Hierdie bloginskrywing is deel van ‘n verbeeldingsvlug van 14 blogmaats, beter bekend as die ‘Towerinne’, wat besig is met ‘n verbeeldingstoer deur die land. As jy wil lees wat hulle alles aanvang, kliek op hierdie skakel, waar al die stories in hierdie reis gelys is:
http://www.inlinkz.com/new/view.php?id=797928
Terloops, hierdie is die 70ste hoofstuk in hierdie storie.
Kyk, as jy nou nie wil hoor nie, moet jy maar voel! En Broodina wil duidelik nie hoor nie. Soveel keer het sy haar nou al in die Towerinne vasgeloop, soveel keer het sy al probeer moeilikheid maak, vals berigte versprei, maar steeds wil sy nie hóór nie!
Die toppunt was toe sy dit probeer regkry het dat ons nie die pragtige, kleurvolle, Dullstroom mag besoek het nie en ewe met polisiebegeleiding deur die dorp geneem is. Wat meer wil jy nou hê? Waar, in jou lewe, het jy al van so iets gehoor?
Maar, soos ek reeds genoem het, het Broodina nie ore nie, of dalk nie verstand nie, nie wysheid nie, nie insig nie, ek ken nie besluit wat sy nie het nie! Of dalk het sy ‘n persoonlikheidsversteuring, dat sy ons keer op keer wil terugkry vir moeilikheid wat sy self veroorsaak het? Dalk hou sy van moeilikheid soek? Ek weet regtig nie. Want, as sy slim genoeg was, sou sy weet dat jy nie met blogmaats moeilikheid soek nie, soos ek al lankal vertel het wat met trolle gebeur wat moeilikheid op blogs soek.
Maar, soos die ou bekende kat van Ou Jan Wilson, wat keer op keer teruggekeer het, so is sy.
Ou Broodina is ‘n trol wat ons net nie wil verlaat
Ons het alles geprobeer om haar van ons weg te keer,
maar sy wil net nie hoor
en bly ons aanhou pla
nou, dan moet sy maar voel
en self die gevolge dra!
Maaarrrr
Broodina kom weer, want sy wou nie langer wag
Broodina kom weer, net die volgende dag
Broodina kom weer, glo vir my dis waar
Die anderdagmôre was Broodina weer daar!
Kameel het besluit dat dit sommer nonsens is dat sy probeer beheer uitoefen oor Dullstroom, die polisie, én die Towerinne. Wie, dink sy is sy? Dus, toe Kameel haar plan vir ons fluister, het ons soos een span op die perde geklim en vir haar gaan wys dat ons nie in ‘n blik te druk is nie. Ha!
Intussen het Scrapy haar planne mooi bymekaargekry en vir haar, voor sy haar oë kon uitvee, in ‘n vinnige vuurpyl ‘n klomp draaie om die aarde laat vlieg. Dít sal haar leer!
Sal sy nou haar les leer? ‘n Mens weet nooit! Ons toer is halfpad en ons het nog ver om te gaan. My grootste vrees is dat sy besluit om suid te gaan en ons hier iewers in te wag, so ek het solank voorsorg getref en vir die eienaar van die Suidernuus solank gewaarsku dat hy tog nie so ‘n haakneus joernalis wat die afgelope jaar onder andere in Hartebeespoortdam en Dullstroom gewerk het, aanstel nie. Sy voorspel net moeilikheid vir hom en sy koerant, en julle weet mos hoe dit in klein dorpies gaan.
Nou ja, net die tyd sal leer.
Groetnis
Toortsie
Dit is goed jy het die Suidernuus voorberei….maar ek hou nogsteeds duimvas dat sy nadese haar les geleer het. Ek sluk swaar aan Broodina kom weer!!! Sy laat my net te veel aan my oujongnooi onderwyseresse uit my hoërskooldae dink. 😣
LikeLiked by 3 people
Die tweede versie van daardie lied laat my ril.
Hul sit haar op ‘n skip en stuur haar na Ceylon
Die skip was gelaai met 12 000 ton
Nie ver nie van die land
Het die skip gesink
En al die matrose op doe skip het verdrink.
Maarrrr
LikeLiked by 2 people
Maar WAT?
LikeLike
Maar Broodina kom terug…
LikeLike
Ek gaan nie hierdie een like nie 😣
LikeLiked by 2 people
Dis hoe die oorspronklike lied gaan.
LikeLiked by 1 person
Sê jy nou Broodina is soos ou Jan Wilson se kat? Jy weet dat ‘n kat nege lewens het, nè? Ek wonder …
LikeLiked by 1 person
Ek hoop regtig nie so nie.
LikeLiked by 1 person
Sy het my ń paar keer verbygesteek…Haar wentelbaan hou!
LikeLiked by 4 people
Ek wens sy bly daar!
LikeLike
😁😁😁😁 Ek like!!! Sy kon jou nie sien nie Una… Scrapy sê sy het haar skoon uit haar bril geskrik 😁😁😁😊
LikeLike
🙂
LikeLike
😅
LikeLike
Hahaa, Una! Ek wens ek kon haar gesig sien elke keer as sy jou verbysteek!
