‘n Komma het veroorsaak dat ek vier rye moes terugbrei.
Ek het baie in my lewe gebrei. Toe weer vir net so baie jare nié gebrei nie.
‘n Ou patroon kon jy optel, brei volgens die aanwysings, en hy was reg.
Verlede jaar het ek vir my seun ‘n trui gebrei, presies volgens die mates aangedui en die aanwysings, wol is mos duur. Wel, hy het verdrink in die trui. Die gelukkige buurman het net op die regte oomblik daarverby gekom, ‘n trui geëerf, maar nou het hy ook soveel gewig verloor, ek vermoed ook hy verdrink nou daarin.
Tans is ek besig met ‘n vissermansriftrui. Ook vissermansrif het ek al meermale in my lewe gebrei, lank gelede. Alhoewel die tegniek dieselfde is, verskil die patroon soms.
By ry 2 staan daar: R1 onderin aw.
Dalk moes Toortsie ook eers mooi gedink het.
Ek R1 toe, en onderin die aw steek, regs ek toe weer.
Die stemmetjie in my kop sê dis verkeerd, maar ek hou maar aan, net om 2 rye verder te besef dis beslis verkeerd. Ek moes 4 rye uittrek om hierdie fout reg te stel.
Wat dit moes wees, was R1 onderin, aw 1.
Nee, ek wil nie by julle kla nie. Wat ek eintlik wil illustreer, is ons verantwoordelikheid as ons patrone of raad of resepte of wat ookal wil beskikbaar stel. Ons foute kos ander mense geld en tyd.
Ek sê dit ook vir my omdat ek boeke uitgee. Ons moet doodseker maak dit wat ons uitgee, is reg. Ander mense betaal vir ons daarvoor, daarom meer as dubbeld seker maak.
Ons móet ons goed toets, ook laat toets deur iemand anders.
Ons moet dit self herhaaldelik proeflees, maar ook ‘n betroubare proefleser betaal om ons boeke te proeflees. Ons skuld dit aan onsself, maar ook aan ons lesers.
Nou ja, laat ek verder brei.
Toortsie
toortsie.com 
Ek bewonder breiers , ek kan glad nie. Sal ook nie weer probeer nie…
LikeLiked by 1 person
Jy doen ander wonderlike goed. Ek kan nie skilder nie.
LikeLiked by 1 person
🤗
LikeLike
Ek brei net regs of plain en blokke😬
LikeLike
Heeltemal genoeg! 😁
LikeLike
ek kan my verkyk aan mense wat so mooi kan brei
LikeLike
Blokke pas altyd. Jy brei nie ‘n hele artikel en dan pas dit nie. 😁
LikeLike
Wel dit is waar😀
LikeLike
Kommas wat uitgelaat of op verkeerde plekke ingesit word, het al veroorsaak dat wette geskrap en hofsake verloor is. Die snaaksste een wat ek egter teëgekom het het was ‘n kort beskrywing van ‘n dokumentêre program van Peter Ustinov: “Highlights of his global tour include encounters with Nelson Mandela, an 800-year-old demigod and a dildo collector”.
LikeLiked by 2 people
Sjoe! 800 jaar oud!
LikeLiked by 1 person
🤪
LikeLike
Jy is dapper om sulke groot artikels te brei. Na die laaste trui wat agt jaar gevat het om te voltooi, het ek nog nie weer groot goed gebrei nie. Dan nogal Vissermansrif ook.
LikeLiked by 1 person
Eintlik het ek nou vreeslik gejok. Ek is net so gewoond ek brei of hekel nie groot goed nie. Ek het vir my Amy Boenkel ‘n kombersie gehekel, twee kniekomberse en twee throughs vir Ousus se banke. Ook vir my Nina en Gusi truie gebrei to was hulle al tieners. Nee, wag nou onthou ek nog groot goed. Maar punt is, ek hou nie van groot goed brei of hekel nie.
LikeLiked by 1 person
Jy bring jou kant. Daar is nog iets wat jy op jou kysie kan sit: ‘n Paar bedsokkies vir Toortsie met Granny squares nogal.
LikeLike
Ek het vroeër baie gebrei. Toe lang droogte. Nou geniet ek dit weer.
LikeLike
Applous! As mens se twee susters en ma brei doen jy dit nie!
LikeLiked by 1 person
😊
LikeLiked by 1 person
Toorts ek het my breimanie gehad….tot ‘n trui met kabels en sulke gepofde balletjies vir my man gebrei. Maar toe ek die naalde neerlê toe lê ek hulle neer. Maar ek het nog nooit weer in ‘n winkel sulke lekker dratruie kon koop soos selfgebreide truie nie. Stuur maar jou flops dié kant toe!!!
LikeLiked by 1 person
Dis werklik so dat winkeltruie nie dieselfde dra nie. Hul moet dit so goedkoop as moontlik kry. In my jongdae was daar neergesien op handgemaakte goed. Dit het nou verander.
LikeLiked by 1 person