Saterdag het ek die eerste keer deelgeneem aan ‘n parkrun, alhoewel, ek het geparkwalk. Ek hoor al lank al van mense wat elke week ‘n parkrun doen en dit klink so lekker, maar ons het nie so iets op ons dorp nie. Toe kry ons dorp dit, maar 8 vm op ‘n Saterdagoggend is darem VROEG!
Vrydagaand sien ek weer op Facebook dat die mense skryf oor die parkrun en ek dink so by myself dat dit mos my voorneme was dat as ek op my dorp is en hier gebeur iets, ek gaan deelneem. Verder is ek dan so lief vir stap en kom ook nie gereeld daarby uit nie. Dis nou sommer nonsens! Net daar registreer ek en Saterdagoggend vroeg nooi ek vir manlief saam en whalla, daar gaan ons.
Sjoe! Dis lekker! Net 5 ou kilometertjies en glad nie eers bulte nie. Die geselskap is heerlik! Ek sien soveel bekendes uit my dorp, mense met wie ek al ‘n pad gestap het, mense met wie ek nog ‘n pad wil stap en minder bekendes wat oor tyd mos bekendes kan raak. Dis ‘n fees!
Toortsie sal dit weer wil doen, as sy onthou, en die grootste onthouding is die strepieskode wat moet saamgaan. Dis die eerste plek waar ek totaal uit die bus uit gaan val, maar ag wat, dan doen ek dit sommer net saam vir die geselligheid, strepieskode of te nie. Ek het hom nou in my selfoonsakkie gebêre, dalk werk dit!
Volgens die Parkrun webblad, was die heel eerste Parkrungeleentheid op 2 Oktober 2004 in Bushy Park, Teddington, in die Verenigde Koninkryk, met slegs 13 deelnemers. Oor tyd het hulle gerekenariseer en kon hulle al hoe meer Parkruns aanbied, soveel so dat dit nou ‘n wêreldwye ding geraak het. Hulle leuse bly steeds dat dit weekliks moet plaasvind, gratis moet wees, en tot beskikking van almal wat wil deelneem.
En sou jy een keer geregistreer het, is jy vir die res van jou lewe geregistreer om op enige plek in die wêreld deel te neem op ‘n Saterdagoggend, waar jy ookal is.
In Suid-Afrika is dit orals 8 vm en jy daag net op, neem deel, wys jou strepieskode en dis dit. Hoe moeilik kan dit nou wees? Jy mag selfs jou hond saamneem solank hy aan ‘n leiband is en slegs een hond per persoon, en jou jong kinders mag ook deelneem, solank hulle onder toesig is.
Nou toe! Wie is Saterdag by vir ‘n gesellige saamhardloop/saamstap? Dit lyk my jy kan selfs Vitalitypunte verdien met Parkrun.
Groetnis
Toortsie
Mmm. Jy laat dit lekker klink…
LikeLike
Doen dit. Dis lekker.
LikeLike
En die uitslae sê ek is 35% volgens my ouderdomsgroep. Blykbaar is 60% ‘n goeie aanduiding, maar wie wil nou beter doen as 35%?
LikeLike
Man, ek stem saam met jou. As mens in jou vyftigs is, klink ń 35% uitslag soos 100%.🤗
LikeLiked by 1 person
Ja man, dis waar die lekker kuier en gesels is! 😁
LikeLiked by 1 person
Ek stap ook my run… ek glo vas daar is ‘n 11de gebod. Toe die liewen Heer vir ons Eva’s boobies opgesit het, het hy gesê : “Thou shalt not run”. En ek hou by daai een 😀
LikeLiked by 1 person
En hoe staan dit iewers van die man wat net hardloop as hy skuldig is? Of so iets? Ons is mos nie skuldig nie!
LikeLiked by 1 person
Mos! 😀
LikeLiked by 1 person
Klink heerlik Toorts. Gee maar elke tweede treëtjie vir my 😊
LikeLike
Ek maak so!
LikeLiked by 1 person
Daarsy! Ek dreig noual lank om aan te sluit, maar ons naaste Parkrun venue is in Uvongo. Om soontoe te ry en parkering te vind voor 8:00vm op een van die besigste strande hier rond is my grootste beswaar. Ek gaan tog registreer en wag vir ‘n dag wat die weer van so ‘n aard is dat ek bereid is om voor 6:00vm in die pad te val.
LikeLike
Ek moet eerlik wees, in daardie omstandighede neem ek dalk nie deel nie. 6 vm elke Sat?
LikeLiked by 1 person
Hulle begin 8vm, maar ek moet Uvongo toe ry, en soos ek sê, parkering kan ‘n probleem wees daar op “gewone” dae. Dis een van ons gewildste visvang- en toeristestrande.
