
LikeLiked by 2 people
Dankie tannie F. Ek het nog baie om te verwerk ná die naweek, daardie kinders bly in my gedagtes. Maar ja, terselfdertyd voel dit of ek op wolke loop, só geseënd. 😊
LikeLiked by 1 person
Ek wens so my kind kon gegaan het die naweek.
Maar nou ja, dis goed om lees hoe goed hierdie naweek vir almal was.
Dankie vir jou terugvoer! x
LikeLiked by 1 person
Dalk volgende jaar? 😊
LikeLike
Wat ń voorreg om daar te kan wees vir die jonges, Toortsie. Soos jy sê, in hierdie tye het hulle alle hulp en leiding nodig.
LikeLiked by 2 people
Dis wonderlik daar is sulke kampe. Weet ek het nie kinders nie en praat dalk maklik, maar dink nie meeste mense besef hoe uitgehonger kinders is na persoonlike aandag in die vinnige en gejaagde pace nie. Ek gaan my voet in dit sit, ek is net bly daar is sulke wonderlike kampe en iewers waar kinders regtig gehoor word,dankie vir die deel Toortsie🌻
LikeLiked by 1 person
Jy hoef nie jou eie kinders te hê om die uitgehongerdheid van kinders raak te sien nie. Dis so jammer dat dit so geraak het, né.
LikeLike
Is baie hartseer, maar post soos jpune bring baie hoop,
LikeLike
Dankie
LikeLike
Sterkte met die goeie werk.
LikeLike
Dankie. Dis nou eers weer klaar vir ‘n jaar. 😊
LikeLike