Soveel keer in my lewe het ek al iets in my hart gewens, dalk selfs vir niemand daarvan vertel nie en dan eendag, heel uit die bloute raak dit waar. Dis net ek en die Here wat daarvan weet.
Voorbeelde hiervan was my tienerwens om eendag Wene te besoek, wat ek heeltemal vergeet het, en verlede jaar waar geraak het. Of om op ‘n staptog in die Kruger Nasionale park te gaan, dit het op die vreemdste manier denkbaar waar geraak. Of, om op ‘n olifant se rug te kan ry. Of my lawwe wens 30 jaar gelede om vir my kinders die sneeuberge te kan gaan wys, daardie tyd was dit werklik ‘n saak van onmoontlikheid.
Toe ons twee jaar gelede dorp toe getrek het, was my wens om party dae die oumas te gaan haal dat hulle sommer net die dag by my sou deurbring. Sommer net hier sit. Ek kon dit soms met my skoonma doen, maar ons huis was nie geskik om my ma daar te ontvang nie, dis die een trappie ná die ander en sy beweeg net te moeilik. Intussen het haar gesondheid soveel verswak dat dit regtig onmoontlik geraak het. Ek het nie gedink dit sal ooit weer gebeur nie.
Gister het my droom waar geraak. Die kinders was hier en hulle kon ons help om haar te hanteer, in die motor te laai, geselskap te hou.
Hulle het dit so geniet. My ma het van haar meubelstukke wat ek nou gebruik, herken. Die uitsig was vir haar heerlik en die jong geselskap het haar goed gedoen. Dit was ook vir haar lekker om weer ‘n slag aan ‘n familietafel te kon eet.
As die geleentheid hom weer voordoen, sal ons met graagte dit weer doen. Dit was so goed vir ons almal.
Ek is so dankbaar vir klein genadetjies!
Toortsie
Kosbaar, kasbaar. Ek mis my skoonma se voete onder my tafel so vreeslik.
LikeLiked by 1 person
❤️
LikeLike
Kosbaar…..🙈
LikeLike
😊
LikeLike
Ai ek kan net dink hoe lekker dit vir jou mammie moes gewees het. Dat jy so kort na die trek reeds vir ‘n familietafel kans sien, is indrukwekkend verby!
LikeLiked by 1 person
Niks indrukwekkends nie, dis mos my kinders en hulle het gehelp. 😊
LikeLiked by 1 person
Dit is nou regtig n mooi droom wat waar geword het. Daardie familie-tafel-eet tye is heerlik.
LikeLiked by 1 person
ń Wonderlike wens is vervul. Ek kan glo jou hart is vol dankbaarheid, Toortsie.
LikeLiked by 1 person
Regtig, Una, regtig. Ek is nie seker of dit ingesink het dat dit ons huis is nie, maar hulle het dit baie geniet.
LikeLike
Dis so spesiaal, en ek verstaan wat hierdie vir jou as mens beteken.
LikeLiked by 1 person
❤️
LikeLike
Op die ou end maak dit nie saak of hulle dit onthou nie, ons onthou dit en my kinders was altyd erg oor hulle oumas, dit het ook vir húlle iets beteken.
LikeLike
Jy is so gelukkig om hulle nog by jou te hê.
LikeLiked by 1 person
Ek us, maar hulle is al baie oud. Die tydjie en verstandjies en alles raak kort.
LikeLiked by 1 person
Dit was vir my baie swaar toe my ma haar geheue begin verloor het op ± 95 en later haar kinders begin vergeet het. Maar ek onthou nog steeds hoe die ou gesiggie opgehelder het as ek haar kamer ingestap het. Dit het ons baie jare, te veel, gekos voordat ons regtig ‘n verhouding begin bou het. Mens los sulke dinge altyd te laat en dan verwyt jy jouself.
LikeLiked by 1 person
Ek en my ma kon erg haak, maar het mekaar altyd weer gesoek. Ek is dankbaar vir die goeie jare wat ons veral later gehad het.
LikeLiked by 1 person
So ‘n voorreg om dit te kon doen! Ek onthou hoe my skoonma dit altyd waardeer het om saam te kuier. Dit was maar ‘n gespook met die rolstoel, maar was die moeite werd as jy die vreugde op haar gesig gesien het.
LikeLiked by 1 person
Dis vir almal goed, ook vir die jongmense.
LikeLiked by 1 person
Ek verstaan hoe ń groot lekkerte dit vir jou was. Die kersfees voor my skoonma oorlede is, het ons en die kinders haar so gehelp om saam by die tafel te kon aansit. Tot haar dood het sy dit onthou, daardie dag om die tafel, almal saam.
LikeLiked by 1 person
Dit was regtig baie kosbaar. ❤️
LikeLike
Ek is bly vir jou Toorts. Dis baie spesiale tye waarop jy later kan terugkyk.
LikeLike
Dankbaar
LikeLike