Toortsie se boererate

Lê jou eier: Gesels saam oor boererate, in opdrag van Hester.

Hierdie opdrag laat my gedagtes ver terugloop na my hoërskooljare. Ons moes een keer in pare mondeling praat, dialoog, en ek en ‘n meisie het ‘n dialoog gevoer oor boererate. Ons het só gegiggel, ek dink nie ons het enige raat uitgedeel nie!

Watter boererate pas ons toe, vra Hester.

Vir stinkneus gebruik jy ‘n sout/koeksoda oplossing. Stinkneus? As jou sinusholtes verstop en dit regtig nie meer lekker ruik nie, werk dit wondere as jy jou neusholtes uitspoel met ‘n mengsel, as volg voorberei: 1 liter kookwater, met 1 teelepel sout en 1 teelepel koeksoda. Laat dit afkoel. Wil julle die gory detail weet van hoe dit gedoen word? Regtig? Urg!

Vir ernstige hoes glo die Toortsie gesin aan witblits en heuning. Meng gelyke hoeveelheid, omtrent ‘n eetlepelvol van elk, witblits en heuning. Sit dit in die mikrogolf sodat dit smelt. Eet teelepelsvol.

Antoinette Pienaar se kasterolie. As ek vir ou mense die woord kasterolie noem, gril hulle by voorbaat. As ek klaar gebad het en my vel nog warm is na die afdroogslag, smeer ek my hele lyf in met ‘n klein bietjie kasterolie. Dit werk baie beter as enige lyfroom. Net ‘n klein bietjie, anders is dit taai.

Van dieselfde kasterolie sit ek saans ‘n druppelvol op twee wattetjies, daardie plat watte wat ‘n mens deesdae kry, wat is hulle naam? Dan sit ek so ‘n wattetjie op elke oog en lê ‘n paar minute op my rug. Die oogkundige het nou die dag amper op sy rug geval toe ek dit vir hom vertel. Blykbaar baie sleg vir jou oë, sê hy. Ná ‘n vreeslike klop onnodige toetse op al wat masjien is, kondig hy ernstig aan dat ek kroniese droë oë het, waarop ek gesê het, ek weet, ja.

Ag, en dan smeer ek ook Vics, soos vele Suid-Afrikaners. Ek hét op ‘n stadium met ‘n aartappel in die bed geslaap, maar of dit regtig gewerk het, kan ek nie meer onthou nie. Nou bant ek en het nie meer aartappels in die huis nie, wat nog te sê in die bed.

Vir slaaploosheid werk ‘n glas melk mos en my pa het vir ons liquid parrafin gegee vir ‘n harde maag. Hy het vreeslik in dadels geglo, het gesê dit stabiliseer die maag, of dit nou ‘n los maag was of ‘n stywe een. Nou ja, so lief soos ek vir dadels is, is dit mos ‘n taboé in hierdie Bantinghuis.

Gaan stap ‘n ent in die veld vir die senuwees en kom weer terug na die eenvoudige dinge: Eenvoudige kos sonder fieterjasies, maak jou eie groentetuin, jy sal nie glo hoeveel beter jy voel van jou eie, gesonde groente nie, en dis natuurlik ook terapeuties om in die tuin te werk, sê hulle. Maar Toortsie werk nie eintlik in die tuin nie!

Genoeg raad uitgedeel. Gaan lees bietjie HIER wat skryf die ander bloggers oor dieselfde onderwerp, en dalk het jy self ook lus om hieroor te skryf?

Groete

Toortsie

Advertisements

32 thoughts on “Toortsie se boererate

  1. My man vra of hy die hoesmengsel kan aanmaak met goue stroop – hy hou nie van heuning nie. En presies hoeveel lepelsvol mag hy op ‘n slag eet? Ek verstaan nie jou oogarts se beswaar oor kasterolie nie. My huisdokter het my ma aangeraai om dit te gebruik. Om die waarheid te sê, die verskriklike duur oogdruppels wat ek in my bedkassie se laai aanhou, bevat ook ‘n olie, nou nie noodwendig kasterolie nie, maar regtig …

    Liked by 2 people

          1. Ons het almal sommer die verifikasie gedoen deur op die facebook icon te kliek. InLinkz aanvaar dus facebook se verifikasie van die e-pos-adres wat gebruik om op facebook aan te teken. Jy hoef dit net die eerste keer te doen.

            Like

            1. Net so! Dis glad nie so sterk as dit in die mikeogolf was en met heuning gemeng is nie. Jy gebruik mos ook baie min dan. My dogter het vreeslik daarin geglo. Hoesstroop maak jou mos later naar. Sy het selfs haar botteltjie witblitsmengsel saamgeneem skoolkoshuis toe! 😳

              Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s