Ek is tans besig om ‘n gilet te brei wat vir ‘n VLV- kompetisie bedoel is. In die begin het dit gevoel of ek meer uittrek as wat ek brei, maar iewers het ek aan die gang gekom en vorder dit tog te mooi.
Maar, iewers het daar ‘n fout gekom. Iewers het ek die patroon verkeerd aangevat of iets.
Ek kan dit regknoei, maar die beoordelaars het skerp oë en sal dit beslis raaksien. Terugbrei is al opsie. Nie uittrek nie, want dan gaan ek steke verloor.
Een vir een brei ek die steke terug, ry vir ry, totdat ek uiteindelik by die fout uitkom: Ek het per ongeluk iewers nie deur die hele steek gebrei nie, maar deur die vesel en op so ‘n manier ‘n ekstra steek veroorsaak.
Dit sou op geen manier reggeknoei kon word nie omdat daar ‘n ekstra steek was en sou ek aanhou brei, sou die fout net meer en meer uitstaan en sou ek op die ou end baie meer moes terugbrei.
Ek kon nie help om sommer aan die lewe ook te dink nie. Soms wil ons iets wat verkeerd is, sommer toesmeer, regknoei. En soms werk dit en kom dinge tog reg, maar soms is dit nodig om ‘terug te brei’ totdat ons by die wortel van die fout uitkom en reg te maak.
Terugbrei is nooit lekker nie. Dis verkeerdom. Moeilik. Dit maak seer en ons wil nie altyd daardie seer weer oopkrap nie. Tog is dit die moeite werd om te werk aan jou seerkrydinge sodat jy oor tyd eerder ‘n heel mens word, as een wat swaar dra aan ons seer.
Transformation Prayer Ministry (TPM) is ‘n hulpmiddel om jou te help om die seer van jou lewe te ontknoop.
Groetnis
Toortsie
Sjoe Toortsie…dis waaragtig die heilige waarheid…. knoeiery op enige vlak loop altyd op meer moeilikheid uit. Dankie vir die pragtige vergelyking. DInk dit geld ook vir kortpaaie vat as jy brei of hekel…dit kan ook nogal in ‘n ramp ontaard.
LikeLiked by 1 person
Ja, hoe verder jy knoei, hoe langer jy knoei, hoe meer moet jy knoei om die vorige knoeiwerk reg te stel.
Dit was regtig nie lekker om terug te brei nie, onthou ek brei op sirkelpenne en dis agterpant en voorpante gelyk, so ‘n ry vat laaank, maar toe ek by daai simpel steek kom wat ek verkeerd gemaak het en begin weer vorentoe brei, was dit so lekker en was ek so bly ek het dit gedoen.
LikeLiked by 1 person
Ander sou daar opgegee het….ek dink jy is n ster vir teruggaan en regmaak. Dit wil gedoen wees
LikeLike
Die ding moet klaar, jong, en ek wil darem graag respek hê vir my eie werk. So ‘n ding bly jou mos pla, en die mooiste van alles is, as ‘n mens so iets dra, en iemand sê vir jou dis mooi, dan wys jy daardie knoeiplek vir die persoon! 🙂
LikeLiked by 1 person
Alles wat in die donker gebeur moet eers aan die lig kom voor heling kom. Knoei is mos so donker ding.
LikeLiked by 1 person
Jajaaa
LikeLike
Ek hou baie van die beeld wat jy gebruik. Dinge wat verkeerd is, kan nie reggeknoei word nie. Dit moet behoorlik reggemaak word.
LikeLike
Dankie. Ongelukkig kan goed regtig nie reggeknoei word nie.
LikeLiked by 1 person
Ek gaan hierdie reblog in die Government Gazette.
LikeLike
Wie is hulle? Moet hulle ook agteruit brei?
LikeLiked by 1 person
Sug. Nee, dalk moet hulle sommer net uittrek en los.
LikeLiked by 1 person
Lekker lag ek vir daai sug
LikeLiked by 2 people
😊
LikeLike
Klink baie beter. Hul sukkel dan om vorentoe te brei, hoe de dinges gaan hulle dit agtertoe regkry?
LikeLiked by 1 person
Dis die reine waarheid
LikeLiked by 1 person
Dis baie waar…
LikeLiked by 1 person