My pa was vreeslik lief vir die uitdrukking, Twee honde baklei om ‘n been. Die derde kom en gaan daarmee heen.
Ek dink dit is glad nie nodig om hierdie idioom uit te lê nie, dis voor die hand liggend. Twee mense stry oor iets wat hulle graag wil hê, dat hulle nie agterkom dat ‘n derde persoon met die prys wegloop nie.
In my lewe is hier twee honde wat baklei om ‘n been. Die been se naam is Saterdag. My tyd, eerskomende Saterdag.
Die twee honde is ‘n gilet wat klaargebrei moet kom voor Maandag, en my huis wat ek nou vir eens en vir altyd klaar wil uitpak en die prente ophang. Tyd vir beide is daar regtig nie, dit sal baie beplanning kos.
Nou wil dit al vir my lyk dat ek iemand baie naby aan my vir wie ek baie lief is, sal moet skuif van die een kamer na die ander in die ouetehuis Saterdag.
Nou ja, ek sal dit met liefde doen. Die twee honde sal maar bekaf moet sit en kyk, dis wat.
En intussen sal Toortsie ‘n bietjie beplanning moet doen rondom ‘n sekere gilet wat klaargebrei moet kom.
Die lewe is opwindend!
Groete
Toortsie
Daai derde hond, ja. Maar jy herinner my nou aan ‘n storie wat my oupa vertel het van twee klein hondjies wat so verwoed baklei het dat net die twee stertjies later in die stof bly lê het. Dis wat ek opwindend noem.
LikeLiked by 2 people
Aijaijai. Daar lê die stertjies toe krullend en swaaiend met niks honde om hulle besig te hou ni e!
LikeLiked by 1 person
Vandag se honde veral die in die politiek is baie slim … net soms vang slim sy eie baas… hehehehe ek kan darem baie twak verkoop. Jy is reg, maar soms wen niemand nie.
LikeLiked by 1 person
O jy is ‘n twakverkopertjie. 😂🤪
LikeLiked by 1 person
Dis waar dat die derde een meestal die beste daaraan af is. Jy het baie besluite om te neem. Sterkte met al die skuiwe wat jy beplan en dat jou gilet die oorhand kry en klaar gemaak kan word.
LikeLike
Ek brei en brei elke moontlike sekond. Ek is nou besig met die laaste voorpant se skouer. Dan vaswerk, rib om nek brei en voorste randstroke.
LikeLike
Sjoe jy wikkel hom. Bly om te hoor jy kry darem n oomblik om te brei.
LikeLiked by 1 person
My skoonma se verskyiwing is gelukkig nou eers volgende naweek, dus behoort ek darem hierdie naweek tyd te kry om dit te brei. Dit moet net klaarkom!
LikeLike
Dis goed dat dit tog gaan klaar kom.
LikeLiked by 1 person
Ek dink darem so. Al moet ek een aand tot baie laat werk. Ek brei nie op Sondae nie. 😊
LikeLiked by 1 person
As jou klaasvakie so verdwyn soos myne, sal hy klaar kom.
LikeLiked by 1 person
Hy sal klaarkom. Buig of bars. Iewers sal ek ‘n paar ure moet steel.
LikeLike