Hierdie is tong in die kies geskryf en julle moet julle asb nie steur aan die reëls soos hier genoem nie.
Die grootste nagmerrie wat my tref as my kinders troukoors kry, is die rok. Moeder van die bruid rok. Moeder van die bruidegom rok.
Met my eerste kind, ‘n seun, se troue is ek aanvanklik min gespin. Tot iemand sê: ‘O, jy gaan darem seker ‘n uitsonderlike tabbert kry!’ Ai! Die duiwel is listig!
Ek hoor: Jy moet volgens die kleurskema aantrek, jy is deel van die gevolg. Of nie. Die ma van die bruidegom moenie mooier lyk as die ma van die bruid nie. En, en, en. Blote bog!
Ek koop die mooiste lap, ligte grys satyn met pienk kralelap bo-oor. Vriendin sal dit maak. Skielik besef ek, dis te lig! ‘n Mens moenie met die bruid kompeteer nie!
Ek bel die vriendin en vra sy moet asb donkergrys satyn koop. Sy maak die rok en ek besef dit gaan nie werk nie. Die krale-oorrok is oorweldigend.
Dis twee weke voor die troue en daar’s nie tyd vir Kaap toe ry nie, en dis Paasnaweek. En hoe gaan ek vir vriendin sê dit gaan nie werk nie?
(Moet tog nie dat manlief vir julle vertel hoe ek die aand omgekap het van senuwees oor die trouklere nie, hoor! Hy vertel net die omkapdeel en nié dat ek die dag omtrent ‘n hele pot boontjiesop én amper ‘n hele vrugtebrood opgeëet het nie! Dis nie ‘n goeie kombinasie nie, veral nie so kort voor ‘n troue as die senuwees nie goed is nie.)
Ek kry sommer op Struisbaai ‘n swart nommertjie. Maar moeders van bruidegomme moet glo nie swart dra nie, sê die slim mense! Bog.
Vriendin ontdek ‘n donkergrys kant en maak my outfit klaar en stuur die voltooide rok vir my. Ek dink ek het mooi gelyk.
Met kind 2 se troue is dit chaos in my lewe, ons skou beeste en toer oorsee. Ek gee vir ‘n ander vriendin lap en ‘n stelletjie klere en sê, maak asb. Al wat ek kan sê, is dat dit nooit reg gesit het nie, selfs nie nadat ek omtrent al tien kg verloor het nie!
Toe kry my dogter troukoors. Ek bestel die mooiste rok oor die internet. Pragtig. Dit kort effens verstellings, maar meisiekind is nie opgewonde nie. Ek storm een dag oorhaastig by ‘n winkel in en koop my rok, kleurskema totaal vergete. Ag jaaa. En hoor hier, dit was ook ‘n mooi rok.
Toe is dit ten minste afgehandel. Dankie tog! Nie weer outfits nie!
Of so het ek gedink!
Hier kry een van my kinders sowaar weer troukoors. Hier gaan ek al weer!
Maar ek het geleer. Ek steur my nie meer aan reëls nie. Nou maak en net soos ek wil! Hiehaaaaa!
Uhm julle. (fluister) Ek het nog nie ‘n rok nie. sjuut. moenie oorvertel nie hoor.
Groetnis
Toortsie
Ns. Goeie nuus! Ek het iets gkry en ek is MaL daaroor! Nou kort ek net rooi stiletto’s!
Wel ek h d antwoord! As julle si oendek miet jy elke dorp se winkels deurdraf. Of bel Srephen.
LikeLiked by 1 person
Vandag vaar ek in hierdie kouete Hermanus in!
LikeLiked by 1 person
Ek sal kom vertel. 💃 Ek dink so ‘n rooi rok soos hierdie poppie sal mooi werk. 😁
LikeLike
Gelukkig het net een van my kinders getrou en gelukkig in ‘n Engelse kerk waar dinge heelwat meer informeel verloop. Ek was besig om te herstel van ‘n knie-operasie en was bly dat ek ‘n wye langbroek met oorhangende bloes kon dra.
LikeLiked by 1 person
Wye langbroek met oorhangende bloes klink verskriklik mooi.
Die kerk waarin hulle trou, het darem nie ‘n invloed nie, tensy ek ‘n baie lae hals gaan aantrek, wat ek sterk betwyfel. By my 2e seun se troue het ek ook ‘n broek aangehad.
LikeLiked by 1 person
Ek dink dis baie keer die ander mense se verwagtinge en idees wat ‘n mens beïnvloed.
LikeLiked by 1 person
Ja, dis beslis waar.
LikeLike
Ek het iets gekry. 😁
LikeLiked by 1 person
Nou moet ons seker wag vir die groot dag nè?
LikeLiked by 1 person
Jaaaa
LikeLiked by 1 person
Dayum.
LikeLiked by 1 person
Vra jy datum? Wil jy dat die Towerinne toerbus sommer daar verbykom? 😂🥂
LikeLiked by 1 person
Nee, ek het gesê *damn* in beskaafde taal, maar wanneer is die troue?
LikeLiked by 1 person
Ek sal in jou oor fluister.
LikeLiked by 1 person
Jy is nou geoefend in die storie…doen net wat jy wil!
LikeLiked by 1 person
Ek dink ook so. Ek moenie my aan almal se verwagtinge, idees, wette, giere, watookal steur nie
LikeLiked by 1 person
En ek kan nie wag om fotos te sien nie!!! Ek was sowaar op jou meisiekind se trou…virtueel natuurlik. En jy het stunning gelyk. Onthou, jy het vir ons fotos geplaas, voor jy wonder.😊
LikeLike
Het ek? Is dit nog daar?
LikeLiked by 1 person
Ja!!! Soek na die tyd na hulle troudatum. Ek sal more bietjie soek en aanstuur.
LikeLiked by 1 person
Dankie vir die stunning!
LikeLike
Ek het dieselfde deurgemaak… my enigste mooiste meisiekind se troue was 2 weke terug. Ek het haar lank terug belowe en sal nie swart dra op haar mooiste dag eendag nie. En dis vir my ‘n gróót opoffering 🙂 so laat ek dit aan haar oor om vir my ietsie te kies. Dit was blou. Donkerblou. Met bietjie bling. Blykbaar was dit toe mooi….
Ek mag darem my eie skoene gaan kies het. Dit was rooier as rooiste stilettos 😀 Pragtig seg ek jou!
LikeLiked by 1 person
Ai ek kan net dink!
LikeLike
Vir my ook die grootste nagmerrie… asb nie weer nie!!!!! Jy gaan mooi lyk dit sê ek sommer vooruit. 😊
LikeLiked by 1 person
Ek het nogals ‘n mooi rok gekry. Prys die Here!
LikeLiked by 1 person