Ek sou nooit kon dink dat ek vir ‘n kat sou bid nie, wat nog te sê vir ‘n hond, maar toe my vriendin een aand hoogs ontsteld vir my bel om te sê dat hulle kat baie siek is, het ek uit my hart uit vir die kat gebid. Ek het ook al vir honde gebid.
Maar ‘n boom? Ek weet darem nie.
Sowat twee weke gelede, die Donderdag, kom my nuwe buurvrou hier ingehardloop met ‘n bonsai boompie. Sy is op pad oorsee en sal ek asseblief na die boompie kyk? Sy is baie erg oor haar boompie. Sy sit hom neer waar hy gelukkig sal wees, wys vir my hoe ek hom daagliks moet water gee.
Dit werk te mooi.
Tot die Maandag.
Toe begin die blaartjies geel raak. Ek bid vir die boompie. Ek vertel by die bybelstudie dat ek bekommerd is oor die boom.
Dinsdag pendel ons, so ek maak presies hoe buurvrou gesê het ek moet maak.
Vrydag, toe ons terugkom, het boompie al sy blare afgegooi.
Callie bel my toevallig en sê dis ‘boomstres’. Tannie moet sy takke natspat. Ek gooi maar die boompie nat en spat nat en bid en praat met die boompie, vra ewe vir die boompie of iemand al ooit vir hom gebid het.
Hy staan net daar, blaarloos, maar antwoord niks.
My neef sê die boompie lyk ongelukkig.
Die handlanger by die kaste sê dis ‘n kremetartboom. Moet sê, blaarloos lyk hy regtig asof hy ‘n kremetartboom kan wees.
Google sê dat ‘n bonsai boompie binne ‘n maand vrek. Hulle sê dat bonsai boopies hulle blare om een van twee redes afgooi: te droog of te nat.
Dankie Google, maar watter een?
Saterdag loop ek ‘n vriendin van die vriendin raak, dié kom ondersoek die boom en sê alles is reg, boompie het maar net blare afgegooi.
Ek gooi ‘n bietjie meer water as voorheen, bonsaiboompies het mos maar nie baie wortels nie, hy is in ‘n kleinerige bakkie.
Intussen kan ek nie besluit nie: Moet die buurvrou gou terugkom om boompie te kom red, of ‘n bietjie langer kuier sodat die blaartjies eers groei? Watter een sal die beste wees?
Dan kom daar klein, bruin knoppies.
Nuwe groen uitgroeiseltjies.
Die boompie groei.
Die boompie maak nuwe blaartjies.
Vrydag, as ek die boompie vir buurvrou teruggee, gaan hy uitgedos wees met ‘n hele blad nuwe blaartjies. Kyk maar mooi!
Want hier is regtig vir die boompie gebid, hoor! Ek is doodernstig.
Toortsie
Daai het ek ook al gedoen, vir die honne kinners ook. My boompie het ook nou takkies en blare.
LikeLiked by 1 person
Het jou boompie ook sy blare verloor? Dalk het ek verniet gestres!
LikeLike
Ai Toortsie….dit was jou gebed wat gewerk het. Ek is bly die boompie het weer blare!!
LikeLike
Ek wil ook so dink. Elke keer as ek by hom kom, is daar nou nuwe blaartjies.
LikeLike
Ag my dierbaarheid! Ek voel nou baie meer normaal! Ek bid ook vir sulke goed.
Ek is baie bly dit gaan goed met die boompie! xx
LikeLike
Jong, ek bod vir vreemde goed! As ek iets soek, vra ek die Here moet my help, Hy weet dan in elk geval waar dit is! 😊 Jy kan nie dink hoe verlig ek was toe ek sien die boompie groei weer nie!
LikeLiked by 1 person
Ons is mos in verhouding met Jesus en gesels met hom oor alles…vra raad en hulp…of dit nou ‘n boompie is of jou man se slaapbroek wat so sleg lyk en hy nie wil uitgooi nie. Wonderlik wanneer jy sien die boompie kry blare….of jou man het vir homself ‘n splinternuwe broek gekoop sonder dat jy jou mond oopgemaak het. Ons het ‘n wonderlike God 😊
LikeLiked by 2 people
Lag ek nou vir die slaapbroek.