LikeLike
Ek het darem so verstaan. 😁
LikeLiked by 1 person
Ek is gelukkig net 10 minute weg! Ek oorweeg om sommer my hond te vat en te stap soontoe.
LikeLiked by 1 person
Jy’s gelukkig om so naby te wees. Ek wens ons dorp het so ‘n parkrun aangebied, maar hier is te veel bulte, bosse en klippe.
LikeLiked by 1 person
Dalk kan jy dit begin. 😁🤸🏼♀️
LikeLiked by 1 person
Dit sal seker ‘n halfuur se stap wees.
LikeLiked by 1 person
Ek het gekyk, die tye wissel van 20 minute (die joggers) tot een uur (oues van dae). Ek en Karen stop natuurlik elke vyf tree vir ‘n foto, dus mag dit dalk ‘n bietjie langer duur! Hulle stap in die heuwels / duine amper reg teen die see.
LikeLiked by 1 person
Ek sluk ook swaar aan die 8:00 op ‘n Saterdag, die enigste inlêdag. Dalk wanneer my man nie meer voltyds werk nie en ons ander dae later kan slaap 🙂 . Knapgedaan Toortsie, dalk, dalk…
LikeLiked by 1 person
Ek verstaan daai swaar sluk. 😁
LikeLike
Ek dink op die stadium is die 6;00vm die remskoen…maar ek MOET begin stap. Doctors orders al 2 maande terug!
LikeLiked by 1 person
Orals in SA begin dit 8 vm, maar nou hang dit af hoe ver jy daarvandaan woonen die verkeer en alles.
LikeLike
Ek is nie ‘n goeie vroegopstaner nie.
LikeLike
Ek kan nou nie uit die vuis se hoeveel parkrun’s ek al gewalk het nie. Die wintermaande is ok. Dan begin dit 8vm. Maar omdat die humiditeit baie hoog kan wees in die laeveld begin dit 7vm. Ons moet 48km ry om daar te kom en 48km terug. Maar ons poog nou om ‘m parkrun in ons dorp te vestig. Die roete is darem al goedgekeur. Om 7 vm al in Hazyview aan tr tree vir ‘n parkrun, meen ek moet 5vm al opstaan, dis in die middel van die nag.
LikeLike
Jy is behoorlik paraat as jy dit so gereeld doen. Hartlik geluk!
LikeLike
Lag, ons geniet ons looptoggies. Wens net ek kan Homer kry om bietjie meer gereeld mee te doen. Hy het darem ook ‘n ‘paar agter die blad.
LikeLike
Ek het dit eens op n tyd gereeld gedoen. Dit is heerlik.
Ooh maar ekt so antjie op my facebook sy moet na elke park run n foto van haar in haar park run klere (en make-up) post. Ek se jou ELKE Saterdag – dit iriteer my SO.
Geniet dit Toorts
LikeLiked by 1 person
Maar ek gaan nou ook elke week ‘n bloginskrywing doen … my tweede … derde …, dan neem ek my hond saam en dit werk of dit werk nie, ens. Vervolgverhaal. 😂
LikeLike
Onthou die foto van jouself en jou make-up 😁😂🤣
LikeLike
Van myself is maklik, van my make-up nie so maklik nie! 🙂
LikeLike
Toortsie daar is darem al 1 ding wat ek voor jou gedoen het. Met my eerste parkrun het ‘n vriend wat verjaar ń paar gesinne genooi en ons het saam geparkrun bt Blouberg soos Transvalers op ń skottelskaar ontbyt gemaak. Was baie lekker. En nou dat ek daaraan dink daar is fotos geneem, regverdig dalk ń blog post
LikeLiked by 1 person
Ek is seker daar is baaaie goed wat jy al voor my gedoen het en ook baie goed wat ek jou glad nie sal kan nadoen nie.
LikeLike
Jy lyk vir my soos ‘n hoë energie doener (niks fout daarmee nie) en gelukkig is ons nie in kompetisie nie
LikeLiked by 1 person
O dankie! Ek vertel dalk net ywerig wat ek doen en bly stil oor wat ek nie doen nie. 😂
LikeLike
Skryf daai post.
LikeLike
Julle maak my senuweeagtig. In die middel van die winter? Saterdagoggend 8 vm? DIS NOG DONKER HIER!!!
LikeLike
Darem nie meer nie. Jy moet kom saamstap.
LikeLike
Jy is baie oulik. As ek in Namibië is, kyk ek elke Saterdagoggend by my venster uit en sien die klomp daar verby wikkel…reg voor ons deur. Was nog heeltemal te lui om dit te doen. Ek moet darem bysê ek doen tweemaal ‘n week Calethenics al vir die laaste 28 jaar en ek en ‘n vriendin stap smiddae ‘n uur lank. Dus kan ek Saterdae rustig wees.Geniet dit!
LikeLike
Klink my jy is behoorlik aktief!
LikeLiked by 1 person