Kyk, dit was so hittete, en ons weet mos almal dat Kameel dinge soms vooruit kan voorspel! Toe Kameel gister haar storie vertel van Toortsie in die Staatsteater in Pretoria, sjoe! Was dit nou ‘n ervaring! Toortsie die hoofsangeres in The Phantom of the Opera! Chrisine van alle rolle!
Toortsie! Hou op droom! Hou op spek skiet! Hierdie is suiwer fiksie! Kameel het net ‘n storie vertel, dit is nie waar nie!
Maar, dis nie die einde van die verhaal nie.
Die Simphonia National Orchestra & Band Festival vir skole vind hierdie naweek plaas in Mosselbaai. Dit is die heel eerste keer wat dit aangebied word en hulle hoop dat dit oor jare ‘n baie groot geleentheid sal word. My kind nooi my om te kom luister en ons gaan woon toe die opening by.
Ek gee genoeg rytyd tot daar, maar pappa is rustig en ons ry sommer so lekker met die agterpaaie om die wêreld te kyk, julle weet, en kom minute voor die tyd by die Diaz museum in Mosselbaai, waar dit aangebied word. En, net soos in Kameel se verhaal, moet Toortsie gou vinnig ‘n draaitjie loop voor die verrigtinge begin. Maar, om die draaitjie te loop, moet jy deur die ‘konsertarea’ beweeg, tussen ‘n orkes deur! Man! Ek was só bang hulle begin stiptelik!
Daar was slegs drie orkeste, naamlik ‘n Marimba orkes, ‘n blaasorkes van Port Elizabeth en die Dromspelers van Klein Boishaai in die Paarl. Daardie dromspelers is só goed en professioneel, ‘n mens kon amper dink hulle is hoërskoolkinders! Die marimbaspelers was ook goed, maar die blaasorkes van PE het ons asem weggeslaan. Sjoe! Hulle is uitstekend.
Is jy in Mosselbaai se omgewing hierdie naweek? Doen gerus die moeite en gaan kyk na hierdie orkste, julle sal nie spyt wees nie.
En net ingeval die Towerinne wonder, ek het NIE daar op die karveel gestaan en sing van oom Dias nie.
Maar die mooiste kom nog. Ons gaan eet gou na die tyd saam met die Boishaaiers. Hulle het al geëet toe ek die vertrek binnekom, en soos een man staan die manne op om respek te toon. Sjoe! Kry ‘n mens dit nog in vandag se tyd? Mooi manne, ek is trots op julle!
Groetnis
Toortsie
toortsie.com 
Dit moes n belewenis vanuit n ander wereld gewees het. Sjoe, eks skoon jaloers. Dis so mooi as sulke jongmense nog nederig en hoflik optree.
LikeLiked by 3 people
Regtig, dit het my hart warm gemaak. ❤️
LikeLiked by 2 people
Jy kan maar droom Toorts. Sjoe, dat daar nog vir ‘n vrou opgestaan word…wow!!
LikeLiked by 1 person
Amading wens ek was daar!!! Dankie vir die deel Toortsie
LikeLiked by 1 person
Sjoe! Dit moes amazing gewees het. Dis vir my so great dat jonges nog in musiek maak belangstel en nie net blindelings musikante volg wat DINK hulle kan sing nie. My liewe dierbare 35jarige baas, het die begin van die jaar met viool lesse begin en ons gaan Saterdag haar eerste konsert bywoon! Nooit te oud nie, nê!
LikeLiked by 1 person
Ek haal my hoed af vir haar! 🎻
LikeLike
Sy het amper opgeskop want sy kry maar min ondersteuning tuis maar ek en haar onnie het haar bly motiveer…en ja! Dis konserttyd…
LikeLiked by 1 person
Sy moet net vasbyt. 😁
LikeLike
Wat ñ heerlikheid om te kon bywoon, Toortsie!
LikeLiked by 1 person
O ja
LikeLiked by 1 person
Ag jy maak my hart sommer bly met die seuns se mooi maniere en daardie blaasorkes – dit bring wonderlike herinneringe: Middelkind het die Tuba in so ‘n orkes gespeel!
LikeLiked by 1 person
Hulle was te oulik!
LikeLiked by 1 person
Dit was sekerlik ‘n groot dag vir die trotse ouers (en onderwysers) ook!
LikeLiked by 1 person
Beslis!
LikeLiked by 1 person
Toortsie Kameel sal nie jok nie. Jy hoef nie kunsmatig nederig te wees nie. Dit was jy daar op die verhoog met Phantom of the Opera 🎭
LikeLiked by 1 person
Wat vertel jy my!?😱 Was ek nou weer so in die oomblik en verbaas en wat nog alles dat ek dit nie besef het nie!? Petrus het weer gedoen laaaank voor hy gedink het! 😱
LikeLike
Wowee! Ek lees sommer hoe baie jy dit geniet het.
LikeLike
O ek het!
LikeLiked by 1 person