As daar nou een stukkie in die Bybel wat waar is en wat swaar is, is dit die stuk oor die tong in Jakobus 3. Oeeee!
Ek het al as jongmens baie ernstig aandag gegee aan hierdie stukkie, woorde hardloop mos maklik by my mond uit. En raai, oor jare kan ek regtig sê dat baie gebed, baie werk daaraan, baie keer val en weer opstaan, doelbewus let op wat ek sê, doelbewus konsentreer daarop dat positiewe goed, eerder as negatiewe goed, by my mond uitgaan, het vrugte afgewerp. Ek hét geleer.
Maar net sodra jy dink jy is nou oulik, kyk, dan word jy tot realiteit geroep op die mees onverwagte oomblik en val die dominoes wat jy oor jare opgestapel het, klik, klik, klik, om. Poef!
Dis mos darem nou nie dat ek nie gewaarsku is nie. I like to read what Minister Aldtric Johnson writes everyday, you can learn so much from him. In this blog post he writes about the bad impression that you had left behind and that you have to live through it by being good in your everyday life. I think it is not all about first impressions, but also about being good to the people around you, the people in your house, where you also slip up sometimes.
Maar, dis nie net Minister Aldtric wat my waarsku nie, In my stiltetyd staan ek steeds stil by Jakobus en doen tans Geloof vir ‘n tyd soos hierdie deur Johan Smit. Jakobus, en Johan Smit, waarsku my dat ek moet dink voor ek praat, dat as ek dit kan regkry om my tong te beheer, ek ook sal regkry om ander dinge in my lewe te beheer. Selfbeheersing. Van bote beheer met ‘n kleine roer het ek geen ondervinding nie, ek sien maar net altyd hoe die grote oliebote by ons suidpunt verbyvaar, deur mooi waters, deur stormwaters, ek sien soms hoe die branders bo-oor ‘n boot slaan. Van ‘n perd en ‘n stang in sy bek het ek ‘n bietjie meer ondervinding, ek het nogals ‘n bietjie ponie gery kleintyd. Johan Smit sê dat my tong my in die regte, óf verkeerde rigting kan stuur en dat ek alleen in beheer is van hom.
Susan Coetzer probeer my ook waarsku my in Smarties vir die siel. Sy sê ons moet vas aan skadelike woorde, onnodige, afkrakende, negatiewe woorde, dat ons ons gedagtes moet bekyk voor ons dit uitsaai. Ek maak ewe ‘n ! by dit. Sy sê, soos Jakobus, dat woorde soos vuurhoutjies is, en nie te lank terug nie het ek ook met groot oë gekyk hoe ‘n vuur kan brand!
Ook by Toortsie strike die pawpaw soms die fan, val die appelkar soms om. Dis niks om oor trots te wees nie, maar baie om aan te werk, deur die genade van die Here.
Groetnis
Toortsie
Waarheid…ek struikel steeds
LikeLike
Ek ook. Gereeld! Erg! Soms minder erg.
LikeLike
Solank ons daaraan werk. 🙂
LikeLike
Jip…
LikeLiked by 1 person
Ai my groot swakplek….
LikeLiked by 1 person
Ag nee wat, ek glo dit nie. 😁
LikeLiked by 1 person
Glo maar
LikeLiked by 1 person
Ons doen dit maar almal. Die Bybel sê so. ❤️
LikeLiked by 1 person
Die wag voor die mond, of soos met my huidiglik, besef wat jy sê, al is dit uit liefde bedoel, en weet dat daar reperkussies kan wees. Ek sukkel ook maar.
LikeLiked by 1 person
Ek het vanoggend iets moois raakgelees. Ek stuur dit vir jou.
LikeLiked by 1 person
Ek onthou een van die gesegdes wat in ALMAL se destydse autograph boekies verskyn het was: beware of your tongue. Remember its in a wet place and likely to slip…..so jammer ons het daai tyd nie mooier daaroor gedink nie!
LikeLiked by 1 person
Ja dit was net mooi woorde. 😁
LikeLiked by 1 person
Dis ‘n stryd vir my ook en soms is ek so onnosel, ek kom nie eens agter dat ek die verkeerdste ding op die verkeerdste moontlike tyd gesê het nie. Ek kan darem baie mooi om verskoning vra, maar dan is die kwaad reeds gedoen.
LikeLiked by 1 person
Maar soms is die bedoeling regtig goed en maak dit nie saak wat jy sê nie, dit word verkeerd ontvang.
LikeLiked by 1 person
Net so! Ek het dit ook al ondervind.
LikeLiked by 1 person
Ag Hester…ek is gereeld in kookwater daaroor want om een of ander rede is my woorde wat ek spreek en die woorde wat die ander party aanhoor heeltemal verskillend…dan breek oorlog uit!!😂
LikeLike
As jy die Leefstylbybel vir vroue het, kyk op bl 1355 by Joh 15. Dit het my sommer bemoedig. Selfs Jesus is verkeerd opgeneem en Hy het tog nie foute gemaak nie.
LikeLiked by 1 person
Hierdie een bevraagteken ek ook!!! Dit wat ek sê en dit wat gehoor word is twee heeltemal verskillende goed. Ek dink die vyand verdraai die woorde voordat dit sy bestemming bereik.
LikeLiked by 1 person
Dis net dit…hy twist dit binne millisekondes….
LikeLiked by 2 people