Die heel week hou ons al troue. Eers was dit die voorbereidings. As moeder van die bruidegom wil ek geweldig baie eer gee aan die bruid se ouers wat ‘n pragtige geleentheid gereël het.
Die onthaal was op die plaas en hul het ‘n groot markiestent opgeslaan.
Soos julle weet, brand dit in die Suid-Kaap en Donderdagoggend sien ek ‘n rokie trek in die berg reg agter ons. Ek wonder of hulle bewus is van die vuur, maar sien toe die reeds afgebrande stuk, dit brand blykbaar al die heel week.
Maar Vrydag begin die vuur versprei.
Saterdag waai daar ‘n sterk bergwind, reg in ons rigting en dis digte rook en ek staan en kyk hoe die vuur sommer amper by ons brand, kyk waar oral bome groei en ek vrees dat dit die troue gaan kniehalter. Ek en skoonseun bid, en ek weet, vele ander mense bid ook.
Maar God hoor en die wind en die rook gaan lê en ons het ‘n pragtige middag en aand gehad. Die hele aand was daar ‘n rooi gloed en het ons tog maar kort-kort gekyk hoe die vuur sommer naby ons bloedrooi brand.
Perde is my skoondogter se groot liefde en het ‘n prominente rol gespeel.
(Ek het party van hierdie foto’s op Facebook gesteel)
Dit was ‘n pragtige, feestelike geleentheid en ek voel dankbaar en trots dat ek deel hiervan kon wees.
Vandag het ons gaan kyk waar die vuur oral gebrand het. Ja, ons het skade, maar daar was baie genade ook, soos ‘n baie duur masjien wat behoue gebly het terwyl dit rondom hom gebrand het. Bekyk die foto baie mooi.
By die buurplaas het ‘n huis bly staan met ‘n klompie groen bome om hom, terwyl alles verder verbrand het. Genade, dis wat dit is. Net genade.
Hierdie was vanmiddag by ons op die plaas.
Maar ook hier was God genadig. Terwyl die vuur voortwoed, dink ek dat dit hier by ons tans redelik onder beheer is. Net genade. Dis meestal die veld wat brand en genadiglik het dit by ons nie na die lande versprei nie. Maar as die wind weer begin opsteek, dan kan ek nie help om bekommerd te wees nie.
This too shall pass. ❤️
Groetnis
Toortsie
Ik zal bidden dat deze ramp spoedig stopt en dat de gevolgen herstelbaar zijn.
Voor de rest nog veel Geluk en zegen toegewenst aan het mooie Bruidspaar.
Groetjes van uit Vlaanderen
Theo
LikeLike
Ons bid vir julle, en is saam dankbaar vir genade en seën.
LikeLiked by 1 person
Dankie dankie ❤️
LikeLike
Mens het nie woorde….net trane wat loop oor die verwoesting…en dan ook van dank vir genade
LikeLiked by 1 person
Ja, dis nogal erg.
LikeLike
Eerstens, van harte geluk met jou seun se huwelik, Toortsie – mag hul nuwe lewe saam oorloop van geluk.
Dan is ons saam met julle bly dat die verwoesting nie so erg is soos wat dit kon wees nie, en hoop en bid saam met julle dat dit gou onder beheer sal kom.
LikeLiked by 1 person
Dankie en dankie. Die groot skade lê tans in draad en pypleidings.
LikeLiked by 1 person
So baie aan julle gedink en hard gebid dat die troue rustig kan gebeur. Ek en Bertus het mooi na die foto gekyk waar daardie grote masjien heel veilig staan met als om hom afgebrand. Julle het weereens ons Here se beskermende hand ervaar, Toortsie.
LikeLiked by 2 people
Sjoe, ja. Baie dankie. Dit was ongelooflik, daardie stormwind wat net skielik gaan lê het.
LikeLike
Baie geluk met d nuwe skoondogter. Dis retig wondwrlik hoe julle beskerm is tydens d brand
Ek hoop dit blus gou
LikeLiked by 1 person
Dankie. Ek hoop ook regtig dit sal nou blus.
LikeLike
Baie geluk aan die bruidspaar en hulle ouers. Jinne Toortsie, die brand kon lelike gevolge gehad het. Ek is so bly julle is veilig en kon darem ook die troue geniet.
LikeLike
Dit was’n wonderwerk dat daardie wind gaan lê het, dit het regtig afgestuur op ‘n fiasko.
LikeLiked by 1 person
Baie geluk met die skoondogter wat julle bygekry het. In die toekoms sal dit julle dit onthou nie die brande nie. Sterkte Toortsie
LikeLike
Dankie. Ek vertrou ons sal die mooi van die troue onthou.
LikeLike
Die troue kan mens sommer sien was pragtig. Baie sterkte met die brande ❤️
LikeLiked by 1 person
Dankie. Ek dink by ons is dit redelik oor, maar weet nie of dit al heeltemal geblus is nie.
LikeLiked by 1 person
Pragtige kinders – mooi wense vir hulle!
LikeLiked by 1 person
Sjoe!! Genade… ek is bly dat daar genade is!
En hier by ons het dit al meer as 200mm gereen van begin November! Kan ons nie maar hoop van ons nattigheid kom daar uit nie?
LikeLiked by 1 person
Daar is altyd genade, selfs in die slegste van omstandighede. 😁 Julle is omtrent geseën met reën.
LikeLiked by 1 person
Baie geluk met jou nuwe dogter, mag hul lewe vol geluk vrede en liefde wees.
Daardie foto van die groot masjien spel groot – GENADE.
LikeLiked by 1 person
Dankie 😁
LikeLike
En ek is stil dankbaar saam met julle vir genade.
LikeLiked by 1 person
❤️
LikeLike
Bly julle is veilig en kon so ‘n mooi troue geniet!
LikeLiked by 1 person
Dankie
LikeLike