LikeLiked by 2 people
Ek moes elke oggend daardie broek opvou en onder sy kopkussing sit. Dit het ‘n lekker gesprekitem met Jesus geword.
LikeLiked by 2 people
Haha. Ek wonder altyd of mens iets moet leer uit so situasie?
LikeLiked by 2 people
Geduld? Uithou en bekhou? Dis die innerlike wat tel? Miskien kan jy nog ‘n paar noem.
LikeLiked by 1 person
😊
LikeLike
Slaapbroeke is sensitiewe goeters!
LikeLike
Of jou kind na wie jy so verskriklik verlang, kom uit sy eie kuier.
LikeLiked by 1 person
Dit is die bonus omdat jy jouself oor die boompie ontferm het. Ek deel jou blydskap 🤣
LikeLiked by 1 person
❤️
LikeLiked by 1 person
Ek sou ook gebid het vir daai boompie. Dankie tog vir die nuwe blare. Btw… Dis die eerste keer wat Facebook my hiernatoe lei en nie die WordPress reader nie, dog maar net ek sê.
LikeLiked by 1 person
Dis interessant. Hie sal dit werk?
LikeLiked by 1 person
Wat ‘n heerlike getuienis! Het my sommer baie bemoedig vanoggend. Dankie, Toortsie.
Plante is baie keer nes mense, hulle reageer verskillend op verskuiwing. Die hoeveelheid lig en temperatuur van die nuwe staanplekkie kan hulle ongelukkig maak, of vrolik laat blom.
Sooo bly die plant het herstel nadat jy gebid het! Prys die Here.
Op die oomblik bid ek vir my man – hy is verskuif na ‘n ander afdeling by die werk met ‘n nuwe toesighouer – iemand wat bekend is dat dit nie lekker is om vir hom te werk nie. My man sal seker ook ‘n paar blare afgooi … Die Here het ‘n doel daarmee, hoewel ek nie weet wat nie … maar die Here wat jou gebede verhoor het vir die boompie, sal my man ook help. Onse God sorg vir die lelies en voëls en Hy sorg vir ons ook.
Dankie vir hierdie bemoedigende stukkie, hoor. Ek het dit so nodig gehad.
LikeLiked by 1 person
Dankie Marietjie, ook vir jou bydrae. Mag dit goed afloop by jou man se werk
LikeLike
Naskrif – ek sien WordPress gee my so ‘n nare gesiggie by my kommentaar – ‘n groen monstertjie met slagtande. Aggenee! Sou liewers ‘n vrolike gesiggie wou gehad het. Maar ek het nie my eie blog nie en kan dus nie die avatar verander nie. Jammer!
Mooi aand vir jou.
LikeLiked by 1 person
Ag nee! Dalk is dit die tyd om ‘n blog te begin, of hoe?
LikeLike
Nou te lekker gelag.
LikeLiked by 1 person
Jy mag nie lag nie! Dis ernstige sake hierdie!
LikeLike
Die bid werk vir daarfie boompie. Ek moet my nuwe vyeboompie gaan natspat en meer vir hom bid. Miskien kom hy reg
LikeLiked by 1 person
Ja! Probeer!
LikeLike
Ag die boompie is te fraai. Ek het al vir ons vrugte bome ook gebid. 😉
LikeLiked by 1 person
Ek glo hul dra groot vrug! Ons is nou die week nie tuis nie, ek hoop hy hou kop!
LikeLiked by 1 person
Ons het verlede jaar swaar takke gehad met die perskes. Na die snoei hierdie jaar het net die druiwe gedra, die res niks. Sal seker volgende jaar wanneer ons nie meer hier is nie. Ek glo die boompie sal nou mooi hou na die bebid. 😁
LikeLiked by 1 person
Ek glo ook so. Hy is nou gewoond aan die nuwe omstandighede en hy maak npu nuwe blaartjies vir sy mamma wat Vrydag terugkom.
LikeLiked by 1 person
Ek is so bly vir jou part. Hiehie!
LikeLiked by 1 person
Bid werk….ek glo dit!. Bly oor jou boompie!
LikeLike
Jy moet sien hoe mooi is die boompie nou. 😊
LikeLike