Toortsie se Woordsnoere 2

Terwyl Laurika Rauch in Toortsie se kop agtergrondmusiek verskaf met ‘kom nag, kom weer en wind, kom oseaan, dieselfde woorde wat Mnr Skim op haar oorlede broer se troue gesê het, en Toortsie moet konsentreer op die lone wat moet klaarkom, karring Lekkervurig met haar brein met ‘n lys van moeilike woorde wat ‘n storie moet word. Toortsie verstaan nie eers wat die woorde beteken nie, wat nog te sê ‘n storie daarvan maak?

Laurika sing van haar huisie by die see. Wat het die Triton daarmee te maak, die seegod? Speel hy vir haar die begeleiding op sy skulptrompet terwyl die sterre van die diereriem toekyk? Die ram, die bul, die tweeling? Dalk is hulle twee besig met ‘n ode aan die skerpioen, Toortsie se ster, terwyl die water om hulle ruis. Vasgevang in hulle esoteriese lofrede wat net ‘n handjievol mense kan verstaan, is hulle onbewus van die onheil wat besig is om rondom hulle op te bou.

Wie is die nimf wat met ‘n seer hart besig is om te koukus met die seekat, ‘n mollusk, die moegoe van die see, wat op enige opdrag van haar sal reageer, sal ageer as sy die teken gee? Sy, wat onbewus is daarvan dat hy, wat in die brak seewater woon, al die jare op haar verlief is? Hy wat ‘n arm en ‘n been sal gee, om haar liefde te wen. Hy, ‘n idialis, keur haar verliefdheid op die Triton glad nie goed nie en sal die voortou neem om hom, die Triton, die nekslag toe te dien. Die haat teenoor die Triton, wat hy oor jare alreeds opkrop, is besig om die oorhand oor hom te neem.

Sodra die nimf die nodige teken gee, sal hy die Triton aanval, hy sal hom gaffel en snipper soos net ‘n seekat kan, totdat sy skelet in ‘n kompakte hopie op die sand uitspoel. Vir die res van sy lewe sal hy met vreugde die angskrete, die ‘eina!’ van die Triton onthou.

Maar ja, hierdie is net ‘n verbeeldingsvlug van die Toortsie in opdrag van Lekkervurig, en sy het so mooi gesê, ‘Gaan reg deur die see, wat ek sterk betwyfel of dit hier die geval is. Geen waarheid of eerlikheid is enigsins ter sprake nie. So palielie die Toortsie maar voort tussen die moeilike woorde en hoop dat die storie enigsins sin maak. En indien dit nie sin maak nie, wat dan?

Intusen het die skrywer in haar skedonk weggery, met ‘n bos vol irisse op die linkersitplek.

Lees wat die ander bloggers met hierdie woorde gemaak het. Kliek HIER

Nou toe, Toortsie, terug werk toe met jou! Klaar gespeel nou.

Advertisements

29 thoughts on “Toortsie se Woordsnoere 2

    1. Una, die waarheid is dat ek so vaak is, ek kan skaars my oë oophou. Hierdie storie het saam met die wit seeskuim op die sand beland. 😊 Nou ja, julle gaan nou weer net nóg skerper wees.

      Like

Lewer kommentaar op Toortsie Kanselleer die reaksie

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s