Al die jare sê ek dat daar ‘n gat in die lug is, vermoedelik bokant ons huis, waarheen soveel van my goed verdwyn het. Gewoonlik goed waarvoor ek lief is, goed wat lekker werk, wat ek graag gebruik. Skêre, vlekvrye staal bak, my wasgoedkom, emmers, messegoed, teelepels, plastiekbakke, splinternuwe eierspaan, sokkies, bra’s, my seun se mooi hemde, handdoeke. Ag, noem maar op, dit het deur daardie gat verdwyn.
Terloops, een so ‘n handdoek het wonderbaarlik een kersspel wat ons op die plaas met die plaaswerkers en hulle kinders gehou het, as kopstuk op een van die herders of wyse manne, se kop beland! So, soms val goed weer terug deur daardie gat en beland dan op die vreemdste plekke!
So glo ek nog al die jare dat daardie vliegtuig wat net so in die lug in verdwyn het, deur daardie einste gat is. Ek sien Xena praat ook vandag weer van hom en waar hy kan wees.
Waar anders kan hy wees, die aarde is al soveel keer deursoek? Maar niemand wil my hoor nie, of hulle weet nie waar die gat in die lug is nie. Ek bly dan sê dis bokant my huis.
Maar nou met die trekkery het ek gesien hoeveel goed wel nié die gat gemaak het nie, goed wat ek sou wens dat dit deur die gat sou verdwyn. Nonsens. Hulle is seker nie so bruikbaar nie, of wat kan die rede wees? Ek wonder, as ek hulle in die lug op gooi, of hulle nie net dalkies dit deur die gat sal maak nie?
Ek het gisteraand deur my boekrak gegaan en erg gesif. Was ek nou bly dat die biblioteek hulle wou hê, hoor!
Wat dink julle?
Toortsie
toortsie.com 
TSK! Om so in stilte te skinder . . . .
Dalk toer die Bermude Driehoek rond. 😉
LikeLiked by 1 person
Sorry. Ek sal nog tag. Ek het op selfoon geskryf. Sorriesorriesorrie
LikeLike
Vir alwat jy weet is dit wel so, of daar is meer sulke gate.
LikeLike
Nou hoe dan nou, al hierdie jare dog ek die gat is bo ons huis!
LikeLiked by 1 person
O aarde! 😳 Dan is daar wraggies meer as een gat!
LikeLike
Hoekom sluk daai gat net die goed in waarvan mens hou en los die gemors agter?
Dddddiiiiiisssss die gat in die lug en die blou lug draai daarom..
LikeLiked by 1 person
Ja, Positief, dit sal ek ook graag wil weet. Hoekom?
LikeLike
Ek wens die gat wil outomaties al die twakkies wat my so toepak,opsuig
LikeLiked by 1 person
Op hierdie oomblik voel ek ook so.
LikeLiked by 1 person
Ek kan aan ‘n paar andersoortige dinge dink wat ek wil laat opsuig, maar my gat is skynbaar buite werking. Dalk moet ek Pump-a-loo se honeysucker huur. Dit klink nou nie goed nie. Maar julle weet wat ek probeer sê.
LikeLiked by 1 person
Dis dalk ‘n stofsuiergat…
Of iets soos die wasmasjien wat net een sokkie insluk of dieselfde gat ding wat tupperdeksels laat verdwyn….
LikeLiked by 1 person
Ja. Sug ek nou oor tupperwarebakke wat minder raak wn deksels wat meer raak.
LikeLike
Ek wonder soms of is dit die regte goed in die verkeerde gat of die verkeerde goed in die regte gat. Daar is heeltemal te veel dinge wat wegraak wat eintlik belangrik is of sentimentele waarde het.
LikeLike
Dis wat so sleg is, dis juis dit wat waarde het wat wegraak.
LikeLike
😂 ek het ook so gat en my wasmasjien het ‘n vreeslike voorliefde vir nuwe sokkies so een een op ‘n slag 😉
LikeLiked by 1 person
Sokkies is vitamine vir die wasmasjien.
LikeLike
😂😂
LikeLike
Die sokkies kom natuurlik nooit terug nie.
LikeLiked by 1 person
Ja. Waarheen hulle verdwyn, weet niemand.
LikeLike
Jou goed lê alles hier by my Toorts. Wanneer dit donderweer is val die goed hier uit die lug en ek moet loop optel 😂😂😂😂 Ok sorry, jy hou nie van mense wat hulle simpel hou nie 🤗
LikeLiked by 1 person
Jou simpelheud is nie simpel nie! Ek kom DV in Mei Pretoria toe, dan sal ek dit kom haal.
LikeLiked by 1 person