Hy sê toe eers niks

Ons kerk se voorsanggroep begin altyd met skriflesing en gebed. Verlede Sondag was dit my beurt om te open.

Toe ons leidster Donderdag vir my vra om te open, het ek dadelik ja gesê en vir God gevra dat Hy vir my sal wys wat ek moet sê, maar so kom Saterdagaand en Hy het nog nie gewys nie.

Want

Skielik is Vrydag en Saterdag só besig en deurmekaar, glad nie hoe dit normaalweg verloop nie.

Skielik kry ek nie regtig tyd om goeie stiltetyd te hou en stil te word by God nie.

Ek kom amper nie eers uit by sommer net vinnig Bybel lees en ‘n vinnige gebed aframmel nie.

Ek kry nie tyd om stil te sit en te hoor wat God vir my wil sê nie, want ek storm voort van die een ding na die volgende.

En God gee vir my hierdie versie: Matt 27:46: My God, my God, waarom het U my verlaat?

Ek besef die konteks is nou nie reg nie, dit was Jesus se kruiswoorde en vir Hom het dit regtig gevoel of God Hom verlaat het, terwyl ek dit regtig nie gevoel het nie. Ek is die laaste tyd uiters bewus van God se teenwoordigheid en Sy sorg.

Soms kan dit vir ons voel of God ons verlaat het, of dat ons Hom nie hoor nie, omdat ons dalk nie vir Hom tyd gee om met ons te praat nie, soos wat ek die vorige twee dae gedoen het.

Soms kan God vir ons ver van ons af voel, nie omdat Hy ver is nie, maar omdat ons ver is.

En dis die boodskap wat ek toe bring: As ons God soek, sal ons Hom vind.

Ons kry Hom deur stil te gaan sit by sy voete, te luister wat Hy sê uit sy woord. Ons kry Hom op baie ander maniere, in die natuur, of waar ookal. Maar ons MOET Hom soek. Ons kan Hom op al die ander plekke gaan soek, maar die sekerste plek waar ons Hom sal kry, is as ons die Bybel self oopmaak en by Hom self gaan hoor.

Geestelike boeke is goed om te lees, maar slegs aanvullend, nie in die plek van die Bybel nie. Ons moet eerder lees wat God self sê, as wat ons lees wat mense OOR die Woord sê.

Ek het fouteer, ek het voortgestorm, en sulke tye slaap ek sleg, want my siel kom slegs tot rus wanneer dit rus vind in Hom.

Mag elkeen van ons vir God soek en Hom vind.

Groetnis

Toortsie

Advertisements

12 thoughts on “Hy sê toe eers niks

  1. Ek soek, maar ek skarrel en ek praat met Hom, maar Hy skarrel nie saam nie…. so weet ek ek moet gaan stilsit by Hom net daar waar ek Hom laas gekry het. Ek weet Hy wag geduldig daar. Dankie tog dat ek dit mag weet!

    Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s