LikeLiked by 1 person
Ek vermoed dis ‘n erg angstige een!
LikeLiked by 1 person
Sonder haar bril moet dit nogal angswekkend wees om teen so ‘n spoed deur die ruimte te wentel. Siestog, dalk moet ons haar laat terugkom en haar bietjie lawe met ‘n bederfie. Kan dalk haar houding verander…lae selfbeeld en so-aan, sit agter alles.
LikeLike
Ja, probeer om haar ons vriendin te maak, dink jy? Dit sal maar moeilik wees. Sy wil seker maar eintlik graag deel van ons wees. Dis eintlik lagwekkend, as jy daaraan dink, enige iemand kon deelneem!
LikeLiked by 1 person
Ek lê solank laag en dink aan nog ‘n grappige episode vir hierdie antie.
LikeLiked by 1 person
Sien! Ek het geweet daar is geen keer aan haar nie! Sy is soos ou Jan se kat!
LikeLiked by 1 person
😂
LikeLiked by 1 person
Hoop net die brandstof in die vuurpyl is genoeg om haar te keer dat sy nie in die suide land nie. Ek het die timer vir Dullstroom gestel maar mens weet nooit nie. Sjoe jul moes daardie gesig gesien het toe die vuurpyl afgaan en op haar af jaag. Al haar hare het regop gestaan. Sy het haar skoon uit haar bril geskrik. Nou kan sy nie juis sien nie.
LikeLiked by 3 people
Dit sal gaar leer!
LikeLiked by 1 person
Uit haar bril geskrik 😁😁😁😁 En blykbaar beweeg sy vinniger as Una 😁😁😁😁 so sy sien niks!!!
LikeLiked by 1 person
Ek kry haar amper jammer!
LikeLiked by 1 person
Ha HA, jy vetel my. Hoop net hul bly uit mekaar se pad uit daar in die ruimte.
LikeLiked by 2 people
Mooi gedoen Scrappy ons koop vir jou ń medalje, briljante plan. Mag haar brandstof in die ruimte op raak en sy vir ewig wentel. Toortsie ek hou niks van jou lied nie, mag dit glad nie profetiese woorde wees nie.
Ek maak dadelik werk daarvan om die Tygerburger ook te waarsku teen haar.
LikeLiked by 4 people
Ja wat, as ons kan voorbrand maak, het sy nie ‘n kat se kans om verder op ons roete moeilikheid te maak nie. Ons móét haar beskerm teen haarself. Ek hou ook nie van hierdie lied nie, maar sy kom sowaar keer op keer terug. Sy is erger as ou Jan Wilson se kat!
LikeLike
Hoop haar tjank is nou finaal af getrap.
LikeLiked by 1 person
Ek hoop ook so, maar met sulke mense weet jy nooit.
LikeLike
Ek hoop regtig die ou mens het nou haar les geleer, maar mens kan nooit die effék van slegte muwwe brood onderskat nie! Oulik geskryf Toortsie!
LikeLiked by 2 people
‘n Mens kan nooit te gerus wees nie!
LikeLiked by 1 person
Ek dink die beste wat ons kan doen, is om haar te ignoreer, want alles is vir haar soos olie op die vuur.
LikeLiked by 1 person
O jinne maar julle is vol dinge en planne. Ek voel geeerd om tussen sulke flink dinkers te wees…
LikeLiked by 1 person
Maar ons voel net so geëerd om jou tussen ons te hê, want jy help mos ook planne maak. 😁
LikeLike
My brein wou nie lekker werk vir n paar dae nie, ek hoop ek kry nou weer planne
LikeLiked by 1 person
O hulle sal kom. 😁
LikeLike
Ag dankie tog
LikeLiked by 1 person
Hul kom altyd weer. Myne was nou ook vir meer as ‘n week weg.
LikeLike
Dis goeie nuus😋
LikeLike
Net soos Bondels was my brein ook op n slow strike…maar ai Toorts! Broodina kan nou maar emigreer want ons towerland het nou te klein geword vir haar. En by the way…..jy is n liedjieskrywer van formaat!!
LikeLiked by 1 person
Dankie. Ek moet darem nie die eer vir die liedjies kry nie, dis bestaande liedjies waarvan ek net die woorde verander.
LikeLike
Kan ons nie maar vir Broodina wegtower nie, so tjoef tjaf, poef, weg! Of anders vir haar ‘n mooi persoonlikheid laat kry.
Op daai selfde noot, hoop ek om die ouditeure wat hier is tjoef tjaf weg te toor (sug)
LikeLiked by 1 person
Sterkte!
LikeLike
Die kat kom weer en weer en weer. Maar he klink Broodina dan na ‘n vroulike hond…
LikeLiked by 2 people
Sy is regtig van die pad af. Ek kry haar eintlik jammer. Wens ek kon haar help!
LikeLike
Sy is werklik ń kanniedood
LikeLiked by 1 person
Met haar weet mens ongelukkig nooit. Onvoorspelbaar.
LikeLiked by 1 person